10 اپريل ڇا ڏنو ڇا ورتو...!

10 اپريل ڇا ڏنو ڇا ورتو ؟

فقير محمد سنڌي.

10 اپريل 1775ع تي هوميو پيٿي طريقي علاج جو باني سيموئيل هنمين جو جنم ڏينھن آهي.
10 اپريل 1843ع تي دٻيءَ واري جنگ کان پوءِ مير محمد نصير خان ٽالپر (ٽالپرن جو آخري حڪمران) ۽ سندس خاندان جي ڪجهه ٻين فردن کي جلاوطن ڪري ڪلڪتي روانو ڪيو ويو.
10 اپريل 1888ع تي مشھور سماجي ورڪر، شاعر ۽ ليکڪ پروفيسر هاسارام پٽ سندر داس پمناڻي روهڙي شھر ۾ پيدا ٿيو.
10 اپريل 1916ع تي ترڪي جي مصطفى ڪمال اتاترڪ، جنرل جي عھدي تي فائز ٿيو.
10 اپريل 1919ع تي لاهور ۾ ٻن سياسي اڳواڻن ڊاڪٽر سيف الدين ڪچلو ۽ مسٽر سيتا پال کي گرفتار ڪيو ويو.
10 اپريل 1920ع تي سنڌي ٻولي جي شاعر، ليکڪ ۽ ناول نگار پريتم هنگورائي ڪراچي ۾ جنم ورتو.
10 اپريل 1922ع تي اردو جي مشھور اديب، اسد گيلاني جو جنم ڏينھن آهي.
10 اپريل 1923ع تي شاعر، محقق ۽ اديب اظھر ريلائي پير، ولد پير ڪريم ڏنو صديقي قريشي ريلائي درگاهه پير رکيل ريلائي ضلعي دادو ۾ ڄائو.
10 اپريل 1923ع تي برصغير جي مشھور شاعر، عبدالحميد فدا خالدي جو جنم ڏينھن آهي.
10 اپريل 1925ع تي ڪھاڻي نويس، جمال الدين ادبي نالو جمال ابڙو ولد علي خان ابڙو ڳوٺ سانگي تعلقو ميھڙ ضلعي لاڙڪاڻي ۾ جنم ورتو.
10 اپريل 1946ع تي دهليءَ ۾ قرارداد دهلي منظور ٿي.
10 اپريل 1950ع تي علم ۽ ادب جو گوهر، مولانا دين محمد وفائي وفات ڪئي.
10 اپريل 1952ع تي سياسي اڳواڻ نذير عباسي جو جنم ڏينھن آهي.
10 اپريل 1958ع تي مشھور ڪھاڻيڪار، ناول نگار، ڊرامه نويس ۽ شاعر طارق عالم ابڙو، قنبر علي خان ضلعي لاڙڪاڻي ۾ جنم ورتو.
10 اپريل 1973ع تي پاڪستان جي ٽئين آئين کي لاڳو ڪيو ويو.
10 اپريل 1974ع تي نوجوان راڳي، مريد عباس ڪٽپر، محمد عالم جي گهر ۾ جنم ورتو.
10 اپريل 1984ع تي شاعر وسيم آڪاش سيتائي جو جنم ڏينھن آهي.
10 اپريل 1986ع تي پاڪستان پيپلز پارٽي جي چيئرپرسن بينظير ڀٽو وطن واپس آئي.
10 اپريل 1990ع تي شاعر ۽ نثر نويس مرزا اسد بيگ ”اسد“ ولد مرزا قليچ بيگ وفات ڪئي