شبير احمد قريشي
سينيئر رڪن
موسم جي تبديلي سان گڏ صحت جا مسائل جن سان گذريل پنجن مهينن کان دوچار آهيان.
مشاهدو آهي ته جيترو ڊاڪٽرن کان پري هئس اوترو مونجهارن کان پري هئس.
ڊاڪٽرن جي ڄار ۾ ڦاسڻ وارا اسان جهڙا 90 سيڪڙو اٻوجه ائين ئي آهي ته
"آ بيل مجھے مار"
حقي مسائل گهٽ من گهڙت سوچون ۽ انومان گهڻا. جنهن سبب ڊاڪٽرن جي روزي روٽي هلي ٿي.
مختلف ڊاڪٽر پاڻ ۾ به متفق نه آهن ته مرض ڪهڙو آهي.
هڪ ڊاڪٽر ٻئي جي ڏسيل تشخيص يا دوائن تي اعتراض ڪندو.
مٿان اسان جهڙا وهمي ۽ نفسياتي مريض جن وٽ ٿوري به سهپ آهي ته في ڀري سگهون ٿا هروڀرو وڏي فيس وٺندڙ ڊاڪٽر کي ترجيحاََ ڏيکاريندا سين جيڪي مختلف ٽيسٽون ڪرائي ساه سڪايو ڇڏين. علاج ۽ دوائون ساڳيون جن سان ڳوٺن ۾ عام ڊسپينسر سستو علاج ڪيو ڪافي حد تائين مريض شفاياب ڪن ٿا.
انهيءَ سلسلي ۾ هڪ موٽيويشنل مخلص ڊاڪٽر کي ٻڌم جنهن جو دعوي هئو ته 90 سيڪڙو مريض اهڙي ڄار ۾ ڦاٿل هوندا آهن جن کي معمولي ٽڪي، ڦڪي يا صبر ڪرڻ سان فائدو مليو وڃي. اهڙن مريضن کي ميڊيڪيشن بجاءِ ايڊيوڪيشن جي ضرورت آهي.
وائرس جا سڀ مرض پنهنجو وقت پورو ڪري لهن ٿا.
بخار، زڪام آرام ڪرڻ يا پئناڊال وغيره سان به لهيو وڃي.
ڪنهن به انجيڪشن يا اينٽي بائيوٽڪ جي ضرورت ناهي.
ٽوٽل ڪولسٽرال 250 جي اندر آهي ته بهتر.
وڌيل آهي ته صرف ايترو ڪيو جو ڪولسٽرال واريون شيون بند ڪيو بجاءِ ان جي، ڪولسٽرال گهٽائڻ واريون ابتيون سبتيون ٽڪيون کائو ان جا به ڪيترا سائيڊ افيڪٽ آهن.
پر ڇا ڪجي مون جهڙن عادي مريضن کي.
جيڪڏهن مٿيون ۽ هيٺيون بلڊ پريشر جو گڏيل جوڙ اڍائي سو آهي ته نارمل ليکيو ويندو آهي.
مثال طور مٿيون 160 هيٺيون 90 ته ڪا گهٻراهٽ واري ڳالھ ڪونهي.
بلڊ شگر ماني کائڻ جي ٻن ڪلاڪن کان پوءِ ريڊنگ اڍائي سو اندر آهي ته نارمل شمار ڪجي واويلا ڪري ڊاڪٽرن سان رابطو ڳريون فيون ڀرڻ اجايو آهي.
انهيءَ ڊاڪٽر صاحب جي چوڻ موجب هن وقت تندرست ماڻهو اهو ئي آهي جيڪو مختلف ميڊيڪل ٽيسٽ يا چيڪ اپ نه ٿو ڪرائي.
مختلف ليبارٽرين جا نتائج به مختلف ۽ منجهائيندڙ آهن.
مون سان به مسئلو اهو آهي جو هر ٽيسٽ ۾ ڪا نه ڪا ٻي ڳالهه نڪريو اچي وري علاج دوائون نئين سر شروع ڪيان ٿو.
بحرحال هن فارمولا ۾ ڏھ سيڪڙو اصلي مريضن يا مرضن کي ڪنهن به صورت ۾ نظر انداز نه ٿو ڪري سگهجي.
