اھو ھڪ دلچسپ سوال آھي.
استاد ڪوئي بہ ھجي اھو پنھنجي وسؤن تہ ڪونہ گھٽائيندو آھي خصوصاً پنھنجي انيشل يعني شروعاتي وقت ۾..
منھنجا ڪجھ سڀ نہ پر ڪجھ قابل احترام استادَ بہ اھا سوچ رکي آيا ھوندا پر انھن شايد ڪونہ ملھايو ۽ پنھنجي ڪم سان سچائي ڪونہ ڏيکاريؤن..
ڪيئي استاد سينيئر ھجن يا جونيئر، ٽيسٽ پاس ھجن، يا پرچي ۽ سفارش وارا پنھنجي ڪم سان ناانصافي ڪندا ھوندا، پر گڏوگڏ ڪيئي ٽيسٽ پاس، پرچي ۽ سفارشي ڀرٿي ٿيل استاد اڄ بہ بھترين ڪم ڪن پيا ۽ ڪيئي بھترين ۽ قابل استاد يا تہ ڊپارٽمينٽ مان رٽائر ٿي ويا يا زندگيءَ مان..
پوء مسئلو ڪٿي آھي؟
ڇو تعليم وري بہ پوئتي آھي؟
انجو جواب ڪوئي ھڪ شخص، ڪوئي ھڪ ادارو ، ڪائي ھڪ حڪومت نہ ٿي ڏئي سگھي.
وڏو دوش اڄ جي مڙھيل سسٽم جو آھي..
سسٽم ڇا آھي؟
سسٽم اصل ۾ ھڪ نظام آھي جيڪو ظاھر نہ پر باطن آھي، سسٽم ھڪ اھڙي چين آھي جيڪا ڪڙي سا ڪڙي وانگر مليل ۽ لچڪدار آھي پر ڪاري ٿيل آھي، اگر اوھان ھٿ وجھندؤ تہ ھٿ ڪارا ٿي ويندا..
ان سسٽم ۾ سينٽرل صوبائي حڪومت بہ آھي، علائقي جو عوام بہ آھي، تعليم کاتو بہ آھي، تعليم کاتي جا ذيلي يا ھيٺيان سب ڊپارٽمينٽس بہ آھن، ان. سسٽم ۾ خزاني وارو کاتو/ ٽريزري بہ آھي، ميڊيا وغيرہ بہ شامل آھن.
ھاڻي اگر اھي سڀ اسٽيڪ هولڊرز ھڪ ئي وقت يڪ آواز بڻبا تہ سسٽم ۾ بھتري ايندي ۽ تعليمي جدتون اينديون، پر اگر جي ھڪ بہ ٻي رخ مڙيو تہ پوء تنزلي ئي مقدر آھي.
ائين نہ ٿو چئي سگھجي تہ سڀ غلط آھن..!! نہ..!!
ھاڻوڪي ڀرٿي ڪا مجبوري ۾ نہ ڪئي وئي آھي ، اگر ائين ھجي ھا تہ پھرين پاليسي واضح ٿيل ھئي پنج اٺ ھزار استاد کڻي ۽ چئي پيا سگھن تہ بابا توھان پورا نہ لھي سگھيؤ، مھيني ٻن ۾ وري ٻيو پراجيڪٽ آڻي چپ بہ ڪرائي سگھن پيا، پر انھن جنھن ۾ حڪومت، تعليم کاتو ۽ سڀ چڱا شامل ھئا تہ بابا اڃان استاد کپن، ڇو کپن ؟ ڇاڪاڻ تہ عوام ۽ اسڪولن کي استاد گھرجن ٿا، نيت صاف ھئي انھن جي، ڀلي انھن کي ووٽن جي تسلي ھجي پر ڇا ھونئن نہ پيا کٽي سگھن؟ کٽي پيا سگھن پر انھن تعليم جي ترقي سوچي..
پوء ڇا ان ڪم ڪرڻ سان جي ذميواري پوري ٿي وئي؟
نہ..!! سسٽم کي سيٽ ڪرڻو آھي، سڀن کي محنت ڪرڻي آھي، جيڪي جيڪي اسٽيڪ هولڊر آھن سڀن کي..
۽ ان سسٽم ۾ استاد سڀ کان اڳڀرا رھندا ڇو تہ 60 ھزار صرف نوان استاد سسٽم کي لوڏي ضرور سگھن ٿا.
وقار عباسي
