سنڌ جي عالمن پاران سي جي لنڪ ڪئنال وهائڻ غير شرعي ۽ غير اسلامي قرار جيڪب آباد(ن ڪ) جيڪب آباد ۾ جي يو آءِ جي ميزباني هيٺ مفتين، عالمن ۽ حافظن جو گڏيل اجلاس جي يو آءِ جي صوبائي ڊپٽي جنرل سيڪريٽري ڊاڪٽر اي جي انصاري جي صدارت ۾ الجمعيت هائوس تي ٿيو. جنهن ۾ مفتي عبدالحليم ابڙو، مفتي عبدالُوحيد کهڙو، مفتي تاج محمد چنا، حافظ عبدالباسط مهر ۽ مولانا عبدالعزيز ڀرڳڙي سميت ٻين ڪيترن ئي عالمن شرڪت ڪئي. اجلاس ۾ سنڌو درياءَ جي پاڻي تي پنجاب پاران سي جي لنڪ ڪئنال کولڻ کي غير اسلامي ۽ غير شرعي قرار ڏيندي فتويٰ ڏني وئي ته سنڌو درياءَ جي پاڻي تي پنجاب پاران لاڳيتو ڌاڙو هڻڻ غير اسلامي ۽ غير شرعي آهي جنهن کي عالم رد ڪن ٿا ۽ پنجاب لاءِ اهو چوري ٿيل پاڻي حرام قرار ڏنو وڃي ٿو. عالمن پاران جاري ڪيل فتويٰ ۾ اهو به چيو ويو ته پاڻي جو حق اسلام ۾ سڀ کان پهريان درياءَ جي پڇڙي وارن جو هوندو آهي پر ان جي ابتڙ پنجاب هوڏ قائم رکندي سنڌ جي پڇڙي جو پاڻي چوري ڪري غير اسلامي ۽ غير شرعي ڪم ڪري رهيو آهي، عالمن اهو به چيو ته پاڻي چوري ڪرڻ لاءِ جيڪي ڪئنال پنجاب پاران وهايا ويا آهن انهن خلاف عالم به جدوجهد ڪرڻ لاءِ روڊن تي نڪري ايندا ڇاڪاڻ ته اسلام ۾ پاڻي چوري ڪرڻ ڏوهه آهي ۽ ڏوهه خلاف هر محاذ تي مهاڏو اٽڪايو ويندو. اجلاس ۾ ٿيل اهڙي فتويٰ جي پڌرائي جي يو آءِ اڳواڻ ڊاڪٽر اي جي انصاري پاران جاري ڪئي وئي آهي. __._,_.___
جواب: سنڌ جي عالمن پاران سي جي لنڪ ڪئنال وهائڻ غير شرعي ۽ غير اسلامي قرار سائين هاڻي ته سڀني ڌرين کي گڏيل جدوجهد تي عمل ڪرڻ گهرجي۔۔ عالمن جو فتوى به هٿ ۾ آهي۔۔ ڏسون ڇا ٿو ٿئي۔۔
جواب: سنڌ جي عالمن پاران سي جي لنڪ ڪئنال وهائڻ غير شرعي ۽ غير اسلامي قرار ڏاڍي جرات & وقتائتي فتوي آهي سنڌ جي عالمن کي سلام
جواب: سنڌ جي عالمن پاران سي جي لنڪ ڪئنال وهائڻ غير شرعي ۽ غير اسلامي قرار وقت ۽ حالات جي حساب سان عالمن جي فتوي اهم حيثيت رکي ٿي،
جواب: سنڌ جي عالمن پاران سي جي لنڪ ڪئنال وهائڻ غير شرعي ۽ غير اسلامي قرار بلڪل ادا ان ۾ ڪو به شڪ نه آهي
