عبدﷲ جروار
سينيئر رڪن
"ٻري جن ٻاري "
ٽنڊو الهيار جي ضلعي جا ناميارا استاد صاحبان سلسلي جي ڪڙي نمبر (70)
استاد سائين محمد اسماعيل خانزاده
نصرپور ضلع ٽنڊوالهيار
تحرير : نم مھيسر
استاد سماج جو هڪ اهم ۽ معتبر شخص آھي . ان ڪري کيس زندگي ۾ انتهائي ڇنڊي ڦوڪي قدم کڻڻو پوندو آھي , ته جيئن سندس اعلي اخلاق ، ڪردار ، مان ۽ مرتبي ۾ ڪٿي ڪا وٿي نه پيدا ٿي پئي . اهي پنهنجي ڊيوٽي ته ايمانداري ۽ فرض شناسي سان ادا ڪندا ئي آھن ، پر ان سان گڏ سندن زندگي جو اصل مقصد سماج لاء سٺا ۽ ڪارآمد فرد پيدا ڪرڻ آھي . ان لاء ھو رات ڏينھن ڪوشان ھوندا آھن ۽ پنهنجي محنت ، اخلاق ۽ ڪردار وسيلي شاگردن ۾ زندگي گذارڻ جو سليقو ۽ انھن جي ڪردار سازي ڪندا رهن ٿا . اهي تعليم دوست شخص پنھنجي خلوص ۽ محبتن سان شاگردن ۾ ھمت ۽ حوصلا وڌائي منزلون ماڻڻ تائين انھن جو ڏڍ ۽ ڀرجھلو ٿي بيھن ٿا . اھڙا استاد سماج ، ادارن ۽ شاگردن لاء رول ماڊل هوندا آھن . انھن استادن جي انداز ۽ وڻندڙ ادائن کي سندن شاگرد اپنائن ٿا ۽ ھميشه لاء پنهنجي زندگي جو حصو بنائن ٿا .
اهڙن ٻھڳڻن استادن مان منهنجو رهبر ، منهنجو محسن ، ۽ منھنجو آئيڊيل استاد ، جنھن جون ڪافي مون کي وڻندڙ ادائون ۽ اندازا مون خود پنھنجي زندگي ۾ اپنايا آھن . سائين محمد اسماعيل خانزادو ولد عظمت خان به اھڙن استادن مان هڪ آھي . پاڻ سنڌ جي قديمي شھر نصرپور ۾ 20 آگسٽ 1954 ۾ پيدا ٿيا . پنهنجي پرائمري تعليم نصرپور مان 1965 ع ۾ مڪمل ڪرڻ کان پوءِ گورنمينٽ ھاءِ اسڪول نصرپور مان ئي 1971 ع ۾ ميٽرڪ جو امتحان فرسٽ ڪلاس ۾ پاس ڪيائون . جيئن ته ان وقت نصرپور ۽ ٽنڊو الهيار ۾ ڪاليج جي سھولت نه ھجڻ ڪري پاڻ انٽر ميڊيئٽ جو امتحان ميرپورخاص مان پاس ڪيائون ۽ اتائين سنڌ يونيورسٽي مان پرائيويٽ طور بي اي پاس ڪيائون .
1975 ع پاڻ پنھنجي پسند جي تعليم کاتي ۾ بطور ڊرائنگ ٽيچر مقرر ٿيا . کين سڀ کان پھرين ٽنڊي محمد خان جي ڳوٺ غلام حسين سومرو مڊل اسڪول ۾ رکيو ويو . ڇھ مھينا اتي ڊيوٽي ڪرڻ کان پوءِ ، سندن بدلي الله ڏنو ساند ۾ ڪئي ويئي . اتي پاڻ پنجن سالن تائين پنھنجي ڊيوٽي سرانجام ڏنائون . الله ڏني ساند مان کيس ڊرائنگ ٽيچر جي ٽريننگ لاءِ 1980ع ۾ حيدرآباد ٽريننگ ڪاليج موڪليو ويو . جتان کين1981 ع ۾ فارغ ٿيڻ کان پوءِ گورنمينٽ ( پرونشلائزڊ ) ھاءِ اسڪول نصرپور ۾ مقرر ڪيو ويو . اتي پاڻ لڳ ڀڳ 33 سال پنھنجي شھر ۽ پس گردائي جي ٻارڙن ۾ محنت ۽ ايمانداري سان تعليم ۽ شعور جي جوت جلائِي ۽ اتان 19 آگسٽ 2014ع ۾ رٽائرڊ ٿيا .
قدرت وارو ڪنھن ڪنھن ماڻھوءَ ۾ وڏي مڻيا رکي ٿو . جيڪي پنھنجي سڀاءُ ۽ صفتن ۾ لاجواب ٿين ٿا . سائين محمد اسماعيل خانزادو به اعلي صفتن جو مالڪ ۽ مڻيادار ماڻھو آھي . وٽس پرائي پنھنجي وارو محاورو بي معني ۽ فضول آھي . ھن وٽ پرايو ته ڪير آھي ئي ڪونه ، ھن وٽ سڀ صرف پنھنجا آھن . ھو محبت ، پيار ۽ پاٻوھ کان سواءِ ٻئي ڪا ٻولي نه ٿو ڄاڻي . ڇو ته سندس زندگي جو فلسفو ۽ منشور محبت آھي . ان ڪري پاڻ ھر شاگرد جي پسنديده ۽ محبوب شخصيت آھن . سندس ڏنل پيء جھڙو پيار ۽ محبتون ڪو اڻاسو ئي وساري سگھي ٿو . پاڻ 2014 ع ۾ رٽائرڊ ضرور ٿيا آھن ، پر چوندا آھن ته استاد ڪڏهن به رٽائر ناھي ٿيندو . ھن وقت به کيس شعور جا شعاع پکيڙيندي ، ادب ، احترام ۽ سٺي اخلاق لاءِ درس ڏيندي ڏٺو وڃي ٿو . پاڻ اسان جي سماج ۽ نوجوان نسل لاءِ سرمايو آھن .
مالڪ سائين کان دعا آھي ته شال کيس ڪامل صحت ۽ چڱڀلائي عطا فرمائي ته جيئن باقي زندگي پابندي سان ذڪر فڪر واري بندگي ۾ گذاري سگھن .
Sain Nim Mahesar
ٽنڊو الهيار جي ضلعي جا ناميارا استاد صاحبان سلسلي جي ڪڙي نمبر (70)
استاد سائين محمد اسماعيل خانزاده
نصرپور ضلع ٽنڊوالهيار
تحرير : نم مھيسر
استاد سماج جو هڪ اهم ۽ معتبر شخص آھي . ان ڪري کيس زندگي ۾ انتهائي ڇنڊي ڦوڪي قدم کڻڻو پوندو آھي , ته جيئن سندس اعلي اخلاق ، ڪردار ، مان ۽ مرتبي ۾ ڪٿي ڪا وٿي نه پيدا ٿي پئي . اهي پنهنجي ڊيوٽي ته ايمانداري ۽ فرض شناسي سان ادا ڪندا ئي آھن ، پر ان سان گڏ سندن زندگي جو اصل مقصد سماج لاء سٺا ۽ ڪارآمد فرد پيدا ڪرڻ آھي . ان لاء ھو رات ڏينھن ڪوشان ھوندا آھن ۽ پنهنجي محنت ، اخلاق ۽ ڪردار وسيلي شاگردن ۾ زندگي گذارڻ جو سليقو ۽ انھن جي ڪردار سازي ڪندا رهن ٿا . اهي تعليم دوست شخص پنھنجي خلوص ۽ محبتن سان شاگردن ۾ ھمت ۽ حوصلا وڌائي منزلون ماڻڻ تائين انھن جو ڏڍ ۽ ڀرجھلو ٿي بيھن ٿا . اھڙا استاد سماج ، ادارن ۽ شاگردن لاء رول ماڊل هوندا آھن . انھن استادن جي انداز ۽ وڻندڙ ادائن کي سندن شاگرد اپنائن ٿا ۽ ھميشه لاء پنهنجي زندگي جو حصو بنائن ٿا .
اهڙن ٻھڳڻن استادن مان منهنجو رهبر ، منهنجو محسن ، ۽ منھنجو آئيڊيل استاد ، جنھن جون ڪافي مون کي وڻندڙ ادائون ۽ اندازا مون خود پنھنجي زندگي ۾ اپنايا آھن . سائين محمد اسماعيل خانزادو ولد عظمت خان به اھڙن استادن مان هڪ آھي . پاڻ سنڌ جي قديمي شھر نصرپور ۾ 20 آگسٽ 1954 ۾ پيدا ٿيا . پنهنجي پرائمري تعليم نصرپور مان 1965 ع ۾ مڪمل ڪرڻ کان پوءِ گورنمينٽ ھاءِ اسڪول نصرپور مان ئي 1971 ع ۾ ميٽرڪ جو امتحان فرسٽ ڪلاس ۾ پاس ڪيائون . جيئن ته ان وقت نصرپور ۽ ٽنڊو الهيار ۾ ڪاليج جي سھولت نه ھجڻ ڪري پاڻ انٽر ميڊيئٽ جو امتحان ميرپورخاص مان پاس ڪيائون ۽ اتائين سنڌ يونيورسٽي مان پرائيويٽ طور بي اي پاس ڪيائون .
1975 ع پاڻ پنھنجي پسند جي تعليم کاتي ۾ بطور ڊرائنگ ٽيچر مقرر ٿيا . کين سڀ کان پھرين ٽنڊي محمد خان جي ڳوٺ غلام حسين سومرو مڊل اسڪول ۾ رکيو ويو . ڇھ مھينا اتي ڊيوٽي ڪرڻ کان پوءِ ، سندن بدلي الله ڏنو ساند ۾ ڪئي ويئي . اتي پاڻ پنجن سالن تائين پنھنجي ڊيوٽي سرانجام ڏنائون . الله ڏني ساند مان کيس ڊرائنگ ٽيچر جي ٽريننگ لاءِ 1980ع ۾ حيدرآباد ٽريننگ ڪاليج موڪليو ويو . جتان کين1981 ع ۾ فارغ ٿيڻ کان پوءِ گورنمينٽ ( پرونشلائزڊ ) ھاءِ اسڪول نصرپور ۾ مقرر ڪيو ويو . اتي پاڻ لڳ ڀڳ 33 سال پنھنجي شھر ۽ پس گردائي جي ٻارڙن ۾ محنت ۽ ايمانداري سان تعليم ۽ شعور جي جوت جلائِي ۽ اتان 19 آگسٽ 2014ع ۾ رٽائرڊ ٿيا .
قدرت وارو ڪنھن ڪنھن ماڻھوءَ ۾ وڏي مڻيا رکي ٿو . جيڪي پنھنجي سڀاءُ ۽ صفتن ۾ لاجواب ٿين ٿا . سائين محمد اسماعيل خانزادو به اعلي صفتن جو مالڪ ۽ مڻيادار ماڻھو آھي . وٽس پرائي پنھنجي وارو محاورو بي معني ۽ فضول آھي . ھن وٽ پرايو ته ڪير آھي ئي ڪونه ، ھن وٽ سڀ صرف پنھنجا آھن . ھو محبت ، پيار ۽ پاٻوھ کان سواءِ ٻئي ڪا ٻولي نه ٿو ڄاڻي . ڇو ته سندس زندگي جو فلسفو ۽ منشور محبت آھي . ان ڪري پاڻ ھر شاگرد جي پسنديده ۽ محبوب شخصيت آھن . سندس ڏنل پيء جھڙو پيار ۽ محبتون ڪو اڻاسو ئي وساري سگھي ٿو . پاڻ 2014 ع ۾ رٽائرڊ ضرور ٿيا آھن ، پر چوندا آھن ته استاد ڪڏهن به رٽائر ناھي ٿيندو . ھن وقت به کيس شعور جا شعاع پکيڙيندي ، ادب ، احترام ۽ سٺي اخلاق لاءِ درس ڏيندي ڏٺو وڃي ٿو . پاڻ اسان جي سماج ۽ نوجوان نسل لاءِ سرمايو آھن .
مالڪ سائين کان دعا آھي ته شال کيس ڪامل صحت ۽ چڱڀلائي عطا فرمائي ته جيئن باقي زندگي پابندي سان ذڪر فڪر واري بندگي ۾ گذاري سگھن .
Sain Nim Mahesar