سر ڪلياڻ داستان پهريون سٽ وار ترتيب

رسالو غلام محمد شاهواڻي
سر ڪلياڻ سٽ وار بيتن جي ترتيب
تحقيق و ترتيب صراط بلوچ
داستان پھريون
ٻه سٽا 6
ٽي سٽا 11
چار سٽ 3
پنج سٽا 4
ٽوٽل 24

داستان پهريون
ٽوٽل 6 بيت
ٻه سٽا بيت
1
12
وَحۡدَهُ جي وَڍِيا، ڪِيا اِلَااللهُ اَڌَ،
سَي ڌَڙَ پَسِي سَڌَ، ڪِنهن(ڪہ) اَڀاڳِيءَ نه ٿئي.
ٻسٽ دوهو سورٺو ميل
2
16
وَحۡدَهُ لَا شَرِيۡڪَ لَہُ ِايُّ هيڪَڙائِيءَ حَقُّ،
ٻِيائِيءَ کي ٻَکُ، جَنِّ وِڌو، سي وِرَسِيا
ٻسٽ دوهو ميل
3
20
پاڻَهِين پَسي پاڻَ کي، پاڻهِين مَحَبُوبُ،
پاڻهِين خَلقي خُوبُ، پاڻهِين طَالِبُ تَنِّ جو.
ٻسٽ دوهو سورٺو ميل
4
21
سو هِيءُ، سو هُو، سواَجلُ، سو اَللهُ
سو پِرِين، سو پَساهُ، سو ويرِي، سو واهَرُو
ٻسٽ دوهو سورٺو ميل
5
22
پَڙاڏو سو سَڏُ، وَرُ وائِيءَ جو جي لَهِين،
هُئا اڳِهِين(اڳهم) گڏُ، ٻُڌڻَ ۾ ٻه ٿِيا.
ٻسٽ سورٺو
6
23
ايڪُ قَصَرُ، دَرَ لَکَ، ڪوڙين ڪَڻِسِ ڳِڙکِيُون،
جيڏانهن ڪَرِيان پَرکِ، تيڏانهن صاحِبُ سامُهون.
ٻسٽ سورٺو

ٽي سٽا بيت
ٽوٽل 11 بيت
1
5
وَحۡدَهُ لَا شَرِيۡڪَ لَہُ جان ٿو چَئِين اِيئن(اِيَ)،
تان مَڃ مُحَمَّدُ ڪارَڻِي، نِرتُون مَنجهان نِيهَن(نيهَه)،
تان تُون وَڃِيو ڪِيئن(ڪِيَ)، نايين سِرُ ٻِيَنِ کي.
ٽسٽ دهو ميل(دوهو اڌ سورٺو)
2
6
وَحۡدَهُ لَا شَرِيۡڪَ لَہُ، جَڏِهۡن چَيو جَنِّ
تَنِّ مَڃِيو مُحَمَّدُ ڪارَڻِي، هيجان ساڻُ هِنيَئنِ،
تَڏِهۡن مَنجهان تَنِّ اَوَتَڙِ ڪونه اولِيو.
ٽسٽ دوهو ميل(دوهو اڌ سورٺو)
3
7
وَحۡدَهُ لَا شَرِيۡڪَ لَہُ ، جَنِّ اُتوسين اِيمانَ،
تَنِّ مَڃِيو مُحَمَّ‍دُ ڪَارَڻِي، قَلبَ ساڻُ لِسانَ،
اُوءِ فائِقَ ۾ فَرمانَ، اَوَتَڙِ ڪِنهن نه اولِيا.
ٽسٽ دوهو ميل(دوهو اڌ سورٺو)
4
8
اَوَتَڙِ ڪِنهن نه اوليا، سُتَڙِ وِيا سالِمَ،
هيڪائِي هيڪُ ٿِيا، اَحَدَ سين عالِمَ،
بي بَها بالِمَ، آڳي ڪِيا اَڳَهِين.
ٽسٽ دوهو ميل(دوهو اڌ سورٺو)
5
9
آڳي ڪِيا اَڳَهِين، نِسورو ئِي نُورُ،
لَا خَوفُ عَلَّيۡهِمۡ وَلَا هُمۡ يَحۡزَنُوۡنَ، سَچَنِ ڪونَهي سُورُ،
موليٰ ڪِيو مَعمُورُ، اَنگُ اَزَلَ ۾ اُنِ جو.
ٽسٽ دوهو ميل(دوهو اڌ سورٺو)
6
13
سِرُ ڍُونُڍِيان، ڌَڙُ نه لَهان، ڌَڙُ ڍونُڍِيان، سِرُ ناهِه،
هَٿَ ڪَرايُون آڱرِيُون، وِيا ڪَپَجِي ڪانہِه،
وحدتَ جي وِهانءِ، جي وِيا، سي وَڍِيا.
ٽسٽ دوهو ميل(دوهو اڌ سورٺو)
7
14
وَحۡدَهُ لَا شَرِيۡڪَ لَہُ، ٻُڌءِ نه ٻوڙا،
ڪي(ڪِ) تو ڪَنين نه سُئا، جي گَهٽَ اَندَر گهوڙا،
ڳاڙِيندِين(ڳاڙيندهَ) ڳوڙَها، جِتِ شاهِدَ (ٿِيندَئِي)ٿِيندَءِ سامُهان.
ٽسٽ دوهو ميل(دوهو اڌ سورٺو)
8
15
وَحۡدَهُ لَا شَرِيۡڪَ لَہُ، اِيُّ وِهائِج وِيُّ،
کَٽين يا(جي) هارائين، هَنڌُ تُنهنجو(تهجو) هِيُّ،
پاڻهان(پاڻا) چُوندَئِي(چُندءِ) پِيءُ، ڀَرَي جامُ جَنَّتَ جو.
ٽسٽ دوهو ميل(دوهو اڌ سورٺو)
9
17
عاشق چَئو مَ اُنَ کي، مَ ڪِي چَئو مَعشُوقُ،
خالِقُ چَئو مَ خامَ تُون، مَ ڪِي چَئو مَخَلُوقُ،
سَلِج تنهن(تَهِن) سُلُوڪُ، جو ناقِصِئا نِڱَيو.
ٽسٽ دوهو ميل(دوهو اڌ سورٺو)
10
18
وَحۡدَتان ڪَثرتَ ٿِي، ڪَثَرتَ وَحۡدَتَ ڪُلَّ،
حَقُّ حقِيقِي هيڪَڙو، ٻولِيءَ ٻِيءَ مَ ڀُلُّ،
هُو هُلاچو هُلُّ، بِااللهِ سَندو سَڄَڻين.
ٽسٽ دوهو ميل(دوهو اڌ سورٺو)
11
24
ڪوڙين ڪايائون تُنهنجيون(تهجيون)، لِکَن لَکَ هَزارَ،
جِيءُ سَڀِ ڪنهن جِيءُ سين، دَرسَنُ ڌارو ڌارَ،
پرِين(پِريم)، تنهنجا پارَ، ڪِهَڙا چَئِي ڪِيئن(ڪِيءَ) چُوان.
ٽسٽ دوهو ميل(دوهو اڌ سورٺو)
چار سٽا
1
3
جوڙي جوڙَ جَهانَ جِي، پاڻُ ڪِيائِين پَرِوارُ،
حامِي، هادِي، هاشَمِي، سَرِدارين سَردارُ
سُنهي صحابَنِ سَٿَ ۾، مَنجههِ مَسِجِدِ مڻيادارُ،
چارِئِي چڱا چئوڌارُ، هُئا هيڪاندا حَبِيبَ سين.
چسٽ دهو ميل(دوهو، دوهو سورٺو)
2
11
وَحۡدَهُ جي وَڍِيا، اِلَااللهُ اَڌَ ڪِيا
مُحَمَّدُ رَسُولُ چَئِي، مُسلِمانَ ٿِيا،
عاشِقَ عبدالطيف چَئي، اِنَهِين پَهِه پِيا
جيلانهين(جيلاه) ڌَڻِيءَ ڌُئا، تيلانهين(تيلاه) ويا وحدت گڏجِي.
چسٽ دوهو ميل(دوهو، دوهو ميل)
3
19
پاڻَهِين(پاڻِہۡ) جَلَّ جَلَالَہُ، پاڻهِين جانِ جمالُ،
پاڻهِين صُورتَ پِرِينءَ جِي، پاڻهِين حُسنُ ڪَمالُ،
پاڻَهِين پِيرُ مُرِيدُ ٿِئي، پاڻهِين پاڻَ خَيالُ،
سَڀِ سَڀوئِي حالُ، مَنجهان ئِي مَعلُومُ ٿِئي.
چسٽ دوهو ميل(دوهو، دوهو سورٺو)
پنج سٽا بيت
ٽوٽل 4
1
1
اَوَلُ، اللهُ، عَلِيمُ، اَعليٰ، عالَمَ جو ڌَڻِي،
قَادِرُ پَنهِنجِي قُدرَت سين، قائِمُ آهِ قَدِيمُ،
والِي، واحِدُ، وَحَدهُ، رازِقُ، رَبُّ رَحِيۡمُ،
سو ساراهِه سَچوڌَڻِي، چَئِي حَمدُ، حَڪِيمُ،
ڪَري، پاڻَ، ڪرِيمُ، جوڙُون، جوڙَ، جَهانَ جِي.
پسٽ دهو ميل( ٻه دوها اڌ سورٺو)
2
2
جوڙي جوڙَ جَهانَ جِي، جڏهن جوڙِيائين،
خاوَندُ خاص خَلِقي، مُحَمَّدُ مُڪائِين،
ڪلمو تنهن ڪَريمَ تي، چِٽو چايائين،
اَنا مولاڪَ و اَنتَ مَحبُوبِيۡ اِيَّ اُتائِين
ڏِکِي ڏِنائِين، ٻَئِي سَرائُون سَيّد چئي.
پسٽ دوهو ميل ( ٻه دوها اڌ سورٺو)
3
4
وَحۡدَهُ لَا شَرِيۡڪَ لَہُ چَئِي، چُوندو آءُ،
فَرَضَ، واجِبَ، سُنَتُون، تِنِيئو تَرڪُ مَ پاءِ
توبَهَه سندِي تَسِبِيح، پَڙَهَڻَ ساڻُ پُڄاءِ
نِگا پَنهنجي نَفَسَ کي، ڪا سَئِين راهَ سُونهاءِ،
ته سَندِي دوزَخَ باهِ، تو اوڏِيائِي نه اَچي.
پسٽ دوهو ميل(ٻه دوها اڌ سورٺو)
10
4
وَحۡدَهُ جي وَڍِيا، اِلَا اللهُ سين اورِينِ،
هِنيون حَقِيقَتَ گَڏِيو، طَرِيقَتَ تورِينِ،
مَعرِفَتَ جِيءَ ماٺِ سين، ڏيساندَرُ ڏورِينِ،
سُکِ نه سُتا ڪَڏِهِين، ويهِي نه وورِين،ِ
ڪُلَهنِئُون(ڪلنئون) ڪَورِينِ، عاشِقَ، عبداللطيف چَئي.
پسٽ دوهو ميل( ٻه دوها اڌ سورٺو)