جڏهن انسانيت آخرڪار ڳاڙهي سياري مريخ تي قدم رکندي، تڏهن اسان جو موجوده خلائي لباس ڪارائتو نه رهندو.
هن وقت استعمال ٿيندڙ خلائي لباس تمام گهڻا غير لچڪدار ۽ ڳرا آهن، ۽ انهن ۾ پري واري ماڳن تي لهي ڪم ڪرڻ لاءِ گهربل تحفظ به ڪافي نه آهي. ان ڪري، ناسا نوان خلائي لباس تيار ڪري رهيو آهي، جيڪو زي-2 جي نالي سان سڃاتو وڃي ٿو. هن لباس ۾ ڌرتيءَ کان ٻاهر ڪنھن سياري تي لھي ڪم ڪرڻ ۽ خلائي چهل قدمي لاءِ ڪيترائي جديد فيچرس شامل آهن.
جيڪڏهن ٽيڪنالاجيءَ جي ڳالهه ڪئي وڃي، ته اهو سوٽ نئين ڊيزائن واري پورٽ تي مشتمل آهي. روسي خلائي لباسن ۾ اها پورٽ اڳي ئي استعمال ڪئي ويندي آهي، جيڪا خلائي مسافر کي لباس ۾ جلدي داخل ٿيڻ ۽ ٻاهر نڪرڻ جي صلاحيت ڏئي ٿي. زي-2 هن خصوصيت سان وڌيڪ موثر ٿيندو، ڇاڪاڻ ته اهو خلائي جھاز جي ٻاهرين پاسي تي تيزي سان چنبڙي خلائي چهل قدمي لاءِ تيار ٿي سگهي ٿو. (ان سان آڪسيجن جي ترتيب ڏيڻ لاءِ لڳندڙ وقت پڻ بچي ويندو، جيڪو دٻاءُ گهٽائڻ واري بيماري کي روڪڻ ۾ مدد ڏيندو.)
ان کان علاوه، زي-2 ۾ خلائي لباس جي جوڙجڪ ۾ بيرنگ شامل ڪيا ويا آهن، جيڪي خلائي مسافر کي وڌيڪ آساني سان حرڪت ڪرڻ، جهڪڻ، ۽ پٿرن جا نمونا کڻڻ جي سهولت ڏيندا.
زي-1 کي پهريون ڀيرو بين الاقوامي خلائي اسٽيشن (ISS) جي مشن دوران ٽيسٽ ڪرڻ جو منصوبو آهي، ۽ اميد آهي ته ان کان پوءِ زي-2 وڌيڪ جديد ٽيڪنالاجيءَ سان متعارف ٿيندو. هي نظام شمسي جي اڻ ڳولهيل علائقن تائين پهچڻ لاءِ ايندڙ اهم قدم هوندو.
