غزل رات تاريخ سان ٿي ملاقات هئي! ڪلھ وڳھَ ڪوٽ تي ڪا لٿي رات ھُئي! ڀينڊَ - ڀترَ - پئي ؛ ڳالھ مون سان ڪئي؛ سا به تاريخ هئي ؛ جا به کنڊراتِ هئي! کيرَ - ڌارا هئي ؛ ڪهڪشائون هيون: ڄڻ دفن ٿي هتي ؛ ڪائي ڪائناتِ هئي! ڄڻ ته تاريخ ڀي ؛ شطرنجي راند هئي: جِيتَ هُئي هارَ هُئي ؛ شَھَ هُئي ماتِ ھُئي! هي جو اتھاس ھَو ؛ وقتَ جِي ھَو نَدِي : هر صدي جي الڳ ؛ ڪا نئين لات ھُئي! ويا ڇڏي هي جُهڳي ؛ چار ' داڻا چُڳي: پرھَ جا ھا پکي ؛ برھَ جي بات ھُئي! پروفيسرساجدسومرو
