21 جنوريءَ ڇا ڏنو ڇا ورتو ؟ فقير محمد سنڌي. 21 جنوري 820ع تي مشھور بزرگ ۽ فقھ اسلام جو ٽيون امام ابو عبيد الله محمد بن ادريس شافعي جو وصال ٿيو. 21 جنوري 1907ع تي مشھور شاعر، اديب ۽ صحافي الھه بخش ”سرشار“ عقيلي ڪراچي ۾ جنم ورتو. 21 جنوري 1918ع تي شاعر ۽ نثر نويس حاجي امام بخش ”خادم“ بدوي وفات ڪئي آخري آرام گاهه شڪارپور ۾ اٿس. 21 جنوري 1924ع تي روس جي ڪميونسٽ اڳواڻ ولاد مير لينن جو وڇوڙو ٿيو. 21 جنوري 1926ع تي مشھور اسڪالر ۽ لوڪ ادب جو ڄاڻو اسماعيل شيخ حيدرآباد ۾ جنم ورتو. 21 جنوري 1931ع تي ليکڪ، محقق ۽ سماجي اڳواڻ عبدالغفور الستيءَ شھر دڙي ضلعي ٺٽي ۾ جنم ورتو. 21 جنوري 1943ع تي آزادي ۾ ويساهه رکندڙ سچو محب وطن هيمون ڪالاڻي کي اسرويل کيس سکر جي اسپيشل جيل ۾ ڦاهي ڏني ويئي. 21 جنوري 1946ع تي سنڌ ۾ ٻي صوبائي اليڪشن ٿي. 21 جنوري 1952ع تي شاعر، ڪھاڻيڪار، مضمون نگار ۽ محقق سرور منگي، اصل نالو غلام سرور منگي، رضا محمد منگيءَ جي گهر ڳوٺ نئين گڏ تعلقي ڏوڪري ۾ جنم ورتو. 21 جنوري 1954ع تي ايٽمي آبدوز کي سمنڊ ۾ لاٿو ويو. 21 جنوري 1956ع تي سياسي اڳواڻ ڪامريڊ عبدالقادر کوکر جو وڇوڙو ٿيو. 21 جنوري 1958ع تي قوم پرست اڳواڻ قمر ڀٽي والد حاجي محمد سليمان ڳوٺ فيض محمد کوکر تعلقو وارهه ضلعو لاڙڪاڻي ۾ ڄائو. 21 جنوري 1967ع تي رسالپور ڪاليج کي پاڪستان ايئرفورس اڪيڊمي جو درجو مليو. 21 جنوري 1974ع تي سيد علي انور شاهه راشدي وفات ڪئي. آخري آرام گاهه، درگاهه شاد آباد ۾ اٿس. 21 جنوري 1991ع تي سنڌي صحافت جو روشن باب علي محمد شيخ وفات ڪئي. 21 جنوري 2008ع تي ليکڪ احمد مجتبى غالب ملڪاڻي جو وڇوڙو ٿيو
