سر کنڀات ٻه سٽا بيت

ٻه سٽا بيت
1
چوڏِهينءَ چنڊُ اُڀِرِيو، اُوڻَٽِيهَه پَسيسِ عامَ،
مَٿَسِ ناهِ مَلامَ، جيڪِي، پُڇِين پُڇُ سو.
ٻسٽ دوهو سورٺو ميل کنڀات 1-10
3
سَهسين سِڄَنِ اُڀِرِي، چوراسِي چَنڊَنِ،
بالله ري پِرِيَنِ، سَڀَ اوُنداهِي ڀانئِيان.
ٻسٽ دوهو سورٺو کنڀات 1-12
4
چَنڊَ! تنهنجي ذاتِ، پاڙيان نه پِريَنِ سين،
تون اَڇو ۾ راتِ، سَڄَڻَ نِتُ سوجهَرا.
ٻسٽ سورٺو کنڀات 1-13
5
چَنڊَ! لڳنَئِي مَنڊَ، سَنجهي ئِي شِيخَ ٿيين،
ڪَرِ اُنداهِي اَنڌَ، ته مِلان مَحبُوبَنِ کي.
سورٺوکنڀات 1-15
6
چَنڊَ! چُئَئِين حَقُ، جي وِڙَهِين جي وِچِرين،
ٻه اکِيون ٽِيو نَڪُ، تو ۾ ناهِ پِرِيَنِ جِهو.
ٻسٽ سورٺو کنڀات 1-16
6
اُنداهِيءَ اَڌ راتِ ۾، پِرِيءَ(پِرِيَنِ) پَسايو پاڻُ،
چَنڊُ ڪَتِنِ ساڻُ، پيهِي وِيو پَڙِلاؤ ۾.
ٻسٽ دوهو سورٺو ميل کنڀات 1-19
7
تارا تيلِيءَ رُوءِ، لُڌا لاَلنَ! اُڀَرِين،
جِهَڙِي تو صُبُوحِ، تِهَڙِي صافِي سَڄَڻين.
ٻسٽ سورٺو کنڀات 1-20
8
تو ڏانهن گهڻو نِهارِيان، تارا! تيلاهِين،
سَڄَڻَ جيڏاهِين، تون تيڏاهِين اُڀَرِين.
ٻسٽ دوهو سورٺو ميل کنڀات 1-21
9
هُنَ تاري، هُنَ هَنڌِ، هُتِ منهنجا سُپرِين،
سَڄَڻَ ماکِيءَ مَنڌِ، ڪَوڙا نه ٿِينِ ڪڏَهِين.
ٻسٽ سورٺو کنڀات 1-22
10
هُنَ تاري، هُنَ هيٺِ، هُتِ منهنجا سپرين،
سَڄَڻَ ماکِيءَ ميٺِ، ڪَوڙا ٿِينِ نه ڪڏهين.
ٻسٽ سورٺو کنڀات 1-23

11
هُنَ تاري، هُنَ جاءِ، هُتِ منهنجا سُپَرِين،
سَڄَڻَ ماکِيءَ ساءِ، ڪَوڙا ٿِيَنِ نه ڪَڏِهِين.
ٻسٽ سورٺو کنڀات 1-24
12
تارا، تِرَ، تِروڪِڻِيُون، مَٿَنِ ڦُلَڙِيُون،
کوءِ! سي راتَڙِيُون، جي مون پِريءَ(پرِيَنِ) پُڄاڻا پيئِيون.
ٻسٽ دوهو سورٺو ميل کنڀات 1-25
13
آئون اُڪَنڊِيائِي مَران! پِرِين ڀلا، پَرَ ڏُورِ،
ٻاٻَلُ ڏي نه ٻُورِ، پَنڌَ نه جوڳِي پِيَڙِي.
ٻسٽ دوهو سورٺو ميل کنڀات 2-8
14
وَڏَ ڦُڙو ۽ واءُ، ڪَرَهي کاڏو کوڙِيو،
کوءِ! ٻَنِ! پَلاڻِيان! اولاڻِيو نه اُٿِيي.
ٻسٽ کنڀات 2-11
15
پلاڻِيان پِيو! اولاڻِيو نه اُٿِيي!
جيڏانهن وَڳُ وِيو، اُڀو تَرَسي اوڏاهِين،
ٻسٽ سورٺو کنڀات 2-12
16
پيشانِيءَ ۾ پِرِينِ جي، چانگي رَکِيو چِتُ،
نيٽَ ڇِنايو نِتُ، اُڀو اوڏاهِين اُسري.
ٻسٽ دوهو سورٺو ميل کنڀات 2-28
17
مِٺِيُون لَهِي مُهاءِ، جي تو چانگا چِنِيُون،
وَلَڙِيون وِهَ ساءِ، اَڃا تو مُهَندِيُون.
ٻسٽ سورٺو کنڀات 2-31
18
ڪِين جو ڪيڏاهِين، چانگوچَکِي آئِيو،
تاڻِيو تيڏاهِين، نيٽ ڇِنايو نِڪري.
ٻسٽ سورٺو کنڀات 2-33
19
ڪرها! توکي ڪامَ، مون سچو پَسِي سَڃِيِي،
مانَ پَرُوڙي مامَ، ساڱاهي سَئِينءَ وَهين.
ٻسٽ سورٺو کنڀات 2-35
20
کَنڀاتَڙِي تَڙِ وَرِي، اُڀِي تَڙِ واجهاءِ،
مانَ اَچِهُون ڪاءِ، سُواڌائِي سَڄَڻين.
ٻسٽ دوهو سورٺو ميل کنڀات 2-36

21
نَوَ نِيَرَ پائي، جان مون هِيَڙو جَهلِيو،
وِئَڙو ڇِنائي، پوئِينءَ رات پِرِيَنِ ڏي.
ٻسٽ سورٺو کنڀات 2-42
22
نَوَ نِيَرَ، ڏَهَ ڏاوَڻِيون، پَندِرَهَ پَئِنڌَ پِياسِ،
جڏهن سَڄَڻَ يادِ پِياسِ، ڇِرِڪَ ڇِنايَئِين هيڪَڙي.
ٻسٽ دوهو سورٺو ميل کنڀات 2-43
23
جِئان ڪوڙِ ٻه ڪاٺِيُون، پَنجين لَکين پاءُ،
مَيو تنهن ماڳاءُ، ڏيهاڻِي ڏارَ چَري.
ٻسٽ دوهو سورٺو ميل کنڀات 2-46
24
لَکِ لاکِيڻو، ڪَرَهو، ڪوڙين، ڏيئي ڳِڌومِ
اَڱڻِ سُونهَن ٿِيومِ، مُلِ مهانگو مَ چئو.
ٻسٽ دوهو سورٺو ميل کنڀات 2-48