25 اپريل ڇا ڏنو ڇا ورتو ؟ فقير محمد سنڌي. 25 اپريل 1927ع تي شاعر سيد قادن شاهه جو جنم ڏينھن آهي. 25 اپريل 1949ع تي ليکڪ خيرمحمد ٻرڙو سيوهڻ لڳ ڳوٺ ڪاڇي واهڻ ضلعي ڄامشورو ۾ جنم ورتو. 25 اپريل 1951ع تي نامور اداڪار، شيام جو وڇوڙو ٿيو. 25 اپريل 1954ع تي قائداعظم محمد علي جناح جي پرائيويٽ سيڪريٽري مطلوب الحسن جو وڇوڙو ٿيو. 25 اپريل 1960ع تي افغانستان جي شاهه امير امان الله خان جو وڇوڙو ٿيو. 25 اپريل 1966ع تي ليکڪ اعجاز يوسف جو جنم ڏينھن آهي. 25 اپريل 1971ع تي ڪالم نگار، شاعر ۽ ڪھاڻيڪار مظھر ابڙو خيرپور جي ڳوٺ ڪولاب جيئل ۾ جنم ورتو. 25 اپريل 1972ع تي ذوالفقار علي ڀُٽي پھرين مئي تي مزدورن جو ڏينھن ملهائڻ جو اعلان ڪيو. 25 اپريل 1975ع تي ليکڪ عبدالحق عالماڻي راهه رباني ورتي. 25 اپريل 1995ع تي سنڌ جو عاشق، سائين جي ايم سيد سنڌي قوم کان هميشه لاءِ وڇڙي ويو. سائين جي ايم سيد کي سن ۾ سپرد خاڪ ڪيو ويو. سندس ڪفن دفن واري رسم ۾ مختلف مذهب ۽ طبقن جي هزارين ماڻهن شرڪت ڪئي. مسلمان قرآن شريف، هندو گيتا ۽ عيسائي بائيبل پڙهي رهيا هئا ۽ ڀٽائي جي رسالي جو ورد به جاري هو. تاريخ جو هڪ سنهري باب پنھنجي پڄاڻي تي پهتو. 25 اپريل 2008ع تي اسٽيج اداڪار، هدايتڪار، ليکڪ ۽ صداڪار محمد صديق پرهياڙ جو وڇوڙو ٿيو
