26مارچ ڇا ڏنو ڇا ورتو؟ فقير محمد سنڌي. 26 مارچ 1911ع تي مشھور شاعر جوالا پرشاد برق جو جنم ڏينھن آهي. 26 مارچ 1936ع تي سنڌي ٻوليءَ جي نامياري اديب، نقاد، مترجم، ناٽڪ نويس، شاعر ۽ ايڊيٽر لڇمڻ ڪومل ”ڀاٽيا“ ضلعي نوابشاهه (هاڻي نوشھري فيروز) ۾ جنم ورتو. جنم جو نالو لوڪومل هئس. 26 مارچ 1941ع تي اندرا گانڌي جي شادي فيروز گانڌي سان ٿي. 26 مارچ 1942ع تي ناميارو ديني عالم ۽ ماهوار شريعت جو ايڊيٽر مفتي عبدالوهاب چاچڙ ڳوٺ ڪنڊي چاچڙ تعلقي گهوٽڪي ۾ پيدا ٿيو. 26 مارچ 1954ع تي مشھور پاڪستاني هيرو سنتوش ڪمار جي پھرين شادي لاهور جي حڪيم محمد حسين جي ڌيءَ جميلا حسن سان ٿي. سنتوش ڪمار جو اصل نالو سيد موسى رضا هو. 26 مارچ 1971ع تي اڳوڻي صدر يحى خان سياسي سرگرمين تي پابندي لڳائي ڇڏي. 26 مارچ 1971ع تي بنگلاديش پاڪستان کان ڌار ٿي پنھنجي الڳ ملڪي حيثيت بڻائي. 26 مارچ 1974ع تي بيگم نصرت حاجي عبدالله هارون ڪراچي ۾ وفات ڪئي. 26 مارچ 2006ع تي اسڪاٽ لينڊ ۾ ريسٽورنٽ ۾ سگريٽ پيئڻ تي پابندي لڳائي وئي. 26 مارچ 2008ع کان سڄي دنيا ۾ (Purple Day) يعني واڱڻائي ڏينھن ”مرگهي جي آگاهي“ طور ملهايو ويندو آهي.
