سر ڪلياڻ ٽي سٽا بيت ۽ انهن جا قِسم تحقيق ۽ ترتيب؛ صراط بلوچ غلام محمد شاهواڻي واري رسالي تحت 1 وَحۡدَهُ لَا شَرِيۡڪَ لَہُ جان ٿو چَئِين اِيئن(اِيَ)، تان مَڃ مُحَمَّدُ ڪارَڻِي، نِرتُون مَنجهان نِيهَن(نيهَه)، تان تُون وَڃِيو ڪِيئن(ڪِيَ)، نايين سِرُ ٻِيَنِ کي. دهو ميل(دوهو اڌ سورٺو) ڪلياڻ 1-5 2 وَحۡدَهُ لَا شَرِيۡڪَ لَہُ، جَڏِهۡن چَيو جَنِّ تَنِّ مَڃِيو مُحَمَّدُ ڪارَڻِي، هيجان ساڻُ هِنيَئنِ، تَڏِهۡن مَنجهان تَنِّ اَوَتَڙِ ڪونه اولِيو. دوهو ميل(دوهو اڌ سورٺو) ڪلياڻ 1-6 3 وَحۡدَهُ لَا شَرِيۡڪَ لَہُ ، جَنِّ اُتوسين اِيمانَ، تَنِّ مَڃِيو مُحَمَّدُ ڪَارَڻِي، قَلبَ ساڻُ لِسانَ، اُوءِ فائِقَ ۾ فَرمانَ، اَوَتَڙِ ڪِنهن نه اولِيا. دوهو ميل(دوهو اڌ سورٺو) ڪلياڻ 1-7 4 اَوَتَڙِ ڪِنهن نه اوليا، سُتَڙِ وِيا سالِمَ، هيڪائِي هيڪُ ٿِيا، اَحَدَ سين عالِمَ، بي بَها بالِمَ، آڳي ڪِيا اَڳَهِين. دوهو ميل(دوهو اڌ سورٺو) ڪلياڻ 1-8 5 آڳي ڪِيا اَڳَهِين، نِسورو ئِي نُورُ، لَا خَوفُ عَلَّيۡهِمۡ وَلَا هُمۡ يَحۡزَنُوۡنَ، سَچَنِ ڪونَهي سُورُ، موليٰ ڪِيو مَعمُورُ، اَنگُ اَزَلَ ۾ اُنِ جو. دوهو ميل(دوهو اڌ سورٺو) ڪلياڻ 1-9 6 سِرُ ڍُونُڍِيان، ڌَڙُ نه لَهان، ڌَڙُ ڍونُڍِيان، سِرُ ناهِه، هَٿَ ڪَرايُون آڱرِيُون، وِيا ڪَپَجِي ڪانہِه، وحدتَ جي وِهانءِ، جي وِيا، سي وَڍِيا. دوهو ميل(دوهو اڌ سورٺو) ڪلياڻ 1-13 7 وَحۡدَهُ لَا شَرِيۡڪَ لَہُ، ٻُڌءِ نه ٻوڙا، ڪي(ڪِ) تو ڪَنين نه سُئا، جي گَهٽَ اَندَر گهوڙا، ڳاڙِيندِين(ڳاڙيندهَ) ڳوڙَها، جِتِ شاهِدَ (ٿِيندَئِي)ٿِيندَءِ سامُهان. دوهو ميل(دوهو اڌ سورٺو) ڪلياڻ 1-14 8 وَحۡدَهُ لَا شَرِيۡڪَ لَہُ، اِيُّ وِهائِج وِيُّ، کَٽين يا(جي) هارائين، هَنڌُ تُنهنجو(تهجو) هِيُّ، پاڻهان(پاڻا) چُوندَئِي(چُندءِ) پِيءُ، ڀَرَي جامُ جَنَّتَ جو. دوهو ميل(دوهو اڌ سورٺو) ڪلياڻ 1-15 9 عاشق چَئو مَ اُنَ کي، مَ ڪِي چَئو مَعشُوقُ، خالِقُ چَئو مَ خامَ تُون، مَ ڪِي چَئو مَخَلُوقُ، سَلِج تنهن(تَهِن) سُلُوڪُ، جو ناقِصِئا نِڱَيو. دوهو ميل(دوهو اڌ سورٺو) ڪلياڻ 1-17 10 وَحۡدَتان ڪَثرتَ ٿِي، ڪَثَرتَ وَحۡدَتَ ڪُلَّ، حَقُّ حقِيقِي هيڪَڙو، ٻولِيءَ ٻِيءَ مَ ڀُلُّ، هُو هُلاچو هُلُّ، بِااللهِ سَندو سَڄَڻين. دوهو ميل(دوهو اڌ سورٺو) ڪلياڻ 1-18 11 ڪوڙين ڪايائون تُنهنجيون(تهجيون)، لِکَن لَکَ هَزارَ، جِيءُ سَڀِ ڪنهن جِيءُ سين، دَرسَنُ ڌارو ڌارَ، پرِين(پِريم)، تنهنجا پارَ، ڪِهَڙا چَئِي ڪِيئن(ڪِيءَ) چُوان. دوهو ميل(دوهو اڌ سورٺو) ڪلياڻ 1-24 12 اَنڌا اُونڌا ويڄَ! کَلَ ڪُڄاڙِيا کانئِين؟ اسان ڏُکِي، ڏِيل ۾، تُون پيارِئين پيڄَ! سُورِي جَنِينِ سيڄَ، مَرَڻُ تَنِ مُشاهِدو. دهو ميل( سورٺو وچ دوهو) ڪلياڻ 2-2 13 سُورِي سَڏُ ڪَري، اُڀِي عاشِقَنِ کي جي اَٿِئِي سَڌَ سِڪَڻُ ۾، ته ڪَوءُ مَ، پيرُ پري سِسِي ڌارَ ڌري، پُڇج پوءِ پِرِيتَڻُون سورٺو ميل(سورٺو وچ دوهو) ڪلياڻ 2-4 14 سُورِي آهِ سينگارُ، اَڳِهِين عاشِقَنِ جو، مُڙڻُ موٽَڻُ مِيهڻو، ٿِيا نِظاري نِرَوار، ڪُسَڻُ جو قَرارُ، اَصُلِ عاشقن کي. سورٺو ميل(سورٺو وچ دوهو) ڪلياڻ 2-5 15 سُورِي سِينگاري، اَصُلِ عَاشِقَنِ کي، لُڏِيا ڪِينَ لَطِيفُ چئي(چي)، ٿِيا نيزي نِظاري ڪوٺِيو ڪِناري، آڻِيو چاڙهي اُنِ کي سورٺو ميل (سورٺو وچ دوهو) ڪلياڻ 2-6 16 سُورِيءَ تي سَئووارَ، ڏِهاڙِيو چَنگِ چَڙهين، جِمَ وِرچِي ڇَڏِئين، سِڪَڻُ جِي پَچارَ، پِرَتِ نه پسِين پارَ، نينهن(نيہُ) جِئان ئِي(جئَائِين) نِڱِيو. سورٺو ميل (سورٺو وچ دوهو) ڪلياڻ 2-9 17 پهرِين ڪاتِي پاءِ، پُڇج پوءِ پِرِيتَڻو، ڏُکُ پِريان جو ڏِيلَ ۾، واڄَٽَ جِيئن(جِيَ) وَڄاءِ، سِيخُنِ ماهُ پَچاءِ، جي نالو ڳِيَڙُءِ نينهن جو. سورٺو ميل (سورٺو وچ دوهو) ڪلياڻ 2-10 18 ڪاتِيءَ ڪونهي(ڪونہ) ڏوهُ، ڳَنُ وڍِيندڙَ هَٿَ ۾، پَسيو پَرِ عَجِيبَ جِي، لِچِيو وَڃي لوهُ، عاشِقَنِ اَندوهُ، سَدا مَعشُوقَنِ جو. سورٺو ميل (سورٺو وچ دوهو) ڪلياڻ 2-11 19 جي تو سِڪَڻُ سِکِيو، ته ڪاتِيءَ پَئي مَ ڪِنجُهه سُپيرِيان جي سُورَ جو، ماڙَهُنِ ڏجي نه مَنجُهه اَندَرِ اِيءُ اَهنجُ، سانڍِجِ سُکائُون ڪري. دوهو ميل(دوهو اڌ سورٺو) ڪلياڻ 2-14 20 ڪاتِي جَنِّ ڳَري، مان لَنوءُ لَڳو تَنِ سين، مُحَبَتَ جي مَيدانَ ۾، وَڃان پيرَ ڀَري اَڏِيءَ سِرُ ڌري، مانَ ڪُهَنِئُون سُپِرِين سورٺو ميل (سورٺو وچ دوهو) ڪلياڻ 2-16 21 جي اَٿيئي (اَٿِي) سَڌَ سُرڪَ جِي، ته وَنءُ ڪلاڙڪي هَٽِ، لاهي رَکُ لطيف چَئي، مَٿو ماٽي وَٽِ، سِرُ ڏيئِي ۾ سَٽِ پِيج ڪي پِيالِيون. دهو سورٺو(دوهو اڌ سورٺو) ڪلياڻ 2-19 22 جي اَٿيئِي سَڌَ سُرَڪَ جِي، ته وَنءُ ڪلاڙڪي ڪُوءِ، مَهيسَرَ جي مَنڌَ جِي، هُتِ هَڏهِين هُوءِ، جان رَمزَ پَرُوڙِيَم رُوءِ، تان سِرَ وَٽِ سُرڪِي سَڳُڻِي. دوهو ميل(دوهو اڌ سورٺو) ڪلياڻ 2-20 23 جي اٿيئِي سِڪَ سُرَڪَ جِي، ته وَنءُ ڪلاڙڪي ڳَرِ وَڍَڻُ، چِيرَڻُ، چِچِرَڻُ، پَهَتِ اُنِيۡن جِي پَرِ، جي وَٽِي پُويئي وَرِ، ته سَهَنگِي آهِ سَيِّدُ چَئي دهو ميل(دوهو اڌ سورٺو) ڪلياڻ 2-21 24 ناڻي ناهِ ڪَڪُوهُ، ڪِي(ڪِيۡن) مُلھه(مُلِ) مهانگو(مَهنگو) مَنڌُ، سَنباهِجُ، سَيِّدُ چَئي، ڪاٽَڻَ ڪارَڻِ ڪَنڌُ، هِيءُ تَنِين جو هَنڌُ، مَٽَنِ پاسِ مَرَنِ جي. دوهو ميل (دوهو اڌ سورٺو) ڪلياڻ 2-22 25 مَ ڪَرِ سَڌَ سَري جِي، جي تون ٽارِيين ٽُوهُ، ڪلياڻ 2-24 پِيتي جنهن پاسي ٿِئي، مَنجهان رَڳُنِ رُوحُ، ڪاٽي چَکُ ڪَڪُوهُ، لاهي سِرُ، لطيفُ چَئي. دهو ميل(دوهو اڌ سورٺو) ڪلياڻ 2-24 26 سَڌَڙِيا سَري جُون(جيون)، ڪُہُ پَچارُون ڪَنِّ؟ جهُ ڪاتَ ڪُلاڙَنِ ڪَڍِيا، ته موٽِيو پوءِ وَڃَنِّ، پِڪُون سي پِيَنّ، سِرَ جَنِ(جَنِين) جا سَٽِ ۾. دهو ميل (دوهو اڌ سورٺو) ڪلياڻ 2-25 27 اَصُلِ عاشِقَ پنهنجي(پاهِجِي)، سِسِي نه سانڍِينِ، لاهِيو سِرُ لطيفُ چَئي، ساهُ سلاڙِيو ڏينِ، ڪُلنِئُون ڪاٽِين، پُڇَنِ پوءِ پِرِيتَڻُون. دهو ميل (دوهو اڌ سورٺو) ڪلياڻ 2-29 28 اَصُلِ عاشِقَنِ جو، سِرُ نه سانڍڻُ ڪَمُ، سُؤ سِسِنِئان اَڳَرو، سَندو دوسان دَمُ، هِيءُ هَڏو ۽ چَمُ، پِڪَ پِرِيان جِي نه پَڙي. ٽسٽ دهو ميل (دوهو اڌ سورٺو) ڪلياڻ 2-30 29 جي مَٿي وَٽِ مِڙَنِ، ته سڀ ڪنهن(سڀڪهم) سَڌَ ٿِئي، سِرَ ڏِني سَٽِ جُڙي، ته عاشقَ اِيئن(اِيَ) اَچَنِ، لِڌا تي لَڀَنِ، مُلھهِ مَهانگا سُپِرِينِ. سورٺو ميل (سورٺو وچ دوهو) ڪلياڻ 2-31 30 اُٿِياري اُٿِي وِيا، مَنجهان مُون آزارَ، حَبِيبَ ئِي هَڻِي وِيا، پِيڙا جِي پَچارَ، طَبِيبَنِ تَنوارَ، هَڏِ نه وَڻي هاڻِ مُون. دوهو ميل(دوهو اڌ سورٺو) ڪلياڻ 3-1 31 حَبِيبُ ئي هادِي، ٿِيو، رَهنُما راحَتَ پِيڙا نِيائِين پاڻُ سِين، لائي ڏيئِي لَتَ، سُپيرِيان صِحَتَ، ڏِنِيَمِ منهنجا ڏُکَندي ٽسٽ دهو ميل(دوهو اڌ سورٺو) ڪلياڻ 3-3 32 اَورِ ڏُکَندو اوُ ٿِيئي، هادِي جنهن حَبِيبُ، تِرُ تَفاوَتُ نه ڪَري، تِنهن کي ڪو طَبِيبُ، رَهَنُمَا رَقِيبُ، ساٿَرِ صِحَتَ سُپِرِين. دهو ميل(دوهو اڌ سورٺو) ڪلياڻ 3-4 33 تو جَنِين جِي تاتِ، تَنِّ پُڻِ آهي تنهنجِي، فَاذۡکُرُوۡنِي اَذۡکُرُکُمۡ، اِيَّ پَرُوڙِج باتِ، هَٿِ ڪاتِي ڳُڙُ واتِ، پُڇَڻُ پَرِ پِريَنِ جِي. سورٺو ميل (سورٺو وچ دوهو) ڪلياڻ 3-13 34 پاٻوهي هيڪارَ، مُون کان پُڇِيو سَڄَڻين، اَلَسۡتُ بِرَبِکُمۡ، چَيائُون جنهن وارَ، سَندِي سُورَ ڪِنارَ، تَنَ تَڏاهَڪُون نه لَهي. سورٺو ميل(سورٺو وچ دوهو) ڪلياڻ 3-15 35 ڪوٺي ڪُهي سُپِرِين، ڪوٺي ڪُهَڻَ ساڻُ، نيزي هيٺان نِينهن جي، پاسي ڪَرِ مَ پاڻُ، ڄُلُ، وِڃائي ڄاڻُ، عاشڙقَ! اَجَلَ سامُهون. دهو ميل(دوهو اڌ سورٺو) ڪلياڻ 3-17 36 ڪوٺَڻُ قَرِيبَنِ جو، عينُ تَڙَڻُ آهِ، اِيءُ اُلٽڙي ڳالَهڙِي، سِڪَ وَرَندِي ساهِ، آسَرَ هَڏِ مَ لاهِ، ڇِنَڻُ ڳَنڍَڻُ اُنهَنِ (اُنِ) جو. دهو ميل(دوهو اڌ سورٺو) ڪلياڻ 3-18 37 ڪُهي سو ڪَرَ لَهي، ڪوٺي سو قَرِيبُ، اِها عادَتَ سِکِيو، هَر زَمانُ حَبِيبُ، تِڇي سو طَبِيبُ، سوئِي راحَتَ رُوحَ جِي. دهو ميل(دوهو اڌ سورٺو) ڪلياڻ 3-20 38 ڪُهَنِّ ۽ ڪوٺِينِ، اِيءَ پَرِ سَندِي سَڄَڻين، سُورِي چاڙِهِيو سُپِرِين، ڏَنبَ ڏِيهاڻِي ڏِين، ويٺا وِرهُ وَٽِينِ، آءُ واڍوڙِيا وِهاءِ تُون. دهو ميل( دوهو اڌ سورٺو) ڪلياڻ 3-21
