ميوا ۽ ڀاڄيون چڱيءَ طرح ڌوئي استعمال ڪريو.
رهڻي ڪهڻي ۽ طرز زندگيءَ جو صحت تي وڏو اثر پوي ٿو، جنهن ڪري ڪي ماڻهو بار بار بيمار ٿين ٿا، جڏهن ته ڪي هميشه تازگيءَ سان رهندا آهن.
ڪمزور مدافعت وارو نظام (Immune System) بيماريءَ جو سبب بڻجي سگهي ٿو، جنهن سان روزمره زندگي متاثر ٿئي ٿي ۽ فڪريون وڪوڙي وٺنديون آهن.
هيٺ ڪجهه صحتمند عادتون ٻڌايون ويون آهن، جن کي اختيار ڪري توهان ۽ توهان جي گهر ڀاتين لاءِ صحتمند زندگي گذارڻ آسان ٿي سگهي ٿو:
1. هاڪاري سوچ
بار بار بيمار ٿيڻ جي هڪ اهم وجه توهان جي سوچ به ٿي سگهي ٿي. جيڪڏهن توهان ذهن ۾ ويهاري ڇڏيو ته موسم توهان تي اثر انداز ٿي رهيو آهي ۽ توهان جو مدافعتی نظام ڪمزور ٿي رهيو آهي، ته توهان ضرور بيمار ٿيندؤ. پر جيڪڏهن توهان بيماريءَ بابت گهٽ سوچيندؤ ۽ پنهنجو ذهن هاڪاري رکندؤ ته توهان جي صحت تي سٺا اثر پوندا.
2. ڪافي مقدار ۾ پاڻي پيئو
روزانو مناسب مقدار ۾ پاڻي پيئڻ جي عادت پيدا ڪريو. هر ڏينهن گهٽ ۾ گهٽ 8 گلاس پاڻي ضرور پيئو. صحتمند زندگيءَ ۾ پاڻيءَ جي اهميت جو اندازو ان مان لڳائي سگهجي ٿو ته هر 20 ڪلو وزن تي 1 ليٽر پاڻيءَ جي ضرورت هوندي آهي.
3. وٽامن سي (Vitamin C) جو استعمال
وٽامن سي مدافعتي نظام کي مضبوط بنائڻ لاءِ تمام ضروري آهي. ان جو بهترين ذريعو ليمو، مالٽا، نارنگي جهڙا ميوا آهن.
4. مڪمل ننڊ
جيڪڏهن ڪو شخص بي خوابيءَ جو شڪار آهي ته ان جو مدافعتی نظام ڪمزور ٿي سگهي ٿو. صحتمند رهڻ لاءِ مناسب ۽ پُرسڪون ننڊ ضروري آهي.
5. صفائيءَ جو خيال رکو
پنهنجي آس پاس جي جڳهه کي صاف سٿرو رکو، خاص طور تي دروازا، سوئچ، ريموٽ، فرش ۽ ٽوائليٽ کي صاف رکڻ ضروري آهي، ڇو ته هڪ ماڻهوءَ جا جراثيم ٻين تائين پهچي سگهن ٿا.
6. موبائل فون جي صفائي
موبائل فون تي نقصانڪار بيڪٽيريا موجود هوندا آهن، تنهنڪري موبائل کي روزانو ضرور صاف ڪريو، ۽ جيڪڏهن ممڪن هجي ته ڏينهن ۾ ٻه ڀيرا ان جي صفائي ڪريو.
7. هٿ ڌوئڻ جي عادت
هٿ ڌوئڻ صحت جي بنيادي اصولن مان هڪ آهي. کاڌي کان اڳ ۽ پوءِ، ٽوائليٽ استعمال ڪرڻ بعد، ۽ ٻاهرين شيءِ کي هٿ لائڻ کان پوءِ هٿ ڌوئڻ جي عادت وڌايو.
8. ورزش ڪرڻ
روزانو ورزش کي معمول جو حصو بڻايو. گهٽ ۾ گهٽ 30 منٽ هلڪي ڦلڪي ورزش ڪريو، جيڪا توهان گهر ۾ به ڪري سگهو ٿا.
9. غير معياري خوراڪ کان پاسو
جنڪ فوڊ جهڙوڪ چپس، پيزا، برگر وغيره کان پاسو ڪريو، ڇو ته اهي وزن وڌائڻ ۽ صحت کي نقصان پهچائڻ جو سبب بڻجن ٿا.
10. خوش رهو
ننڍين ننڍين ڳالهين تي ڊپريشن يا پريشاني وٺڻ بدران مثبت رهو. هر مهيني پنهنجي صحت جا ضروري ٽيسٽ ڪرائيندا رهو، ماڻهن سان ملندا جلندا رهو، ۽ وقت بوقت تفريح لاءِ ٻاهر نڪرو.
حاصل مطلب:
صحت لاءِ احتياطي اپائن تي عمل ڪريو ۽ پنهنجي مدافعتی نظام کي مضبوط بڻايو.
"صحتمند زندگي، خوشحال زندگي!"