28 فيبروريءَ ڇا ڏنو ڇا ورتو ؟ فقير محمد سنڌي. 28 فيبروري 1922ع تي مصر، برطانيه کان آزادي حاصل ڪئي، پر برطانوي فوج مصر ۾ رهي. 28 فيبروري 1931ع تي مضمون نگار ۽ صحافي ڊاڪٽر عزيز الرحمان ٻگهيو موهن جي دڙي جي ڳوٺ ڪاراڻي ۾ جنم ورتو. پي ايڇ ڊي جو موضوع؛ سنڌي صحافت جي ارتقا ۽ تاريخ (1988ع.) 28 فيبروري 1948ع تي ڪشمير جي چوڌري غلام عباس مرحوم، جمون جيل کان آزاديءَ کانپوءِ پاڪستان هليو آيو. 28 فيبروري 1949ع تي عبدالحڪيم سومرو راڻي پور شھر ۾ پيدا ٿيو. ادبي سڃاڻپ، شاعر اٿس. 28 فيبروري 1949ع تي ٽي وي اداڪار صلاح الدين تونيو ولد محمد ابراهيم تونيو خيرپور جوسي ڀرسان ڳوٺ حاجي ڌڻي بخش تونيو تعلقي قنبر ضلعي لاڙڪاڻي ۾ جنم ورتو. 28 فيبروري 1951ع تي پاڪستان ۾ مردم شماري جو آغاز ٿيو. 28 فيبروري 1952ع تي ليکڪ، ڪھاڻيڪار ۽ استاد سليم اختر ڪورائي، خيرپور ميرس شھر ۾ جنم ورتو. 28 فيبروري 1965ع تي شاعر، اديب، صحافي ۽ سماج سڌارڪ زاهد ميراڻي اصل نالو زاهد حسين ولد قادر بخش ميراڻي ڌاڪ تلاءَ، رتيديري ۾ جنم ورتو. 28 فيبروري 1974ع تي صحافي ۽ سياستدان حاجي شاهنواز پيرزادي جو وڇوڙو ٿيو. 28 فيبروري 1979ع تي مولانا سيد ابوالاعلى مودودي کي پھريون ”فيصل“ ايوارڊ ڏنو ويو. 28 فيبروري 1985ع تي پاڪستان ۾ قومي اسيمبليءَ جي اليڪشن ٿي. 28 فيبروري 1986ع تي سويڊن جي وزيراعظم اولف پالمي جو قتل ٿيو. 28 فيبروري 1986ع تي ممتاز شاعر، مرثيه نگار ۽ مترجم امروهي جو وڇوڙو ٿيو. 28 فيبروري 1991ع تي پھرين خليجي جنگ جو خاتمو ٿيو.
