شاهه جي ٻولي سبق ٻيون سوالن جوابن ۾

سوال1؛ ن غنه جا ڪيترا آواز هوندا آهن؟
جواب؛ ن غنه جا ڪل 10 آواز هوندا آهن
اَن اِن اُن آن اون اَون اُون اين اَين اِين
سوال2؛ ن غنه ڪيترا ڊبل آواز ٺاهي ٿي؟
جواب؛ ن غنه ٽي ڊبل آواز ٺاهي ٿي، سنڌي ٻولي جي بنيادي ٽن سنگلن آوازن اَ اِ اُ سان گڏجي ڊبل آواز ٺاهي ٿي.
مثال؛ اَ+ن سان اَن – اِ+ن سان اِن – اُ+ن سان اُن
سوال3؛ ن غنه ڪيترا ٽرپل آواز ٺاهي ٿي؟
جواب؛ ن غنه ڪل 7 ٽرپل آواز ٺاهي ٿي، سنڌي جي ستن ڊبل آوازن سان گڏجي ٽرپل آواز ٺاهي ٿي.
مثال؛
آ او اَو اُو اي اَي اِي مان آن اون اَون اُون اين اَين اِين
سوال4؛ اهي آواز لکو جنهن ۾ و کان بعد ن غنه اچي ٿي.
جواب؛ اون، اَون، اُون
سوال5؛ ن غنه جي آوازن جا ڪيترا قسم آهن
جواب؛ ن غنه جا ٻه قسم آهن،
پهريون ڊبل - اَن اِن اُن
ٻيون ٽرپل - آن اون اَون اُون اين اَين اِين
هيٺين بيت ۾ آوازن جو مطالعو ڪريو.
پُچُ پَتَنگَنِ کي، سَندِيُون کامَڻَ خَبَرُون،
آڻِيو وِجهَنِ آڳ ۾، جِيءَ پنهنجو جي،
جيري جَنِين جي لَڳا، نيزا نِينهُن جا.
سوال؛ بيت ۾ موجود (اِين ا زير ن) آواز رکندڙ لفظ لکو.
جَنِين، نِينهُن بيت جا هي ٻه لفظ اهڙا آهن جنهن ۾ نه غنا جي اِين پيٽرن وارا آواز موجود آهن، جَنِين ۾ نِين ۽ نِينهُن ۾ به نِين.
سوال؛ بيت ۾ ن غنه جا ڊبل آواز ڪيترا موجود آهن؟
جواب؛ بيت ۾ نه غنه جا ڊبل 5 آواز موجود آهن.
سوال؛ بيت ۾ ڪل ن غنه جا آواز ڪيترا آهن؟
جواب؛ بيت ۾ ڪل 9 نه غنه جا آواز موجود آهن؟
سوال؛ بيت جا اهي لفظ لکو جن ۾ ن غنه آيل آهي.
جواب؛ پَتَنگَنِ، سَندِيُون، خَبَرُون، پنهنجو، جَنِين،نِينهُن
سوال؛ جنهن جنهن لفظ ۾ ن غنه آيل آهي انهن جا آواز الڳ الڳ ڪري لکو.
پتنگن، پَ تَن گَ نِ
سَندِيُون، سَن دِ يُون
خَبَرُون، خَ بَ رُون
پنهنجو، پَن هَن جو
جَنِين، جَ نِين
نِينهُن نِين هُن