4اپريل ڇا ڏنو ڇا ورتو؟ فقير محمد سنڌي. 4 اپريل 1888ع تي شاعر ۽ اديب فقير خادم حسين خاصخيلي ولد محمد رمضان ڳوٺ قائم خان تعلقي ميھڙ ضلعي دادو ۾ جنم ورتو. 4 اپريل 1914ع تي گلوڪار، شاعر، سياسي اڳواڻ ۽ موسيقار کيئل داس فانيءَ جو جنم ڏينھن آهي. 4 اپريل 1938ع تي ريڊيو، ٽي وي، اسٽيج ۽ فلم جو مشھور آرٽسٽ صالح محمد شاهه ولد سيد دادن شاهه حيدرآباد لڳ ڳوٺ دريا بيگ مغل ۾ ڄائو. 4 اپريل 1940ع تي شاعر، شبير ”هاتف“ اصل نالو شبير علي شاهه ولد مرحوم سيد الله بخش شاهه ٺکڙائي ڳوٺ ٺکڙ حيدرآباد ۾ جنم ورتو. 4 اپريل 1951ع تي صحافي دستگير ڀٽي جو جنم ڏينھن آهي. 4-اپريل 1964ع تي ممتاز حسين قزلباش مديني منوره ۾ خالقِ حقيقي سان مليو، آخري آرامگاهه به مديني منوره ۾ اٿس. 4 اپريل 1968ع تي امن جو نوبل انعام يافته، مارٽن لوٿر ڪنگ کي قتل ڪيو ويو. 4 اپريل 1973ع تي نيويارڪ ۾ ورلڊ ٽريڊ سينٽر جو افتتاح ٿيو. اتي قائم تمام آفيسن باقاعده ڪم شروع ڪيو. 4 اپريل 1974ع تي نوجوان شاعر اياز سومرو، امان الله سومرو جي گهر جنم ورتو. 4 اپريل 1978ع تي شاعر سائل پيرزادي جو جنم ڏينھن آهي. 4 اپريل 1979ع تي پاڪستان جي اڳواڻي وزيراعظم، ذوالفقار علي ڀٽو کي ڦاهي ڏني وئي. 4 اپريل 1984ع تي ڪھاڻيڪار ۽ ڪالم نگار، ڪليم ٻُٽ جو جنم ڏينھن آهي. 4 اپريل 2008ع تي مشھور اداڪار انور سولنگي جو وڇوڙو ٿيو. آخري آرامگاهه سخي حسن قبرستان ڪراچيءَ ۾ اٿس.
