مشهور شاعر سائل آزاد جو اصل نالو غلام حسين واڍو هو. پاڻ 1938ع ۾ چنيسر ڳوٺ ڪراچي ۾ الھ بچائي واڍي جي گهر ۾ جنم ورتو. شروعاتي تخلص " شاد" رکيائين. پر پوء ڇوٽي صالح محمد قوال جي ساٿ ۽ سنگت کيس "سائل آزاد" بڻائي ڇڏيو. سائل آزاد اردو فلم "ڪاغذ ڪي ڦول" ۾ شامل شاعري سان مشهوري ماڻي. سائل آزاد سنڌي ٻوليءَ جي انهن چند آڱرين تي ڳڻڻ جيترن شاعرن مان هڪ آهي جيڪي مشاعرن ۾ پنهنجي شاعري پيش ڪرڻ جو هنر ڄاڻندا آهن. سائل مشاعري ۾ پنهنجي شاعري ڪمال طريقي سان پڙهندا هئا. جن کي ٻڌندڙ داد ڏيڻ کان سواءِ نہ رهي سگهندو هو. سائل آزاد ريڊيو ۽ ٽيليويزن لاء ڪيترائي نغمه ۽ وطن جا گيت لکيا آهن جن وڏي مقبوليت ماڻي آهي. سائل آزاد جي شاعري کي سنڌ ۽ پاڪستان جي ناليوارن فنڪارن ڳايو آهي. سنڌي ۾ لکيل گهڻن ئي گيتن کي سيد سليمان شاه توڙي ٻين بهترين نموني ڳايو آهي. سندس جڳ مشهور گيتن ۾ " پئسا بولتا هي" وڏي مقبوليت ماڻي.
سائل آزاد سنڌي فلمن لاءِ گيت لکيا جن ۾ رت ۽ اجرڪ، پرديسي ۽ پيار، جانو ڌاڙيل، قرباني، هو جمالو، طوفان، مهراڻ جا موتي، سنڌ جا سپوت شامل آهن.
سائل آزاد 10 نومبر 2018ع تي ڪراچيءَ ۾ وفات ڪئي.
سائل آزاد بابت ڊاڪٽر محمود مغل صاحب جي ترتيب ڏنل ڪتاب سنڌ ٽاڪيز تان مدد ورتي وئي آھي.
عبداللہ جروار جي ٿورن سان