سر يمن ڪلياڻ داستان پهريون الف سان شروع ٿيندڙ بيتن جا موضوع

[صراط بلوچ]

سر يمن ڪلياڻ داستان پهريون الف سان شروع ٿيندڙ بيتن جا موضوع
تحقيق، ترتيب، تحرير: صراط بلوچ
سر يمن ڪلياڻ داستان پهرين جا 3 بيت اهڙا آهن جيڪي سنڌي الفابيت جي اکر الف سان شروع ٿين ٿا جنهن جا موضوع هن طرح آهن
سر يمن ڪلياڻ داستان 1 بيت 14
**تذڪريو**
واڍوڙڪي منهين جو منظر
واڍوڙين جي ڪنجهو ڪنجهه(درد واري ڪيفيت ۾نڪرندڙ هلڪا آواز)
پنهنجي پاڻ کي لپريون هڻڻ ۽ پٽيون ٻڌڻ
**بيت**
اَڄُ پڻ ڪَنجهو ڪَنجھَه، واڍوڙَڪي مَنَهين،
جُه پڻ پِييَنِ سَنجھَه، هوُ پِنِيُون هُو پَٽِيُون.
**ڪردار**
واڍوڙيل
**موضوع**
واڍوڙين جي ڪيفيت جو تذڪرو
سر يمن ڪلياڻ داستان 1 بيت 15
**تذڪرو**
واڍوڙين جي دانهن
ويڄ پاران واڍوڙين جي چڪاس/تپاس
بيت
اَڄُ پُڻِ ڪِهَڙِي دانهن، واڍوڙَڪي مَنهين؟
ويڄَ وَرائِي ٻانهن، چوري چاڪَ نِهارِيا.
**ڪردار**
واڍوڙيل، ويڄ/طيبيب
**موضوع**
واڍوڙيلن جي دانهن ۽ حڪيم پاران سندن تپاس/چڪاس
سر يمن ڪلياڻ داستان پهريون بيت 21
**تذڪريو**
ڳوڙها ڳاڙي، ڏيهه کي ڏيکاريندڙن جو ذڪر،
انهن تي اعتبار نه ڪرڻ جي ڳالهه
سڄڻ ساريندڙ جو بيان
سڄن ساريندڙن جا اوصاف نه روئن نه ئي ڪنهن کي ڪجهه چون جو بيان
بيت
آيَلِ! اُنِ نه وِسَهان، هَنجون جي هارِينِ،
آڻيو آبُ اَکِيَنِ ۾، ڏيہَ کي ڏيکارِينِ،
سَڄَڻُ جي سارِينِ، سي نَڪِي رُوئنِ، نه چُونِ ڪِي.
**ڪردار**
ڳالهه ڪندڙ ضمير غائب، جنهن سان ڳالهه ڪئي وئي جيجل
ڏيکاءٌ ڪندڙ، سڄڻ ساريندڙ
**موضوع**
ڏيکاءٌ ڪندڙ ۽ سڄڻ ساريندڙن جا اوصاف
مطالعي مان سامهون آيل حاصل موضوع
واڍوڙين جي ڪيفيت جو تذڪرو (بيت 14)
واڍوڙيلن جي دانهن ۽ حڪيم پاران سندن تپاس/چڪاس جي ڳالهه (بيت 15)
ڏيکاءٌ ڪندڙ ۽ سڄڻ ساريندڙن جا اوصاف (بيت 21)