1. ثابت قدمي ۽ اعتماد
جڏهن بيهو، ته پٺي سڌي رکو، ڪلهن کي پٺتي ڪريو ۽ پيرن ۾ ٿورو فاصلو رکو. هي انداز طاقت ۽ اعتماد جو اظهار ڪري ٿو.
2. مضبوط پر متوازن هٿ ملائڻ
هٿ ملائڻ وقت مضبوطي هجي، پر اهڙي به نه جو تڪليفده لڳي. ڪمزور مصافحو بي اعتمادي ظاهر ڪري ٿو، ۽ گهڻي سختي جارحيت.
3. مؤثر نظر جو رابطو
ڳالھ ٻولهه دوران سامهون واري جي اکين ۾ ڏسو، پر ايترو به نه جو سامهون وارو غير آرامده محسوس ڪري. مناسب اکين جو رابطو اعتماد جي نشاني آهي.
4. چهري جي تاثرات تي ضابطو
پنهنجي چهري جي تاثرات کي قابو ۾ رکو ته جيئن پريشاني يا ڊپ ظاهر نه ٿئي. سڪون ۽ اعتماد سان پنهنجا جذبا ظاهر ڪريو.
5. هٿن جو مناسب استعمال
ڳالھ دوران هٿن کي فطري طريقي سان هلايو، پر گهڻي اشاري بازي باوقار نه ٿي لڳي..
6. ويهڻ جو صحيح انداز
سڪيڙي يا بي ترتيب ويهڻ کان پاسو ڪريو. پٺي سڌي رکو، ۽ هٿ رانن يا ڪرسي جي هٿن تي رکو.
7. پرسڪون ۽ متوازن حرڪتون
گهڻو تيز يا بي ترتيب حرڪتون ڊپ جي علامت ٿي سگهن ٿيون. پرسڪون حرڪتن سان وڌيڪ اعتماد محسوس ٿيندو.
8. بار بار چهرو يا ڪپڙا نه ڇُهو
بار بار چهرو يا ڪپڙا ڇهڻ بي اعتمادي ڏيکاري ٿو. حرڪتن ۾ تسلسل رکو.
9. ذاتي جاءِ جو خيال رکو
ٻين جي وڌيڪ ويجهو نه ٿيو. ٻين جي ذاتي جاءِ جو احترام ڪريو. مناسب فاصلو وقار ۽ احترام ظاهر ڪري ٿو.
10. مسڪراهٽ جو مناسب استعمال
مسڪرائڻ ضروري آهي، پر بغير سبب هميشه مسڪرائڻ غير سنجيدگي ڏيکاري ٿو. صحيح وقت تي مرڪ توهان جي اعتماد کي اجاگر ڪري ٿي.
هنن ڳالهين تي عمل ڪرڻ سان اوهان جي شخصيت وڌيڪ باوقار، پرڪشش ۽ پراعتماد بڻجي سگهي ٿي!