هي جيڪا تصوير اوهان ڏسي رهيا آهيو، ان کي "Münker-White Illusion" سڏيو وڃي ٿو. هن تصوير ۾ اوهان کي مختلف رنگن وارا بال نظر اچي رهيا آهن، پر اصل ۾ هي Optical Illusion آهي، جنهن سبب اسان کي لڳي ٿو ته اهي بال مختلف رنگن جا آهن. حقيقت ۾ انهن جا رنگ پسمنظر جي پٽين سبب مختلف محسوس ٿين ٿا نہ تہ اصل ۾ انهن سڀن جا رنگ هڪجهڙا آهن. فرق صرف پوئين پسمنظر جي پٽين جو آهي، جيڪي اسان جي دماغ کي دوکو ڏئي رهيون آهن.
پر ترسو... ڇا هي دوکو رڳو رنگن تائين محدود آهي؟ نه!
هي illusion رڳو رنگن تائين محدود ناهي، پر اسان جي زندگين جي وهنوار جو به حصو آهي.
اسان به روزانو اهڙن "زندگي جي illusions" جو شڪار ٿيندا آهيون:
جڏهن ڪو شخص اسان کي خراب لڳي، ته اهو ضروري ناهي ته هو واقعي خراب هجي. ممڪن آهي ته اسان جو تعصب، ڪنهن جي چوندي ڳالهه، يا ماضي جو تجربو اسان جي سوچ تي اثر انداز ٿي رهيو هجي.
جڏهن ڪو موقعو ناممڪن لڳي، ته شايد اهو ممڪن هجي، پر اسان جو خوف ۽ ٻين جا رايا اسان کي حقيقت ڏسڻ نه پيا ڏين.
جڏهن زندگي ڏکي لڳي، ته ممڪن آهي ته مسئلو حالتن ۾ نه هجي، پر اسان جي سوچڻ جي طريقي ۾ هجي.
حقيقت کي ڏسڻ سکڻ گهرجي، نه ته اسين سدائين illusions ۾ جيئندا رهنداسين!
ڄاڻو ماڻهو ڄاڻن ٿا ته هر شيءِ اهڙي ناهي، جهڙي لڳندي آهي. ان ڪري ئي ڄاڻو ماڻهو اهڙين شين کي هر پاسي کان ڏسندا، سوال ڪندا، ۽ پٽين جي پٺيان لڪيل حقيقت کي سمجهڻ جي ڪوشش ڪندا.
جيڪڏهن توهان کي بہ پنهنجي زندگي بدلائڻي آهي، ته پهريان ڏسڻ جو زاويه بدلايو. ڇو ته ممڪن آهي ته جيڪو اوهان ڏسي رهيا آهيو، اها حقيقت نه هجي، بس هڪ illusion هجي!