27 ڊسمبر ڇا ڏنو ڇا ورتو ؟ فقير محمد سنڌي. 27 ڊسمبر 1797ع تي مشھور شاعر مرزا اسد الله خان غالب جو جنم ڏينھن آهي. 27 ڊسمبر 1822ع تي عظيم سائنسدان لوئي پاسچر جو جنم ڏينھن آهي. 27 ڊسمبر 1917ع تي شاعر اختر هالائي اصل نالو خليفو محمد عمر ولد حاجي عبدالرحمان ميمڻ هالا نوان ۾ پيدا ٿيو. 27 ڊسمبر 1927ع تحريڪ پاڪستان جو رهنما حڪيم محمد اجمل خان جو وڇوڙو ٿيو. 27 ڊسمبر 1937ع تي آل انڊيا مسلم اسٽوڊنٽس فيڊريشن ڪلڪتي جي صدارت قائداعظم ڪئي. 27 ڊسمبر 1949ع تي انڊونيشيا جي آزادي جو ڏينھن آهي. 27 ڊسمبر 1953ع تي نثر نويس ۽ شاعر مخدوم محمد صالح ڀٽي پراڻن هالن ۾ وفات ڪئي. 27 ڊسمبر 1979ع تي افغانستان ۾ روسي فوجون داخل ٿيون. 27 ڊسمبر 1996ع تي سنڌ جو امر آواز، سرمد سنڌي اصل نالو رحمان مغل هڪ روڊ حادثي ۾ 35 سالن جي عمر ۾ راهه رباني ورتي. آخري آرامگاهه پريالو ۾ اٿس. 27 ڊسمبر 2003ع تي شھري اتحاد لاڙڪاڻو جو باني محمد بخش ابڙو ولد فقير محمد راهه رباني ورتي، محمد بخش ابڙو 1948ع تي لاڙڪاڻي ۾ جنم ورتو. 27 ڊسمبر 2007ع تي ملڪ جي اڳوڻي وزير اعظم محترمه بينظير ڀٽو کي راولپنڊي ۾ شھيد ڪيو ويو. آخري آرام گاهه ڳڙهي خدا بخش ڀٽو ۾ اٿس.
