"ٻري جن ٻاري" ٽنڊي الهيار ضلع جا ناميارا استاد صاحبان سلسلي جي ڪڙي (75) سائين شير محمد جروار ڳوٺ الھ بخش جروار تعلقه ۽ ضلع ٽنڊوالهيار تحرير : عبدالله جروار سائين شيرمحمد جروار ھڪ زميندار خاندان حاجي محمد پريل جروار مرحوم جي گھر ۾ 12-01-1959ع م ڳوٺ الھ بخش جروار لڳ بڪيرا شريف ۾ڄائو.پرائمري تعليم پنهنجي ڳوٺ جي پرائمري اسڪول مان سائين محمد عرس درس کان ورتي.ان کان پوءِ جڏھن ڳوٺ صاحب خان جروار م مڊل اسڪول کليو ته ان ۾ پھرئين شاگرد طور داخل ٿيو. جيئن ته سندن والد صاحب جن جي رهائش حيدرآباد شهر جي علائقي ٽنڊو طيب تلاء نمبر 3 ۾ هئي. جنهنڪري والد صاحب جي مرضي سان نورمحمد ھاء اسڪول م داخل ٿيا. ان وقت نور محمد هاء اسڪول جو هيڊ ماستر سائين غلام حسين بالادي صاحب هئا جتان 1979ع م مئٽرڪ پاس ڪئي. نور محمد هاء اسڪول جي استادن ۾ سر فريد ميمڻ، سائين ڌڻي بخش ڀٽو ۽ سائين ڪريم لغاري، سائين محمد علي خواجا، سائين خان محمد بوزدار ۽ ٻيا استاد ھئا. انٽر ميڊئيٽ جو امتحان 1984 ۽ گريجوئيشن سنڌ ماڊل ڪاليج ٽنڊو الهيار مان پاس ڪئي. پاڻ 05-02-1983م اھليت جي بنياد تي تعليمي ڪميٽي جو امتحان پاس ڪري پرائمري استاد مقرر ٿيا .ان وقت ھالا سب ڊويزن م ايس ڊي او سائين غلام قادر شاھ بخاري جن هئا. استاد طور سندن پهرين مقرري گورنمنٽ پرائمري اسڪول ڪامارو اسٽيشن ۾ ٿي. ھڪ سال کان پوءِ بدلي ڪري گورنمينٽ پرائمري اسڪول پير بخش جمالي اسڪول م مقرر ڪيو ويو بعد م مڊل اسڪول صاحب خان جروار م مقرري ٿي. جتان کيس بدلي ڪري بختاور پتافي پرائمري اسڪول ۾ مقرر ٿيو موجودہ ميمبر سنڌ اسيمبلي امداد پتافي 3ڪلاس سائين جن وٽ پڙهيو. 1986م ٽريننگ لاءِ ٽريننگ ڪاليج فار مين حيدرآباد ۾ ٽريننگ ڪاليج مان پي ٽي سي مڪمل ڪرڻ کان پوءِ گورنمنٽ پرائمري اسڪول عالم کوکر م مسلسل 3 سال رھيا. بعد ۾ کين پنهنجي ڳوٺ الھ بخش جروار جي پرائمري اسڪول ۾ مقرر ڪيو ويو جنھن اسڪول ۾ ھيڊ ماستر طور لاڳيتو 26 سال ڊيوٽي ڪري 31-12-2017 ۾ رٽائر ٿيا، رٽائر ٿيڻ کان پوءِ پاڻ سماجي ڪارڪن طور عام ڀلائي جي ڪمن سان گڏ پنهنجي زمينداري ڪمن ڪارين ۾ لڳل آھن. Jarwar Sher Muhammed
