سر يمن ڪلياڻ ٽي سٽا بيت

[صراط بلوچ]

سر يمن ڪلياڻ ٽي سٽا بيت
رسالي غلام محمد شاهواڻي
تحقيق و ترتيب صراط بلوچ
ٽي سٽا بيت 86
1
تُون حَبِيبُ، تُون طَبِيبُ، تُون دَردَ جِي دَوا،
جانِبَ! منهنجي جِيءَ ۾، آزَارَ جا اَنوا،
صاحبَ! ڏي شَفا، مِيان! مَرِيضَنِ کي.
ٽسٽ دوهو ميل(دوهو اڌ سورٺو) يمن 1-1
2
تُون حَبِيبُ، تُون طَبِيبُ، تُون دردَ جو دارُون،
دوا آهِنِ دِلِ کي، تُنهنجِون تَوارُون،
ڪَرِيان ٿِي ڪارُون، جِيئن ٻُڪِي ٻِئَنِئُون نه ٿِئي.
ٽسٽ دوهو ميل(دوهو اڌ سورٺو) يمن 1-2
3
تُون حَبِيبُ، تُون طَبِيبُ، تُنهِين ڊَٺَنِ ڊبُّ،
تُون ڏِين، تُون لاهِين، تُونهِين هادِي ربُّ،
آهِمِ اِيُ عَجَبُ، جِيئن وارِيو ويڄِ وِهارِيين.
ٽسٽ دوهو ميل(دوهو اڌ سورٺو) يمن 1-3
4
تُون حَبِيبُ، تُون طَبِيبُ، تُون دارُون کي دَرِدَنِ،
تُون ڏيين، تون لاهِيين، ڏاتَر! کي ڏُکَندَنِ،
تَڏِهِين ڦَڪِيُون فَرَقُ ڪَنِ، جَڏِهِين اَمُرُ ڪَرِيو اُنِ کي.
ٽسٽ دوهو ميل(دوهو اڌ سورٺو) يمن 1-4
5
هَڻُ حَبِيبَ هَٿُ کَڻِي، دِل ۾ ڌِيرِي دانهن،
ڪُڇان تان ڪُوڪَ ٿِئي، صَبُرُ آئون نه سهان
ڪنهن کي اِيَ چُوان، ته مُون کي مارِيو سَڄَڻِين.
ٽسٽ دوهو ميل(دوهو اڌ سورٺو) يمن 1-7
6
هَڻُ حَبِيبَ! هَٿُ کَڻِي، ٻَنگان لَهِي ٻاڻُ،
ماڳِهِين مُون مِنهُه ٿِئي، جُهولِيءَ وِجهان پاڻُ،
اِن پَرِ ساڄَنَ ساڻُ، مانَ مُقابِلو مُون ٿِئي.
ٽسٽ دوهو ميل(دوهو اڌ سورٺو) يمن 1-8
7
رَهِي اَچَجي راتَڙِي، تَنِ واڍوڙِينِ وَٽاءَ،
جَنِ کي سُورُ سَرِيرَ ۾، گَهٽَ مَنجهاران گهاءَ،
لِڪائي لوڪاءَ، پاڻهِين ٻَڌَنِ پَٽِيُون.
ٽسٽ دوهو ميل(دوهو اڌ سورٺو) يمن 1-13
8
سَدا آهي سُورَ جِي، واڍوڙِيَنِ وائِي،
جيڪا اٿنِ مَنَ ۾، سَلَنِ نه سائِي،
اَوڙَڪِ اُهائِي، ڳولِيو لَهَنِ ڳالَهڙِي.
ٽسٽ دوهو ميل(دوهو اڌ سورٺو) يمن 1-17
9
سدا آهِ سُور جِي، رَنجُورَنِ رُڻڪَ،
ڪِهه جِهه ڏُکَ ڏَسائِيا، لَٿِيَنِ ڪِينَ چُڻَڪَ،
اِنَ ڀلارِيءَ ڀُڻڪَ، هيڪَرَ حُضُورِي ڪيا.
ٽسٽ دوهو ميل(دوهو اڌ سورٺو) يمن 1-20
10
آيَلِ! اُنِ نه وِسَهان، هَنجون جي هارِينِ،
آڻيو آبُ اَکِيَنِ ۾، ڏيہَ کي ڏيکارِينِ،
سَڄَڻُ جي سارِينِ، سي نَڪِي رُوئنِ نه چُونِ ڪِي.
ٽسٽ دوهو ميل(دوهو اڌ سورٺو) يمن 1-21
11
تَنَ طَبِيبُ نه تُون، سُڌِ نه لهِين سُورَ جِي،
سانڍِ پنهنجا ڊَبَڙا، کَڏَ کَڻِي ۾ ڀُون،
ڪانَ گُهرجي مُون، حَياتِي هُوتَنِ ري.
ٽسٽ سورٺو ميل(سورٺو وچ دوهو) يمن 2-1
12
ويڄَنِ ويٺي ئِي، دوسُ پيهِي دَرِ آئِيو،
صِحَتَ جِي سَرِيرَ ۾، ڪَلَّ ڪَرين پيئِي،
پِيڙَ پَري ويئِي، اَچَڻَ ساڻُ عَجيبَ جي.
ٽسٽ سورٺو ميل(سورٺو وچ دوهو) يمن 2-11
13
وَڍي جِنِ وِڍِياسِ، وَرِي ويڄَ ئِي سي ٿِيا،
تُرتُ ٻَڌائُون پَٽِيُون، روزِ ڪيائُون راسِ،
هِينئَڙا! تَنِين پاسِ، گهارِ ته گهايَلُ نه ٿِيين.
ٽسٽ سورٺو ميل(سورٺو وچ دوهو) يمن 2-12
14
دارُون ۽ ڪارُون، جان ڪِي ڪِيا ويڄَ مون!
ٻُڪِي ڏيندا ٻاجَھه جِي، نِهاري نارُون،
جَنِ جُون سيڻَ لَهَنِ سارُون، تَنِ تان ڏُکَندو ڏُورِ ٿِئي.
ٽسٽ سورٺو ميل( سورٺو وچ دوهو) يمن 2-18
15
هَيءِ! هَيءِ! وَهي هاءِ، مَنَ ۾ مَحَبُوبَنِ جِي،
جيرا جوشَ جَلائِيا، بُڪِنِ ٻَري باهِ،
پَسو مَچَ مَٿاءِ، جي ويساهِ نه وِسَهو!
ٽسٽ سورٺو ميل(سورٺو وچ دوهو) يمن 3-1
16
هيءِ هيءِ! وَهِي هُوءِ، مَنَ ۾ مَحَبُوبَنِ جِي،
جِيرا جوش جلائِيا، بُڪِنِ مُڪِي بُوءِ!
اَچِي پَسو رُوءِ، جي ويساهِ نه وِسَهو.
ٽسٽ سورٺو ميل(سورٺو وچ دوهو) يمن 3-2
17
ڪانڊين، ٽانڊين، ٻاٻُرين، پَچان مَرُ پيئِي!
جيرا، جِگَرَ، بُڪِيُون، سِيخُنِ ۾ ٽيئِي!
ويڄَنِئُون ويئِي، ٿِي وَهِيڻِي سَڄَڻين.
ٽسٽ دوهو ميل(دوهو اڌ سورٺو) يمن 3-3
18
سَرَ جو سَڃِيو سَڄَڻين، ٻَنگا ٻاڻُ ڀَري،
وِيو وَجُودان نِڪَرِي، ڪَڙَڪَڙَ ڪانُ ڪَري،
پُڇو پيرَ ڀَري ته ڪِ ٺَرئو هَٿُ حَبِيبَ جو.
ٽسٽ دوهو ميل(دوهو اڌ سورٺو) يمن 3-5
19
سَرَ جو سَڃِيو سَڄَڻين، سِيڱَ مَنجهان سِيلو،
ٽِنگُرُ ٽِڪِيو ڪِينَ ڪِينۡ، پارِ لَنگهيو پِيلو،
هَڻَڻَ سِين حِيلو، جانِبَ جيڏوئِي ڪِيو!
ٽسٽ دوهو ميل(دوهو اڌ سورٺو) يمن 3-7
20
ڌڳايومِ ڌئِين، ڄِيرو اندرِ ڄِندَڙي!
لڳِي سِيخَ وُجُودَ ۾، سَندِي نِينهن نَئِين!
مُشاهدي تَهِين، مون کي وِڌو مَچَ ۾!
ٽسٽ سورٺو ميل(سورٺو وچ دوهو) يمن 3-8
21
پُڇُ پَتنگَنِ کي، سَندِيُون کامَڻَ خَبَرُون،
آڻِيو وَجهَنِ آڳِ ۾، جِيءُ پَنهنجو جي،
جيري جَنِين جي، لَڳا نيزا نِينهن جا!
ٽسٽ سورٺو ميل(سورٺو وچ دوهو) يمن 3-9
22
پَتَنگُ چايين پاڻَ کي، ته اَچِي آڳِ اُجهاءِ!
پَچَڻَ گهڻا پَچائِيا، تون پَچَڻَ کي پَچاءِ!
واقُف ٿِي وِساءِ، آڳِ نه ڏِجي عامَ کي.
ٽسٽ دوهو ميل(دوهو اڌ سورٺو) يمن 3-10
23
پَتنگُ چايين پاڻَ کي، ته ڄيري پَئُو ڄاڻِي!
تان تان تاڻِج توَ ڏي، جان آڳِ نه اُجهاڻِي!
وَسِهُه وِهاڻِي، آڳِ نه ڏِجي عامَ کي.
ٽسٽ دوهو ميل(دوهو اڌ سورٺو) يمن 3-11
24
پَتنگُ چايينِ پاڻَ کي، پَسِي مَچُ مَ موٽُ،
سَهائِيءَ سُپيرِينِ جِي، گِهڙَ ته ٿِيين گهوٽُ!
اڃان تون اَروٽُ! کُورِي خَبَرُ نه لهِين.
ٽسٽ دوهو ميل(دوهو اڌ سورٺو) يمن 3-12
25
پُرِي پَتَنگَ آئيا، مِڙِي مَٿي مَچَّ،
اوڏا ٿِيا آڳَ کي، سَڙيا مَٿي سَچَّ،
سندا ڳِچِيُنِ ڳَچَّ، ويچارَنِ وِڃائِيا.
ٽسٽ دوهو ميل(دوهو اڌ سورٺو) يمن 3-13
26
پُرِي پَتَنگَ آئِيا، سَري وَٽِ ساهي،
اَچِي پِيا آڳِ ۾، ڪُڏِي سَڀَ ڪاهي،
لاڳاپا لاهي، کاڻا کُورِي وِچ ۾.
ٽسٽ دوهو ميل(دوهو اڌ سورٺو) يمن 3-14
27
پَتنگَنِ پَھ ڪِيو، مِڙِيا مَٿي مَچَ،
پَسِي لَهسَ نه لِچِيا، سَڙِيا مَٿي سَچَ،
سندا ڳِچِيُنِ ڳَچَ، ويچارَنِ وِڃائِيا.
ٽسٽ دوهو ميل(دوهو اڌ سورٺو) يمن 3-16
28
چڙِهِيو چڪاسِنِ چاءِ، آڳِ ٻَرندي آئِيا،
وِهُسَنِ واڙِيِ ڦُلَ جِئِين مَحَبَتِي مَچَ لاءِ.
آڻي پاڻُ اَڙاءِ، کَڻِي کوُري وِچَ ۾.
ٽسٽ سورٺو ميل(سورٺو وچ دوهو) يمن 3-17
29
اڃان تَنُوراءِ، ڪالِھ ڪَڍِياسون سَڄَڻين،
پُڻِ تايائون تَڪَڙو، وَحَدَتَ جِي وَڌاءِ،
مَحَبَتِيَنِ مَٿاءِ، مَچُ مُورائِين نه لهي!
ٽسٽ سورٺو ميل(سورٺو وچ دوهو) يمن 3-19
30
ڌنءُ ڌنءُ ڌَمَڻَ وارَ، اَڄ پُڻِ آڳَڙِيَنِ جِي،
ٻاري مَچُ مَجازَ جو، اوتِيائُون اَڱارَ،
ڌُوڌا! ٿِيءُ مَ ڌارَ، جِمَ ڪَچو رُڪُ ڪَڻِيُون ٿِئي.
ٽسٽ سورٺو ميل(سورٺو وچ دوهو) يمن 3-21
31
ڌُوڌا! تون نه ڌَئِين! آڳِ اوڏو نه وَڃِين!
اُلا جي عِشَقَ جا، سي تان تون نه سَهِين!
اُڀو اِئين چَئِين، ته آئون آڳَڙِيو آهيان!
ٽسٽ سورٺو ميل(سورٺو وچ دوهو) يمن 3-22
32
هَيءِ! ٻَرِ! اَڱارَنِ، ٻَڏاهِين ٻَرَن جي،
هِڪَڙا کُوري کانئِيا، ٻِيا ڌُوڌي مَنجھَ ڌڳَنِ،
پاڻا! لُهارَنِ، ميڙي رَکِيا مَچَ لَئيِ.
ٽسٽ سورٺو ميل(سورٺو وچ دوهو) يمن 3-25
33
ڪَٽُ ڪَڙهي، لوهُ ٻَري، ڌُوڌا جِتَ ڌڳَنِ!
مُتَرِڪَنِ مُنهن ڪَڍِيا سانداڻِيون سَڪَنِ،
اَڄُ پُڻِ آڳَڙِيَنِ، ميڙو آهي مَچَ تي.
ٽسٽ دوهو ميل(دوهو اڌ سورٺو) يمن 3-29
34
ايڪ پِيالو! ٻه ڄَڻا عِشَقَ نه ڪَري اِيَّ!
ليکِيا جي لِکَڻَ ۾، سي قُرَبِ رسندا ڪِيَّ؟
هُئڻَ ڪِيا هِيَّ، وانجِيا، پَسُ! وِصالَ کان.
ٽسٽ دوهو ميل(دوهو، اڌ سورٺو)يمن 4-1
35
ايڪ پيالو! ٻه ڄَڻا! عِشَقَ نه اِيئن ڪَري!
آٽِي سي ايڪ ٿِيا، جي گَتا نِينهن ڳَري،
دُئِي ڌارَ ڌَري، جُه خُلَتَ خَنجَرُ آئِيو.
ٽسٽ دوهو ميل(دوهو، اڌ سورٺو)يمن 4-2
36
هوندو هَڏِ مَ سَنڌِ، لاءِ پِياڪَنِ پانهنجو،
پُوڄَ پِيارِجِ پَنهِيَڙا، وِيندا وَٺِيو ڪَنڌِ،
ته هَٽَ تنهنجي هَنڌِ، موکِي! ڪو مانُ لهي.
ٽسٽ سورٺو ميل(سورٺو وچ دوهو)يمن 4-7
37
هوندو هَڏِ مَ رَکُ، لاءِ پِياڪَنِ پانهنجو،
وَٽِي واٽاڙُئَنِ کي، تان پياري پَرَکُ،
سالِکَ لَهي ٿِي لَکُ، جا تو ايندِي اُنِ سين.
ٽسٽ سورٺو ميل(سورٺو وچ دوهو)يمن 4-8
38
گهَٽَنِ ۾ گُهٽِڪَنِ، وَٽِيوُن پِيَنِ وِهَ گاڏِيُون،
بَر خِيز بِده ساقِي! پيار کي پَرِين،
پِڪين نه پَرَچَنِ، مَٽَ تَڪِيائُون مَنجِهيان.
ٽسٽ سورٺو ميل(سورٺو وچ دوهو)يمن 4-9
39
وِجِهجَ واٽاڙُئنِ تي، ميخاني جِي ماڪَ،
ٿِيندِي سَڌِ سَڀَ ڪِنهن، هَنڌِ هَنڌِ پُوندِي هاڪَ،
پرَهَ جا پِياڪَ، جُه سي اَڱَڻِ آئِيا.
ٽسٽ دوهو ميل(دوهو، اڌ سورٺو)يمن 4-11
40
سَري ڪِينَ ڪَيونِ، ويڻَ موکِيءَ جي مارِيا!
ڪوجو سُخَنُ ڪَلالَ جو، پِتي تي پِيُونِ!
تِهان پوءِ ٿِيونِ، مَرَڻُ مَتارنِ کي!
ٽسٽ سورٺو ميل(سورٺو وچ دوهو)يمن 4-16)
41
ڪَنڌِ ڪَٽارو، مُنهن وَٽِي، عادَتَ جَنِين اِيَ،
تَنِين تِڪُون ڏِٺِيون، جُنبِي مَنجَهان جِيَ،
سَرو تَنِ سَبِيَ، جَنِ حاصُلُ ڪيو حالَ کي.
ٽسٽ دوهو ميل(دوهو، اڌ سورٺو)يمن 4-18
42
موکِيءَ مَٺو نه گُهرِيا، وِهَ نه وِهاٽِيا،
سُرَڪِيءَ ڪاڻِ، سيد چَئي، اُتي ٿي آٽِيا،
جي ڳالِهيَنِ ڳنڱاٽِيا، تَنِ بَٺَنِ پاسي بُٺِيُون.
ٽسٽ دوهو ميل(دوهو، اڌ سورٺو)يمن 4-19
43
سِرُ ڏيئِي سَٽِ جوڙَ، ڪنهن پَرِ ڪَلاڙَنِ سين!
ڪاتِي ڪَرَٽُ ڪَپَارَ ۾، خَنجَرُ آڻي کوڙَ!
مَرڻان مُنهن مَ موڙَ، وَٽِي ٿِي وَڌِ لَهي!
ٽسٽ سورٺو ميل(سورٺو وچ دوهو)يمن 4-20
44
موکِيءَ مَٽَ اُپَٽِيا، سويرا صُبوحَ،
اُچي جِي عبدالطيف چَئي، باسَ نه پُهِتِئِي بُوءِ،
ڪَڙو جي ڪَڪُوهِ، ته به وَٽِ سِرَ گُهرَنِ وَٽِيون.
ٽسٽ دوهو ميل(دوهو، اڌ سورٺو)يمن 4-25
45
صوفِي سالِمُ سي وِيا، جي اَڪَثَرَ سين اَڏيارَ،
بازِي بازِندَنِ کي، آهي اَويسارَ،
پِرِيان سين پَهڪارَ، رِنديءَ رَساڻي ڪِيا.
ٽسٽ دوهو ميل(دوهو اڌ سورٺو) يمن 5-1
46
صوفِيءَ سَيرُ سَڀَنِ ۾، جِيئن رَڳُنِ ۾ ساهُ،
سا نه ڪري ڳالهڙي، جيئن پريون پروڙي پساه،
آهِس اِيُ گناه، جي ڪا ڪَري پَڌري.
ٽسٽ دوهو ميل(دوهو اڌ سورٺو) يمن 5-2
47
صوفي لا ڪوفِي، ڪونَ ڀانئيس ڪيرُ،
منجهيان ئي مَنجھهِ وڙهي، پَڌر ناهِس پِيرُ،
جنين ساڻُس ويرُ، ٿئي تنيِن جو واهَرُو.
ٽسٽ دوهو ميل(دوهو اڌ سورٺو) يمن 5-4
48
جي ڪُلاهَ رکِين ڪَنڌَ تي، ته صُوفِي سالِمُ ٿِي،
وِهَ وٽي هَٿِ ڪري، پُرِ پيالو پي،
هَنڌُ تنيين جو هي، جن حاصل ڪيو حال کي.
ٽسٽ دوهو ميل(دوهو اڌ سورٺو) يمن 5-7
49
ظاهِرَ ۾ زانِي، فِڪَرَ مَنجِھه فَنا ٿِيا،
تَنِين کي تَعلِيمَ جِي، ڪُڙِه اَندِر ڪانِي،
حَرَفُ حَقانِي، دَورُ ڪِيائون دِلِ ۾.
ٽسٽ سورٺو ميل(سورٺو وچ دوهو) يمن 5-16
50
جَنِ کي دَورُ دَردَ جو، سَبَقُ سُورَ پَڙَهَنِّ،
فِڪر ڦرَهي هٿ ۾، ماٺ مُطالع ڪنِّ،
پَنو سو پڙهنِّ، جنهن ۾ پَسن پِرينءَ کي.
ٽسٽ دوهو ميل(دوهو اڌ سورٺو) يمن 5-17
51
سا سِٽَ سارِيائُون، اَلِفُ جِنَهن جي اَڳَ ۾،
“لا مَقَصُوۡدَ فِي الدَّارَيۡنِ” اِنَ پَرِ اُتائُون،
سَڳَرُ سوٺائُون، ٿِيا رَسِيلا رَحۡمانَ سين.
ٽسٽ سورٺو ميل(سورٺو وچ دوهو) يمن 5-18
52
اکرَ پَڙِهِي اَڀاڳِيا! قاضِي ٿِئين ڪِياءِ؟
ڀيرِئِيين ۽ ڀانِئِيين، ايڏا اِيءَ نه آءُ!
اِنَ سُرَڪِيءَ سندو ساءُ، پُڇِجِ عَزازِيلَ کي.
ٽسٽ دوهو ميل(دوهو اڌ سورٺو) يمن 5-21
53
پَڙهِيو پَڙهيجاهُ، سَبَقُ اِنَهِين سُورَ جو،
مِيمُ رَکِجاهُ من ۾، اَلِفُ تنهن اڳياهُ.
چِتان چوريجاهُ، اِها لاتِ لَطِيفُ چَئي.
ٽسٽ سورٺو ميل(سورٺو وچ دوهو) يمن 5-28
54
تِهَڙا چالِيها نه چالِيهَه، جِهَڙو پَسَڻُ پِرِينءَ جو،
ڪِهَڙِي ڪاتِبَ! ڪَرِيين، مَٿي پَنَنِ پِيهَه،
جي وَرَقَ وارِين وِيهَه، ته اَکَرُ اُهو ئِي هيڪَڙو.
ٽسٽ سورٺو ميل(سورٺو وچ دوهو) يمن 5-33
55
تَنُ کُڏِي، مَنُ حُجِرو، ڪِيَمُ چالِيها رَکُ،
ڪوهُ نه پُوڄيو پُوڄِئين، اَٺَئِي پَهَرَ اَلَکُ؟
تان تُون پاڻُ پَرَکُ! سَڀَڪِنهن ڏانهن سامَهُون.
ٽسٽ دوهو ميل(دوهو اڌ سورٺو) يمن 5-34
56
سَڀَڪِنهن ڏانهن سامَهُون، ڪو هَنَڌُ خالِي ناهِ،
اَحَدا جي اَرَکَ ٿِيا، سي ڪانئِرَ ڪِبا ڪانهِه؟
مُحِبَ مَنجِهين مَنَ ماہِ، مُون اَڄاڻِنديءَ اُجِهيو.
ٽسٽ دوهو ميل(دوهو اڌ سورٺو) يمن 5-35
57
او قابِيلَ! اَکِيُنِ ۾، توکي بارِي بانَ،،
اُڀو اَڳَرايُون ڪَرين، ماڳِ هَڻِيو مَستانَ،
جانِبَ! تُون زِيانَ، اَکِيُنِ سِين ايڏا ڪَرِين!
ٽسٽ دوهو ميل(دوهو اڌ سورٺو) يمن 6-3
58
او قابِيلَ!اَکِيُنِ ۾، توکي تِکا تِيرَ،
ساجَنَ! اِنَهِين سِيڱَ سين، ڦَٽِييءِ گهڻا فَقِيرَ،
ٻيو مَ مارِج مِيرَ! تنهنجو پِهرِيُون ئِي پورو ٿِيو.
ٽسٽ دوهو ميل(دوهو اڌ سورٺو) يمن 6-4
59
او قابِيلَ!اَکِيُن ۾، تِيرَ تِکا توکي،
ساجَنَ اِنِھين سُورَ جِي، ڪَلَ نه آ ڪِنهن کي،
مارِين ٿو مُون کي ، چاڙهي لوهَ لَطِيفُ چَئي
ٽسٽ دوهو ميل(دوهو اڌ سورٺو) يمن 6-5
60
جي هُو پائِينِ ڪانُ ڪَمانَ ۾، ته سِينو سِپَرَ ڏيجُ،
مُنهن ۾ مَعشُوقَنِ جا، چاڪَ چَٽَڪا چَکُ،
سورِي ڀانءِ مَ شَڪُ، عاشِقُ ٿِيءُ ته اُبَهِين.
ٽسٽ دوهو ميل(دوهو اڌ سورٺو) يمن 6-7
61
جي هو پائيِن ڪانُ ڪَمانَ ۾، ته سينو سِپرَ ڏيج،
منهن ۾ معشوقن جا، جهالُو ٿي جهليج،
پاهان پڳَ مَ ڏيجِ، عاشقُ ٿيُ ته اُبهيِن.
ٽسٽ دوهو ميل(دوهو اڌ سورٺو) يمن 6-8
62
مَحَبتَ جي ميدانَ ۾، عاشِقُ! ٿِيءُ اَچامُ،
سامُهان! سَلَ سَيِدُ چئي، ڪَندَءِ تِيرَ تَمامُ،
ڪَهِجِ ڪومَ ڪَلامُ، جِمَ دوسَنِئُون دُورِ ٿِيين.
ٽسٽ دوهو ميل(دوهو اڌ سورٺو) يمن 6-13
63
مَحَبتَ جي ميدانَ ۾، اَچِي پيرَ پِيانِ،
سِرَ وَڍَڻُ، ڌَڙَ ڌارَ ڌَرَڻُ، اِيءُ سِينگارَ سَندانِ
ڏِيندا مُون ڏِٺانِ، مَٿا مَحبُوبَنِ لَئي.
ٽسٽ دوهو ميل(دوهو اڌ سورٺو) يمن 6-14
64
مَحَبتَ جي ميدانَ ۾، ڪَرِ پَڙاڏو پَٽُ،
سِرُ سُورِيءَ ڌَڙُ ڪِنگِرين متان ڪُڇِيين ڪَٽُ!
عِشَقُ نانگُ نِپَٽُ، خَبَرَ کاڌَنِ کي پَوي.
ٽسٽ دوهو ميل(دوهو اڌ سورٺو) يمن 6-15
65
مَحَبتَ جي ميدانَ ۾، سِرَ جو سانَگُ مَ ڪَرِ،
لاهي سِرُ لطيف چَئي، دوسَتَنِ اَڳِيان، ڌَرِ،
عِشَقُ نانگُ اَپَرِ، خَبَرَ کاڌَنِ کي پَوي.
ٽسٽ دوهو ميل(دوهو اڌ سورٺو) يمن 6-16
66
مَحَبتَ جي ميدانَ ۾، سِرَ جو ڪرِ مَ سانگُ،
سُورِيءَ سُپيرِينِ جي، چڙهُ ته ٿِئين چانگُ،
عِشَقُ آهي نانگُ، خَبَرَ کاڌَنِ کي پَوي.
ٽسٽ دوهو ميل(دوهو اڌ سورٺو) يمن 6-17
67
مَحَبتَ جي ميدانَ ۾، ڪُڏِي پَئُو ڪاهي،
ڇَڏِ آسانگا اَرواحَ جا، لاهُوتِي! لاهي،
عِشَقُ نانگُ آهي، خَبَرَ کاڌَنِ کي پَوي.
ٽسٽ دوهو ميل(دوهو اڌ سورٺو) يمن 6-18
68
عِشَقَ نه آهي رانَدِ، ته ڪي ڪَنِسِ ڳِڀرُو،
جِيءَ جُسي ۽ جانِ جِي، ڀَڃي جو هيڪاندِ،
سِسِي نيزي پاندِ، اُڇَلِ ته اَڌَ ٿئي.
ٽسٽ سورٺو ميل(سورٺو وچ دوهو) يمن 6-19
69
عاشِقَنِ اَللهُ جِي، سَدا وائِي واتِ،
فَاذۡڪُرُوۡنِيۡ اَذۡڪُرُڪُمۡ، تَنَ ۾ اِها تاتِ
اِن کان ڪابه ساعَتِ سَڄَڻُ ويلَ نه وِسَري.
ٽسٽ دوهو ميل(دوهو اڌ سورٺو) يمن 7-2
70
عاشِقَ اِيئن نه هُونِ، جيئن تون سَڄي اَڱَڙين،
وَڃِي دَرِ دوسَتَنِ جي، رَتُ ڏِهاڻِي رُون،
ٻِيءَ پَرِ ڪنهن نه پُونِ، ماڪُرِ مَحبُوبَنِ سين.
ٽسٽ سورٺو ميل(سورٺو وچ دوهو) يمن 7-5
71
جان عاشِقَ مَٿي رَتُ، تان دَعويٰ ڪَري مَ نِينهن جِي،
سائو مُنهن، سُونِهن گَئِي، سِڪَڻَ اِيءَ شَرَطُ،
نَڪِي گوڏِ گَرَتُ، مٿان سَرَ سودا ڪري.
ٽسٽ سورٺو ميل(سورٺو وچ دوهو) يمن 7-6
72
اَڃا تو مَنجهاءَ، ڪَکَ ڇُتي رَتُ نِڪري!
مُنهن ۾ مَحبُوبَنِ جا، ڪِيئن جَهلِيندِين گهاءَ؟
سو تُون ڪُڄاڙِياءَ، سِڪَڻَ جُون سَڌُون ڪَرِين؟
ٽسٽ سورٺو ميل(سورٺو وچ دوهو) يمن 7-7
73
سِڪَڻُ اِيءَ نه سَڌَ، جِيئن لِڪَيو لِياڪا پائِيين،
پَئِي پِرِيان جي نه ٿيين، مَٿي اڱڻَ اَڌَ؟
اِيءَ پُڻَ ڪوڙِي سَڌَ، جِيئن کِلڙيو، کايو سُمَهِين.
ٽسٽ سورٺو ميل(سورٺو وچ دوهو) يمن 7-9
74
سِڪَڻُ ۽ سُورِي، ٻَئِي اَکَرِ هيڪَڙي،
وِهَڻُ واٽَڙِيُنِ تي، ڪارَڻُ ضَرورِي،
ٻِنهِين جِي پُورِي، جِيءَ ڏِني رِيءَ نه ٿِيي.
ٽسٽ سورٺو ميل(سورٺو وچ دوهو) يمن 7-10
75
عاشِقَ مَعشُوقَنِ جو، وَٺِي ويهجِ سيرُ،
اَچِي پُڇندُءِ پاڻَهِين، پِرتان ڀَري پيرُ،
ڀلائِيَنِ سندو ڀيرُ، رَهبَرُ ٿِيندُءِ راهَ ۾.
ٽسٽ دوهو ميل(دوهو اڌ سورٺو) يمن 7-13
76
عاشِقَ مَعشُوقَنِ جو، وَٺِي ويهجِ دَرُ،
اَچِي پُڇندُءِ سُپِرِين، لَهندُءِ سَرَ سَڀَرُ،
ڀَلائِيءَ جو ڀَرُ، رَهبَرُ ٿيندُءِ راهَ ۾.
ٽسٽ دوهو ميل(دوهو اڌ سورٺو) يمن 7-14
77
عاشق! مَعشُوقَنِ جو، وَٺِي ويھُ دُڪاڻُ،
پَئِج پيشِ پِريُنِ جي، پَٽِيءَ وِجِهي پاڻُ،
ته تون تِنين ساڻُ، سدا رَهِين سُرخُرُو.
ٽسٽ دوهو ميل(دوهو اڌ سورٺو) يمن 7-15
78
عاشِقَ! مَعشُوقَنِ جو، وَٺِي ويهجِ گَهٽُ،
جِمَ وِرِچِي ڇَڏِيين، موکِيءَ سندو مَٽُ،
ڪري سِرَ جِي سَٽُ، پيِجِ ڪي پِيالِيُون.
ٽسٽ دوهو ميل(دوهو اڌ سورٺو) يمن 7-16
79
عاشِقَ مَعشُوقَنِ جو، وَٺِي ويهَجِ رَندُ،
پِيارِيندئِي، پاڻِهين، ميخاني جو مَندُ،
ڪِيمَ ڪَڍِجِ تون ڪَنڌُ اوڏو ٿِي اُنِ کي.
ٽسٽ دوهو ميل(دوهو اڌ سورٺو) يمن 7-17
80
سيئِي سُورَ طَبِيبَ، جَنِين سُورَ سَڃَ ڪِي،
جو لِکِيو هُتِ لَطِيفُ چَئي، سوئِي ڪَنِ قَرِيبَ،
جي نوازِيا نَصِيبَ، دارونءَ سي دُرَسَتُ ڪِيا.
ٽسٽ سورٺو ميل(سورٺو وچ دوهو) ديمن 8-4
81
جيڪِي ڏِنائُون سو سَڀوئِي صِحتَ،
مَ چئو آزارُ اُنَ کي، مَ ڪِي مُصِيبَتَ،
ڪُهَڻُ قرِيبَتَ، جو ڪوٺَڻُ پَرِ پريَنِ جِي.
ٽسٽ دوهو ميل(دوهو اڌ سورٺو) ديمن 8-10
82
ڇِنَنِ توءِ مَ ڇِنُ، پاءِ اُميرِي اُنِ سين،
جي ھو اَوڳُڻُ ڪَنِئِي، اَسُونهِين! ته تُون ڳُڻانئِي ڳِنُ،
پاندُ جَهلِيو تون پِنُ، هِنَ سُونهاري سَڱَ ۾.
ٽسٽ سورٺو ميل(سورٺو وچ دوهو) ديمن 8-11
83
هُو چَوَنِئِي تُون مَ چَئو، واتان ورائي،
اَڳُ اَڳَرائِي جو ڪري، خَطا سو کائي،
پاندَ ۾ پائي، وِيو ڪِيني وارو ڪِينَ ڪِي.
ٽسٽ دوهو ميل(دوهو اڌ سورٺو) ديمن 8-17
84
هو چَونِئِي تون مَ چئو واتان وَرائي ويڻُ،
سَڀَنِي سين سيد چَئي، مَنُ ماري ڪَرِ ميڻُ،
کانڌِ وَڏِيائِي کيڻُ، ڪِيني منجهان ڪينَ ٿِيءَ.
ٽسٽ دوهو ميل(دوهو اڌ سورٺو) ديمن 8-18
85
سُڻِي ويڻَ ڪَنَنِ سين، ورائجِ مَ وَرِي،
هادِيءَ جِي هدايتَ جِي، آهي اِيءَ ڳَرِي،
تَنِ سَڄِي ساهِ سَرِي، جَنِ مارِيو نَفَسُ ماٺِ سين.
ٽسٽ دوهو ميل(دوهو اڌ سورٺو) ديمن 8-20
86
چُوندَنِ ڪِيمَ چَئيجِ، ويڻَ وَرائي سامُهُون،
ڪا مَتِ قِيمتَ جَهَڙِي، روزُ ڏَمَرَ کي ڏيجِ،
ويڻُ مَ ورائيجِ، ته سَڀَ دَرِ سُهاڳِي ٿيين.
ٽسٽ سورٺو ميل(سورٺو وچ دوهو) ديمن 8-21