غزل اُستاد بخاري سنڌ سان اهڙي جند اڙي جو ٻيا دل وارا وسري ويا ! جيئي سنڌ، سدائين جيئي، ٻيا سڀ نعرا وسري ويا ! سنڌو، بارڻ، منڇر، ڪينجهر، مون لئه آهن آب حيات، نيل ۽ دجله ، گنگا، جمنا، پوتر ڌارا وسري ويا ! خالد، رُستم، پورس، ارجن سورهيه سڏجن سڀ سالار ، دودي کي دل داد ڏنو، ۽ ٻيا هاڪارا وسري ويا ! جيئي پنهنجو سنڌ جو سائين، لالون لال لطيف سدائين ، آڙي پاڙي، وارا شاعر، ڏاڍا پيارا وسري ويا ! شام شفق جي رنگيني ۾سُهڻو هاڙهو ۽ هالار ، ڳل ڳاڙهن محبوبن جا ، محبوب نظارا وسِرِي ويا ! نوٽ: اُستاد بُخاري مرحوم جو هِي غزل محترم ناز سنائي جي سنڌ ساهت گهر ڪتاب نمبر 70 جي ڪتاب ”گيت اسانجا جيت اسانجي!“ پيج نمبر 99 جي ٿورن سان هتي ونڊ ڪيو ويو آهي. مهرباني
جواب: سنڌ سان اهڙي جند اڙي جو ٻيا دل وارا وسري ويا! سائين ، استاد جي غزل ونڊ ڪرڻ تي توهان جي مهرباني اهڙي شيئرنگ ڪندا رهندا ڪريو سدائين گڏ
جواب: سنڌ سان اهڙي جند اڙي جو ٻيا دل وارا وسري ويا! واه سائين ( سنڌ سان اهڙي جند اڙي جو ٻيا دل وارا وسري ويا ! )
جواب: سنڌ سان اهڙي جند اڙي جو ٻيا دل وارا وسري ويا! اسان جي مهان مرحوم اُستاد بخاري جي هي شاعري جيجل سنڌ سان محبت جو انتهائي لاجواب اظهار آهي۔ مان پنهنجي اٿاهه مصروفيتن جي ڪري نيٽ تمام گهٽ يوز پيو ڪريان، اهو گيت منهنجي خيال ۾ سانئڻ عابده پروين ڳايو آهي، توهان يا ادا ممتاز وگهيو جن کي گُذار ش آهي ته جيڪڏهن انهي گيت جو وڊيو يا آڊيو گيت هٿ اچي وڃي ته مهرباني ڪري هتي منهنجي هن موڪليل پوسٽ سان گڏ شيئر ڪيو وڃي ته جيئن اسان جي سنڌ جي خوبصورت ترين شاعر مرحوم اُستاد بخاري کي اڃا به گهڻي لفظن جي ڀيٽا ڏئي سگهون۔ لک لائق ادا وحيد ڦلپوٽا۔
جواب: سنڌ سان اهڙي جند اڙي جو ٻيا دل وارا وسري ويا! ادا علي اڪبر شر صاحب توهان جون به کوڙ ساريون مهربانيون جو منهنجي هي ونڊ توهان کي پسند آئي۔
جواب: سنڌ سان اهڙي جند اڙي جو ٻيا دل وارا وسري ويا! بلڪل ادا ممتاز وگهيا هاڻي اسان جي سنڌ ڌرتي جي سپوتن کي صرف پنهنجي جيجل سنڌ سان پنهنجي جند اڙائڻي پوندي ان لا اسان کي هر قسم جي قرباني ڏيڻي پوندي، پنهنجا ذاتي پيار نثار ڪرڻا پوندا، هر ڳالهه سنڌ چمن تان نڇاور ڪرڻي پوندي۔ اسان جي مهان شاعر مرحوم استاد بُخاري به هن شاعري ذريعي سنڌ واسين کي اهو سنيهو پيو ڏي۔ توهان جا لک ٿورا۔
جواب: سنڌ سان اهڙي جند اڙي جو ٻيا دل وارا وسري ويا! قمبراڻي اسلام آبادي ، ڪنڌ ڪوٽي شڪر الحمد الله جو وري پنهنجي مصروفيتن مان ڪجهه وقت سنڌ سلامت جي محبتي اڱڻ کي وري ڏئي رهيو آهي مان ڏاڍو ّّّخوش آهيان، باقي اُستاد بخاري جي هي شاعري واقعي بهترين آهي منهنجي پسنديده ترين شاعري پڻ۔ لک ٿورا ادا عبدالوهاب سائين نثار ابڙي جا عبدو ڪنڌ ڪوٽي۔
جواب: سنڌ سان اهڙي جند اڙي جو ٻيا دل وارا وسري ويا! مان انتهائي ٿورائتو آهيان سنڌ سلامت جي چمڪندڙ ستاري ادا عاشق سولنگي جو جنهن اُستاد بُخاري مرحوم جي هن شاعري کي تمام پيار سان زبردست چيو، ۽ مونکي اهڙيون ونڊون ٻيهر شيئر ڪرڻ تي اُتساهيو۔ لک لائق ادا عاشق۔
جواب: سنڌ سان اهڙي جند اڙي جو ٻيا دل وارا وسري ويا! سائين، منهنجا لک ٿورا توهان جا جو توهان اسان کي اهڙن پيار ڀرين نالن سان پڪاريو آهي،
جواب: سنڌ سان اهڙي جند اڙي جو ٻيا دل وارا وسري ويا! ادا استاد مون سميت لکين دلين جي پسند آهي هڪ اهڙو عوامي شاعر آهي جنهن کي هر ننڍو وڏو ٻڌي ۽ سمجهي سگهي ٿو۔ لاجوب شاعري آهي۔
