سجاد علي سومرو
سينيئر رڪن
دنيا ۾ اخروٽ جا وڻ گھڻي قدر نوريئڙن جي ڪري ڦٽي پوندا آھن. اھو ان لاءِ ته نوريئڙا اخروٽ جي وڻن مان اخروٽ پٽي کڻي اچي زمين ۾ لڪائي رکندا آھن. ته جيئن ڪجھ وقت کان پوءِ اھي لڪايل اخروٽ ڪڍي کائي سگھن پر گهڻو وقت گذرڻ کانپوءِ اھي لڪايل اخروٽ انھن کان وسري ويندا آھن. نتيجن ان جگھ تي برسات پوڻ سبب انھن مان وري اخروٽ جا سلا ڦٽي نڪرندا آھن ۽ اھي وقت گذرڻ سان وڻ جي صورت اختيار ڪندا آھن. ۽ انھن مان وري اخروٽ پچي تيار ٿيندا آھن جنھن جو وڏو فائدو وري به انھن نوريئڙن کي ئي پھچندو آھي. بلڪل ائين ئي انسان کي به ڪرڻ گهرجي نيڪ ڪم ڪري پوءِ ان کي وساري ڇڏجي نتيجو ساڳي ريت ئي نڪرندو.