چاهه مٿي چاري (نظم )

[صراط بلوچ]

چاهه مٿي چاري (نظم )
نوراحمد جنجهي
ڪوئي لنگهه نه خالي آهي
چوڏس ويٺا چاري آهن
روڪن ٿا توکي مونکي
اهڙا اتياچاري آهن
گهڙي دليل اُڌارا
پکيڙي پلپل گمراهي
ٺاهه ٺڳيءَ جا ٺاهي
پيار کي چاڙهيون ڦاهي
لاڳاپا سڀ لاهي
اچ هلون ڏيهه اهڙي
ڪونه پُڇي ذات جتي
ڪين ڏسون ههڙي تهڙي
ٿا ڏسون جي هُتي ، هِتي
پاپ نگر جي پل نه هجي
دل وارن ۾ ڪا دوري نه هجي
ڪنهن جي ڪا جي حضوري نه هجي
ڪوئي ڊڄ ۽ ڊاو نه هجي
ڪوئي ڀيد ۽ ڀاو نه هجي
آزاد رهون آزاد جيئون
آباد رهون شاد جيئون