10 مارچ ڇا ڏنو ڇا ورتو ؟ فقير محمد سنڌي. 10 مارچ 1739ع تي نادر شاهه، دهليءَ ۾ قتل عام ڪرايو. 10 مارچ 1739ع تي غدر جي بعد لال قلعو دهليءَ جو دروازو کوليو ويو. 10 مارچ 1869ع تي مسلم ليگ جو نالو تجويز ڪندڙ سر محمد شفيع جو جنم ڏينھن آهي. 10 مارچ 1872ع تي عالم دين مولانا عبيد الله سنڌيءَ جو جنم ڏينھن آهي. 10 مارچ 1876ع تي ٽيليفون تي پھريون پيغام گراهم بيل پنھنجي هڪ دوست والسٽن کي ڏنو. 10 مارچ 1910ع تي (سھڻا سائين) خواجه الله بخش غفاري ولد حضرت محمد مٺل (پير مٺا سائين رح) جو جنم شھر خانواهڻ تعلقي ڪنڊياري ضلعي نوشھري فيروز ۾ ٿيو. 10 مارچ 1932ع تي زيب ڀٽي، پورو نالو قادر بخش ڀٽي ٽنڊي محمد خان ۾ ڄائو. ادبي سڃاڻپ؛ اديب ۽ استاد اٿس. 10 مارچ 1935ع تي شاعر، مترجم ۽ ڪھاڻيڪار بشير مورياڻي شڪارپور ۾ جنم ورتو. 10 مارچ 1938ع تي ذوالفقار راشدي ولد سيد محمد امام شاهه راشدي پير ڳوٺ (شاهه جو ڳوٺ) لڳ نئون ديرو ضلعي لاڙڪاڻي ۾ پيدا ٿيو. ادبي سڃاڻپ معروف شاعر، اديب ۽ صحافي اٿس. 10 مارچ 1940ع تي سنڌ جو نالي وارو ليکڪ، شاعر، ڊراما نگار ۽ تنقيدنگار امداد حسيني (سانول) ٽکڙ وسئين ملوڪ شاهه ۾ جنم ورتو. 10 مارچ 1945ع تي مشھور ليکڪ ڀڳوان اٽلاڻي لاڙڪاڻي ۾ پيدا ٿيو. 10 مارچ 1950ع تي ايران جي رضا شاهه پھلوي سڀ کان پھرين شاهي قلعي لاهور جو سير ڪيو. 10 مارچ 1957ع تي شاعر عادل سخيراڻي اصل نالو غلام رسول ولد فقير محمد خان سخيراڻي جو جنم ٿيو. 10 مارچ 1959ع تي مشھور رانديگر ڪپل ديو جو جنم ڏينھن آهي. 10 مارچ 1973ع تي مشھور صحافي ۽ پروڊيوسر نور جوکيو گاجي کهاوڙ ۾ جنم ورتو. 10 مارچ 1974ع تي شاعر ۽ اسٽيج ڊراما نگار رفيق وقار، محمد قاسم کھڙو جي گهر نئين ديري ۾ جنم ورتو. 10 مارچ 1982ع تي ڪراچي ۾ پاڪستان، سريلنڪا جي خلاف پھريون ڪرڪيٽ ٽيسٽ ميچ 204 رنـز تان کٽيو. 10 مارچ 1986ع تي موتين جھڙو انسان تاج محمد ابڙو 62 ورهين جي ڄمار ۾ لاڏاڻو ڪري ويو. 10 مارچ 1995ع تي مشھور راڳي موهن ڀڳت وفات ڪئي.
