عبدالرحمان اوٺو ٿرپارڪر
جونيئر رڪن
ليکڪ اديب ,خطيب ۽ ٿر جو علمي، ديني ۽ سماجي آواز سائين عبدالرحمان اوٺو ڏيپلائي صاحب جو مختصر تعارف هن ريت آهي
{ تحرير گل محمد اوٺو }
پورو نالو: عبدالرحمان اوٺو
ذات ۽ تعلق: ولهاري اوٺا
ولهاري اوٺا برادري جي عزتدار ۽ علمي شاخ آهي
پيدائش: 1976ع، ڳوٺ عثمان لنجو، تعلقي ڪلوئي، ضلعو ٿرپارڪر سنڌ
تعليمي ۽ ديني پس منظرابتدائي ۽ ديني تعليم
بنيادي ۽ ديني تعليم
جامعه بحر العلوم السلفيه، ميرپورخاص ۽ ڏيپلو مان حاصل ڪئي۔
مولوي عالم ۽ فاضل سنڌ يونيورسٽي مان
درس نظامي جي سند الفراغت 1995ع ۾
مدرسه دارالحديث والقرآن، ڏيپلو مان حاصل ڪئي۔
بعد ۾ شهادت العالميه ۽ شهادت العاليه ۽ ڪمپيوٽر ڊپلومه مڪمل ڪيو،
جيڪو سندن علمي وسيع نظر ۽
جديد رجحان جي علامت آهي۔
صحافت ۽ علمي خدمت1998ع کان وٺي سنڌي ۽ اردو ميڊيا ۾ بطور جنرلسٽ مختلف اخبارن ۽ ٽي وي چينلن تي ڪم ڪيو۔
قلم جي ذريعي ماڻهن جي مسئلن کي اجاگر ڪرڻ ۽ سماج ۾ سچائي جي واٽ کي عام ڪرڻ ۾ سرگرم رهيا۔ ظلم ۽ ڏاڍ خلاف بهادري سان مهاڏو اٽڪايو
2003ع ۾ گرين ڪرينسٽ ٽرسٽ ڪراچي جي تعاون ۽ ماتحت هلال پبلڪ هاءِ اسڪول جو ڏيپلو ۾ بنياد رکيو جتي کين پرنسپال مقرر ڪيوويو جنهنجو بنيادي مقصد هو ته اهڙا مستقبل جامعمار تيار ڪجن جيڪي الله ۽ رسول ص جا فرمانبردار ۽ جديد دور جي چيلينجن جو مقابلو ڪري سگهن
سماجي قيادت ۽ ڪردارپريس ڪلب ڏيپلو جا ٽي دفعا صدر منتخب ٿيا،
جتي صحافت جي آزادي ۽ اخلاقيات جو علم بلند رکيو۔
پاڻ وقت جي جيد محقق علامه سيد بديع الدين شاه راشدي رحمه الله جي صحبت ۾ به رهيا ۽ ٿرپارڪر جي تبليغي دورن ۾ گڏ به رهيا ۽ سندن مايا ناز تصنيف قرآن جو تفسير بنام بديع التفاسير جلد 8 جو مقدمون عبدالرحمان اوٺو صاحب لکيو
پاڻ ڏيپلو مان سلسلي وار ماروي ميگزين پڻ ڪڍيو
ان کان سواء ڪيترن ئي اخبارن ۽ رسالن ۾ مختلف موضوعن تي سنڌي اردو مضامين ۽ ڪالم لکندا رهيا آهن
الخدمت فائونڊيشن ٿرپارڪر ۽ دعا فائونڊيشن ڪراچي جي سهڪار سان تعلقي ڏيپلو جي مختلف ڳوٺن ۾ کوه ۽ ثمر پئمپ ڏنا ۽ ڪيترن ئي خاندانن کي ريليف جو سامان ڏياريو
پاڻ شھر جي معززين جي اسرار تي شهري اتحاد ڏيپلو جا صدر چونڊيا ويا ، جتي سماجي ڀلائي، شهري مسئلن جي حل ۽ شهر جي ترقيءَ لاءِ سرگرم رهيا آهن
ان کان سواء ڪيترين ئي ادبي سماجي ۽ فلاحي تنظيمن سان جڙيل رهندا اچن
پاڻ مقامي سطح تي ڀرپور ديني ۽ سماجي خدمتن سان گڏ تربيت تعليمي شعوري رهنمائي ڪندا رهيا آهن
سندن سوين شاگرد مختلف منصبن تي فائز آهن
سندن علمي، ديني بصيرت، ۽ سماجي خدمت جي ميدان ۾ تمام وڏو نالو آهي
سندن زندگي جو مقصد ئي
الله جي وحدانيت جي دعوت ڏيڻ
شرڪ ۽ جاهليت خلاف جهاد سان گڏ حقيقي علم پکيڙڻ، سچ ڳالهائڻ، ۽ بي آواز ماڻهن لاءِ آواز بڻجڻ آهي
دعا آهي ته الله پاڪ اسان جي محترم استاد ۽ مربي سائين عبدالرحمان اوٺو صاحب جو شفقت ڀريو سايو
شال هميشه اسان تي قائم ۽ دائم رهي آمين
حقير بنده گل محمد اوٺو