منظور سخيراڻي ويٺي واٽ ڏٺم وسڪاري ۾ آئين ڪونہ پرين

[عبيد ٿھيم]

ويٺي واٽ ڏِٺم وَسڪاري ۾،
آئين ڪونہ پِرِين، آئين ڪونہ پِرِين،
مھراڻ مزو نہ ڪِناري ۾، آئين ڪونہ پِرين...


ھيل ڪانہ وڻيا مونکي وَسڪارا
سُڃا سڀ ٿي لڳا گُل ڦُل سارا
نَڪِي نينھن لڳو ڪنھن نظاري ۾
آئين ڪونہ پِرين، آئين ڪونہ پِرين...

جيئن ٿڌڙين ھِيرن زور ڀَريو
تنھنجي يادن جو اوٿَر ڪو وَريو،
اچي وِرھ جي ويس مان واري ۾،
آئين ڪونہ پرين، آئين ڪونہ پِرين.

سانگي ساوڻ ويو ٿِي سرءُ سُڪي
اَچ سارين جي آ پوکَ پَڪِي
سُرِي ھيلَ تہ اچجان سياري ۾،
آئين ڪونہ پرين، آئين ڪونہ پرين...​

ٻول : علي گل سانگي
آواز : منظور سخيراڻي