اهو سوال اڪثر منهنجا دوست مون کان ڪندا آهن..
مارڪيٽ ۾ سستا ۽ مهانگا ٻنهي قسم جا ليپٽاپ موجود آهن.. پر توهان کي ليپٽاپ جي خاصيتن تي ڌيان رکڻ گهرجي جيئن معياري مشين خري ڪري سگهو..
بجيٽ ڪيتري آهي؟
هتي اسان 70 کان 80 هزار جي لڳ ڀڳ قيمت کي بجيٽ رکون ٿا.. . ان رقم ۾ روزانو ڪم لاءِ مناسب ليپ ٽاپ ملي سگهي ٿو.
هاڻي اچو ته بجيٽ مطابق ليپ ٽاپ جي اهم خاصيتن تي نظر وجهون:
1. آپريٽنگ سسٽم (Operating System)
Windows يا ChromeOS
Windows هر هنڌ هلندڙ، مشهور سسٽم آهي، پر هي ٿورو ڳرو هوندو آهي ۽ گھٽ طاقتور ليپ ٽاپ تي سست هلي سگهي ٿو.
ChromeOS هلڪو آهي، پر صرف ويب تي مبني ايپس هلائي ٿو. اسڪول لاءِ وٺي رهيا آهيو ته پهرين اسڪول کان پڇو ته ڪهڙو سسٽم گهربل آهي.
MacBooks سستا نه ملندا ۽ 150 هزار کان مٿي ۽ گهڻو مهانگا آهن، ان لاءِ موجوده بجيٽ آپشن مناسب ناهي..
2. ريم (RAM)
گهٽ ۾ گهٽ: 8GB
بهتر آهي: 16GB (جيڪڏهن مستقبل لاءِ تيار رهڻ چاهيو ٿا)
4GB سان ڪم هلندو پر ليپ ٽاپ سست ٿيندو.
3. پروسيسر (CPU)
Windows لاءِ: Intel i3 يا AMD Ryzen 3 (گهٽ ۾ گهٽ)، i5 يا Ryzen 5 (بهتر)
Chromebooks لاءِ: Intel i3/i5 يا MediaTek
پاورفل پروسيسر جي اميد نه رکو، بس روزمره جي ڪم لاءِ مناسب هجن.
4. بيٽري لائف (Battery Life)
10 کان 12 ڪلاڪ جو واعدو ڪيل بيڪ اپ، پر اصل ۾ 8 ڪلاڪ تائين ضرور هلي.. جو ملڪ ۾ بجلي جرائسز کان ته توهان اڳ ئي واقف آهيو..
Chromebooks جي بيٽري عام طور تي ڊگهي هلندي آهي
جيڪڏهن اوهان گهڻو سفر ڪندا آهيو يا پلگ کانسواءِ ڪم ڪندا آهيو ته ڊگهي بيٽري اهم آهي.
5. اسٽوريج جي گنجائش (Storage Capacity)
Windows لاءِ: گهٽ ۾ گهٽ 256 GB
Chromebooks لاءِ: گهٽ ۾ گهٽ 64GB
Windows وڌيڪ جڳھ وٺندو، انڪري 256 GB کان گهٽ نه وٺو.
گنجائش گهٽ آهي ته external drive استعمال ڪري سگهو ٿا.
6. اسٽوريج جو قسم (Storage Type)
صرف SSD وٺو
Chromebooks لاءِ: UFS به مناسب آهي
eMMC کان بچو، ڇو ته اهو تمام سست هوندو آهي.
7. اسڪرين ريزوليوشن (Display Resolution)
گهٽ ۾ گهٽ: 1080p (Full HD)
720p سان ٽيڪسٽ پڙهڻ ۽ وڊيو ڏسڻ جو تجربو خراب ٿيندو.
8. ليپ ٽاپ جو سائيز (Laptop Size)
13 انچ: هلڪو، پورٽيبل، روزانو ڪم لاءِ بهتر
15 انچ: وڏي اسڪرين، پر وزن وڌيڪ
13 انچ + 1080p = بهتر بيلنس
9. پورٽس ۽ ڪنيڪٽوٽي (Ports & Connectivity)
گهٽ ۾ گهٽ: 1x USB-C، 1x USB-A، HDMI (جيڪڏهن اسڪرين لڳائڻو آهي)
گهٽ پورٽس آهن ته USB-C hub خريد ڪري سگهو ٿا.
سمري طور گهٽ ۾ گهٽ خاصيتون:
RAM: 8GB
CPU: Intel i3 يا AMD Ryzen 3 (i5 يا Ryzen 5 بهتر)
Battery Life: 8–12 ڪلاڪ
Storage:
256GB (Windows)، 64GB (Chromebook)
Storage Type: SSD (Chromebooks لاءِ UFS به ٺيڪ)
Resolution: 1080p
Size: 13 انچ بهتر (پورٽيبل،
15 انچ جيڪڏهن اسڪرين چاهيو
Ports: USB-C، USB-A، HDMI
هنن خاصيتن تي مشتمل ليپٽاپ مارڪيٽ ۾ 70 کان 80 هخار ۾ ملي ويندو جيڪو ريفربش سڏائيندو آهي.. باقي وارنٽي ۾ نئون ڊٻو ويڪ 150 هزار تائين ملندو
آخري ترميم: