هڪ عورت قصائي جي دڪان ۾ بند ٿيڻ کان ٿوري دير اڳ داخل ٿي ۽ پڇيو: "ڇا توهان وٽ اڃا به مرغي جو گوشت موجود آهي؟"
قصائي پنهنجي ڊيپ فريزر کوليو ۽ آخري بچيل مرغي ڪڍي، ۽ ترازي تي رکي، جنهن جو وزن 1.5 ڪلو هو.
عورت ڪڪڙ ۽ ترازو ڏانهن غور سان ڏٺو ۽ پڇيو: "ڇا توهان وٽ ان کان وڏي ڪا ڪڪڙ آهي؟"
قصائي ساڳي ڪڪڙ کي وري فريزر ۾ وڌي، پوءِ وري ڪڍي، پر هن ڀيري چالاڪيءَ سان پنهنجو انگوٺو ترازي تي رکيو، ۽ ترازي 2 ڪلو وزن ڏيکاريو.
عورت خوش ٿي چيو: "هيءُ ته تمام بهترين آهي! مهرباني ڪري، مون کي ٻئي ڪڪڙيون ڏئي ڇڏيو."
اهڙي صورتحال ۾ انسان کي خبر پوي ٿي ته سندس ايمانداري ۽ ساک داءُ تي لڳي چڪي آهي. توهان جي چالاڪي بيوقوفي بڻجي وڃي ٿي، ۽ توهان جي حڪمت بيڪار لڳڻ لڳي ٿي.
هوشيار عورت قصائي جي چالاڪي کي سمجهي وئي هئي، پر بحث ڪرڻ بدران هن کي ساڳيءَ چال ۾ ڦاسائي ڇڏيو ۽ چيائين: "مون کي ٻئي ڪڪڙيون ڏئي ڇڏيو."
ڪڏهن ڪڏهن خاموشيءَ سان پنهنجي عقل جو استعمال ڪري، توهان به ڪنهن کي بغير بحث جي شرمنده ڪري سگهو ٿا.
ٻئي طرف، هميشه سچ ڳالهايو جيڪو دولت کان بهتر آهي. پنهنجي سچائيءَ سان جيو نه ڪي ٻين کي متاثر ڪرڻ لاءِ نه.