شاه عبداللطيف ڀٽائيءَ جي بيتن ۾ ٻٽا لفظ ٻٽا لفظ: ٻٽا معني ٻٽ (گڏ) ٿي ڪم ايندڙ. ٻٽا لفظ هڪٻئي سان ٻٽ ( Together) ۽ لاڳاپيل هوندا آهن. لفظن جا اهڙا جوڙا هڪٻئي جا جوڙيوال هوندا آهن ۽ گڏجي ڪم ايندا آهن. ڊاڪٽر غلام علي الانا لفظن جي ان جوڙجڪ کي "تڪرار" سڏي ٿو. تڪرار: ڪنھن لفظ جي سڄيءَ صورت يا ڪنھن جز کي دھرائڻ جي عمل کي چئبو آهي، جنھن جي دھرائڻ سان لفظ يا ان جي حصي ۾ ڪا به تبديلي ڪانه ايندي آهي. مثال طور: #جان_جان پسين پاڻ، #تان_تان ناهِ سجود. مٿين سٽ م جان جان ۽ تان تان لفظن کي مڪمل دهرايو ويو آهي. ان عمل کي تڪرار سڏجي ٿو. ڪتاب: شاه عبداللطيف ڀٽائيءَ جي شاعريءَ جو لسانياتي اڀياس ليکڪ: ڊاڪٽر شازيه سفير ٻٽن لفظن وارا بيت پَتَنگُ چائِين پاڻَ کي، تہ ڄيري پَوء ڄاڻِي، #تان_تان تاڻِج تاءَ ڏي، جان آڳِ نہ اُجهاڻِي، وِسِهُ وِھاڻِي٠ اَتُ نہ ڏِجي عام کي، سر ڪلياڻ #جئن_جئن وَرَقَ وَرائِين، #تئن_تئن ڏٺو ڏوھُ؛ تنھن ڪَھڻِيءَ ڪبو ڪوھُ؟ جي رھڻِيءَ رھيو نہ سُپرين. سُر يمن ڪلياڻ #جان_جان ناهِ ضرور، #تان_تان طبيب ناه ڪو، جهُ سو سَريو سُورُ، ته ڪَر ويڄُ ور پيو. يمن ڪلياڻ #وَٽَ_وَٽَ وٽِيءَ ۾، #مَٽَ_مَٽَ مَنڌُ ٻِيو؛ قدر ڪيفَ ڪلال جو، پِياڪَن پيو؛ اَچن دُرسُ دڪان تي، ڪَنڌَ قبول ڪيو؛ سُرھا سِرُ ڏيو، چَکَن سُرڪَ سيَّد چئي. سُر يمن ڪلياڻ #جان_جان پَسِين پاڻَ کي، #تان_تان ناهِ سُجُودُ؛ وِڃائي وُجُودُ، تِھان پوءِ تَڪبِيرَ چَئو. سُر آسا وَسنِ ۽ وَھسَنِ ، ڏيھاڙِي ڏِسَڻَ لَءِ ؛ #ڏِسِي_ڏِسِي آئِيۡون ، توءِ تَلاشۡون ڪَنِ ؛ ڍاپِيو نه ڍاپَنِ ، پَسَڻَ مَنجھان پِرِينءَ جي سۡر آسا #پَلَ_پَلِ ٿٖي پَلِي، ڏَمَ ڏِيهاڻِي ڪيتَرو؛ پَسِي دُورُ دَرِياهَہ جو، وِچان ڪِينَ وَلِي؛ ڪارِيءَ راتِ قَرِيبَ ڏي، مَنجهان حُبَ هَلِي؛ نہ ڪنهن جهولَ جَهلِي، هُئِي سَمُنَ پُورِي سهڻي. سُر سھڻي #پَلَ_پَلَ ٿي پَلِيانسِ، پَلُ نہ رَھي پِرِينءَ رٖي؛ جِئَن جهوريءَ کان جَهلِيانسِ، جِهڄِيو تِيئَن جهوريءَ پَوٖي. سُر رپ لڏيندي لباس جَتن جيڏو ئي ڪيو، اَچي آري ڄام جو #وَڻ_وَڻ مَنجھان واس، مِرون کينمِ مَاس، ھَڏَ ھلندا ھوتَ ڏي۰ سرديسي #مُٺِ_مُٺِ سُورَنِ سَڀڪھين مون وٽ وَٿاڻان، ڀريون ڪِئو ڀُوڻان ،وئا وِھائُو نِڪري. سر حسيني #ڀِيڙي_ڀِيڙي ٻَنڌُ، سُورائِتِي! سَندِرو, ڪيچَ اَڳاهُون پَنڌُ، مَتان لَڪَنِ سين لَڳِي مَرِين! سر حسيني #ڪَڏهن_ڪَڏِهن جَيڏِيُون ! ڪو پَهُه اَچِئو پوءِ سو پڻ ساڙو هوءِ، هِيُ جو ساهُه سَرِيرَ ۾ سُرُ حُسَينِي #جيئن_جيئن تَپٖي ڏينھن، #تيئن_تيئن تاڻيان پَنڌَ ۾، ڪو آڳانجهو نينھن، ٻانڀَڻ ٻروچن سين. سر حسيني ”#جان_جان هئي جيئري ورچي نه ويٺي، وڃين ڀون پيٺي، سِڪَندي کي سڄڻين. “ سر سهڻي جي لوڻ لڱن لائيين، #چيري_چيري چم مون ڪر اڳي نه ڪيو، اهڙو ڪوجهو ڪم #جان_جان دعوا دم، #تان_تان پرت پهنوارن سان. مارئي نصرالله ڏاهري
