مائڪروسافٽ ڪيترين ئي ايپليڪيشنز کي تيار ڪري ٿو، جن مان ڪيترائي پروڊڪٽوِ، رابطي، ۽ تخليقيت لاءِ ضروري آهن. بهرحال، انهن مان ڪجهه ايپس اڪثر ڪري انهن ڊوائيسن تي تمام گهڻا رسورسز استعمال ڪن ٿيون، جيڪي محدود هارڊويئر سان هلن ٿيون. اچو ته انهن ايپس تي هڪ نظر وجهون ۽ ڏسون تہ ان جو سبب ڇا آهي.. :
1. مائڪروسافٽ ٽيمز
Microsoft Teams هڪ مڪمل گڏيل رابطي جو ٽول آهي، پر اهو Electron فريم ورڪ تي ٻڌل آهي، جيڪو ايپ اندر ويب برائوزر هلائي ٿو. انهيءَ جي نتيجي ۾ CPU، RAM، ۽ ڊسڪ اسپيس تمام گهڻو استعمال ٿيندو آهي.
ٽيمز پس منظر ۾ چيٽ، چينلن، فائلن، ۽ ڪئلينڊر جي هم وقت سازي جاري رکي ٿو، جنهن جو مطلب آهي ته ايپ استعمال نه به ڪري رهيا هجو ته به عمل جاري رهي ٿو.
وڊيو ڪالن دوران، وڊيو اسٽريم، آڊيو پروسيسنگ، ۽ اسڪرين شيئرنگ لاءِ وڌيڪ وسيلا گهربل ٿين ٿا.
جيڪڏهن ٽيمز جو اثر گھٽائڻو آهي ته چينلن ۽ ايپس جي تعداد کي گھٽايو، وڊيو ضرورت تي استعمال ڪريو، ۽ ڪيش ريگيولر صاف ڪريو.
2. مائڪروسافٽ ايج ويب برائوزر
Microsoft Edge، جيڪو هاڻ Chromium تي ٻڌل آهي، جديد ڊزائين، تيز رفتاري، ۽ ڪيترين خاصيتن سان گڏ اچي ٿو.
پر جيڪڏهن توهان ڪيترائي ٽيب کوليو ٿا، خاص ڪري اهي جيڪي سوشل ميڊيا يا متحرڪ سائيٽون هلائن ٿيون، ته پوءِ RAM ۽ CPU تي دٻاءُ وڌي سگهي ٿو.
اهو اثر گهٽ ڪرڻ لاءِ "Sleeping Tabs" فيچر آن ڪريو، غير ضروري ٽيب بند ڪريو.
3. مائڪروسافٽ ويژوئل اسٽوڊيو
Visual Studio ڊولپرز لاءِ هڪ طاقتور ٽول آهي، پر هي وڏي حد تائين RAM ۽ CPU استعمال ڪري ٿو.
ان ۾ ڪوڊ ايڊيٽر، ڊي بگر، سميوليٽر، ۽ ٻيا ڪيترائي ٽول شامل آهن.
گهڻن پلگ انس، يا براه راست Simulator هلائڻ سان به ڪارڪردگي تي اثر پوي ٿو.
وسيلن جي بچت لاءِ غير ضروري پلگ ان بند ڪريو، يا هلڪي ورزن "Visual Studio Code" استعمال ڪريو.
4. مائڪروسافٽ آفيس سوئٽ (ورڊ، ايڪسل، پاورپوائنٽ)
Word سادي ايڊيٽنگ لاءِ بهتر آهي، پر حقيقي وقت تعاون، ميڪروز، ۽ ايڊ-انز سان وسيلن جو استعمال وڌي وڃي ٿو.
Excel، جڏهن وڏين ڊيٽا شيٽن ۽ فارمولا سان هلايو ٿو وڃي (جهڙوڪ VLOOKUP، INDEX-MATCH وغيره)، ته گهڻو CPU ۽ RAM وٺي ٿو.
PowerPoint وڏين فائلن، وڊيوز، ۽ گرافڪ ايفيڪٽس سان گهڻو وسيلو کائيندو آهي.
جيڪڏهن اهي ايپس Teams، SharePoint، ۽ OneDrive سان ڳنڍيل هجن، ته RAM جو استعمال تمام گهڻو وڌي سگهي ٿو.
1. مائڪروسافٽ ون ڊرائيو
OneDrive، جيڪو Windows ۾ اڳ ۾ انسٽال ٿيل آهي، حقيقي وقت فائل Sync ڪندو آهي، جنهن جي ڪري RAM ۽ CPU جو استعمال گهڻو ٿيندو آهي.
جيڪڏهن توهان وٽ وڏيون فائيلون، بار بار ايڊٽ، يا ڪيترن فولڊرن جي Sync آهي، ته پوءِ اهو عمل وڌيڪ وسيلو وٺندڙ ٿيندو.
اهو ٻين مائڪروسافٽ ايپس (جهڙوڪ Word، Excel، Teams) سان ڳنڍيل هجڻ جي ڪري به وڌيڪ وسيلو وٺي ٿو.
ان جو اثر گهٽ ڪرڻ لاءِ Selective Sync استعمال ڪريو، يا Sync جو شيڊول مقرر ڪريو. جيڪڏھن نه ٿو وڻي ته OneDrive کي بند يا Uninstall به ڪري سگهو ٿا.
ٻيون وسيلو وٺندڙ مائڪروسافٽ ايپس:
هن فهرست کانسواءِ Outlook، Power BI، Azure Virtual Desktop، Defender جهڙيون ايپس به وسيلن جو وڏو حصو وٺن ٿيون.
مائڪروسافٽ اپڊيٽس ذريعي وسيلن جو استعمال گهٽائڻ جي ڪوشش ته ڪري ٿو، پر ايپس جي وچ ۾ Dependency وڌي وئي آهي، جيڪا آخرڪار توهان جي ليپ ٽاپ يا پي سي تي دٻاءُ وجهي ٿي...