سياري ۾ ڊپريشن کي SAD (Seasonal Affective Disorder) چيو ويندو آهي. سبب! 1. سج اونهاري جي ڀيٽ ۾ سياري ۾ گهٽ چمڪي ٿو. سج جي روشنيءَ جي گھٽتائي سبب دماغ ۾ ڪجهه ڪيميائي مادا هيٺ مٿي ٿي ويندا آهن. 2 سياري ۾ ڏينھن ننڍا ۽ راتيون ڊگھيون ٿي وينديون آھن انڪري سمهڻ، جاڳڻ ۽ ٻين سرگرمين جي معمول ۾ تبديلي اچي وڃي ٿي۔ 3. اسان جي چوڌاري اونهاري جي ڀيٽ ۾ سياري ۾ ماحول ۾ گوڙ گهٽ هوندو آهي، نتيجي ۾ هر طرف وڏي خاموشي محسوس ٿئي ٿي۔ 4 اسان ننڍپڻ کان ٻڌندا ۽ پڙهندا آهيون ته ڊسمبر جي برسات، سياري جي ڏينهن جون ٿڌيون هوائون، سرد راتين جي خاموشي، اڪيلائي ۽ اداسي سان لاڳاپيل آهن۔ انڪري سياري ۾ جيڪي ماڻهو جذباتي طور تي حساس هوندا آهن، اهي جلدي SAD جو شڪار ٿي ويندا آهن۔ SAD جو علاج: 1. جيڪڏهن توهان يا توهان جي پيارن کي SAD آهي ته جلد از جلد نفسياتيات جي ماهر سان رابطو ڪريو. 2. اونداهي ، اڪيلائي ۽ خاموشيءَ سان جڙيل پنهنجي اندر جي خوف کي ختم ڪريو۔ 3. ٿڌي موسم ۾ پنهنجي سمهڻ ۽ جاڳڻ جو مناسب وقت مقرر ڪريو۔ سمهڻ وقت ٽي وي ۽ موبائل جو استعمال گھٽ ۾ گھٽ ڪريو۔ 4. جڏهن سج اڀري ته سج جي روشني ۾ وڌ کان وڌ ويهڻ جي ڪوشش ڪريو۔ متوزن غڊا ۽ پابندي سان ورزش ڪريو۔ 5. رشتن ناتن یا مٽن مائٽن جا مسئلا اگر توهان جي حقيقي زندگي ۾ آهن ته انهن کي حل ڪريو، اهي به اداسي جا سبب آهن،(هن معاملي ۾ هڪ ماهر نفسيات توهان جي مدد ڪري سگهي ٿي بهترين صلاح مشوري سان علاج ممڪن آهي) 6. سڀ کان وڌيڪ اهم هي آهي ته توهان کي ماضي وساري حال ۾ رهڻو آهي، ڇو جو ماضي ۾ رهڻ ڊپريشن جي ابتدائي علامتن مان هڪ آهي۔ SAD جي مريضن کي گهڻو نقصان ماضي جي خيالن سان ئي پهچي ٿو.
