السلام عليڪم۔۔ اسان جي هن فورم جي چاڪليٽي ميمبر جنهن کي سندس گهڻا دوست عبدو به سڏين ٿا۔۔۔ يا وري اسلام آبادي۔۔۔ ڪي ته ڪنڌڪوٽي به سڏينس ٿا۔۔۔ بهرحال نالا گهڻا اٿس۔ ها ته مان ڳالهه پئي ڪئي ته اچو ته کيس مبارڪون ڏيون۔۔۔ خبر به اٿوَ۔۔۔ وري به مست کان ٿا پڇو۔۔۔ سائين ٻيو ڪجهه نه پر سندس تحريرن جو تعداد اصل 2000 کان ٽپي ويو آهي۔۔ سندس گهڻي ڀاڱي تحريرون مفيد معلومات سان ڀرپور هونديون آهن ۽ اسان جهڙن مستن کي ڪم اچن ٿيون،، پاڻ ڪچهريءَ جو به ڀلو آهي، ڪيڏي مهل ڪاڪي آچار جي اوطاق تي ته اچي ڏسوس۔۔۔۔
جواب: ادا عبدالوهاب کي کوڙ مبارڪون هجن ها ابا۔۔۔۔۔۔۔۔ عبدو۔۔۔۔ واڌايون هجني۔۔۔۔عبدو اسان جي جاني آهي۔۔۔ جيڪو ايندو آهي وري ڪڏهن ڪڏهن گُم ٿي ويندو آهي۔۔ پر جڏهن به ايندو آهي هڪ نئين نواڻ سان ايندو آهي۔۔۔ ۽ اهڙو ته ايندو آهي جو مست ۽ مولائي ته صفا لش پشٿي ويندا آهن۔۔۔ آهي به اصلي ڪڇهري جو مور۔۔۔مور نه پر ڊيل۔۔۔۔۔ مڙئي ڊيل الائي مور پر آهي ڏاڍو ڇم ڇم۔۔۔۔۔ هاڻي ته اسان واري عبدو پاسي ۾ پنهنجي فوٽو به چنبڙايو آهي۔۔۔۔۔ هڪ دفعو ٻيهر واڌايون ابا،۔،
جواب: ادا عبدالوهاب کي کوڙ مبارڪون هجن يار رنجيت ڏس ته سهي تنهنجي هن تحرير مان ڇا سمجهجي۔۔۔ تون به اصل پٺاڻن وارو قصو ڪيو آهي، هي کي شي، ۽ شي کي هي ٿو سڏين۔۔۔ جي عبدو تنهنجي جاني آهي ته منهنجي به جاني آهي۔۔
جواب: ادا عبدالوهاب کي کوڙ مبارڪون هجن ادا وهاب توهان کي فقير طرفان به2000 تحريرون مڪمل ڪرڻ تي مبارڪ هجي سدائين خوش هجو پنهنجي پيارن سان ولو انيڊ ڪمپني جو خيئر سدائين گڏ
جواب: ادا عبدالوهاب کي کوڙ مبارڪون هجن ادا توهان دوستن جا ڪروڙين قرب جو توهان پنهنجي قيمتي وقت مان مونکي مبارڪون ڏيڻ لاءِ ڪڍي آيا آهيو۔ سائين منهنجا الله توهان سڀني کي خوش رکي
جواب: ادا عبدالوهاب کي کوڙ مبارڪون هجن مست هميشه مست ئي رهندين۔ مونکي پڪ هئي ته توهان ضرور مبارڪون ڏيندا۔ مهرباني منهنجا جانيئڙا
جواب: ادا عبدالوهاب کي کوڙ مبارڪون هجن ادا بس اهي توهان دوستن جا قرب آهن، باقي اهڙو ڪهر ته نه ڪر (ڊيل يا وري مور) مان انسان آهيان۔ ڇو غريبن جي ڪڍ لاهي پاهي پيو آهين۔
جواب: ادا عبدالوهاب کي کوڙ مبارڪون هجن فقير سائين توهان جا لک قرب، پر هڪڙي ڳالهه ته ٻڌاءِ جڏهن به منهنجي لاءِ خوشي جو موقعو ايندو آهي، ته تو وارا اُهي گل ڪيڏانهن ويندا آهن، باقي ٻين لاءِ ته جهٽ پٽ ڪري وٺي ايندو آهين۔ ٻيلي ڪجهه ته خيال ڪر پاڙو نبين کي به پيارو آهي۔ جس هجئي ڙي جاني مست، اصل اوڌر تي به گل وٺي آيو آهي، پر تون۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔؟
جواب: ادا عبدالوهاب کي کوڙ مبارڪون هجن اصل ۾ ڇا هيو جو ان ڏينهن جمع جو ڏينهن هيو ان ڪري اڪثر دڪان بند هئا انهي سبب جي ڪري گل ملي نه سگهيا مست ته آهي ئي مست ڄامشوري جي ڪنهن نه ڪنهن جي پرسنل باغ ۾ گهري پيو اهو آهي مست ماڻهو ان کي ڪير ڪجهه چوندو اسان فقير ماڻهو سو اڄ ڪلهه جيڪو ٿو فقير کي ڏسي اڳ ئي ٿو چوي معاف ڪر بابا )) سو توهان دل نه لاهيو هي وٺو گل گلاب جا
جواب: ادا عبدالوهاب کي کوڙ مبارڪون هجن هل ڙي عبدو تنهنجي لئه، اصل دوستن ته گلن جا مينهن وسائي ڇڏيا آهن، هائو ادا ڇونه ڏين ” سنڌ سلامت“ جو دادلو دوست جو آهي عبدو ۔۔۔ دوستو! عرب سڳورا عبد جي نالي سان شروع ٿيڻ وارن کي گهڻو ڪري يا ته پوري نالي سان سڏيندا آهن يا وري عبدو ڪري ڪوٺيندا اهن ۔۔۔ سو مون به ادي عبدالوهاب جي نالي کي پيار منجهاران مختصر ڪري عبدو ڪري ڇڏيو آهي ۔۔۔ عبدو، ڪچهري جو ڪوڏيو، سنڌ سان جند اڙيل اٿس، سنڌي ٻولي سان پيار ڪندڙ ۔۔۔ سنڌ ۽ سنڌيت سندس رڳ رڳ ۾ ڀريل اٿس۔۔۔ اضافي خوبيون ته گهڻيون ئي اٿس پر جا سٺي خوبي ۽ مثبت خوبي اٿس سا ته پاڻ به مشڪندو رهندو آهي ۽ دوستن کي به کلڻ ۽ کلائڻ جا ڏس ڏيندو رهندو آهي ۔۔۔ رب العالمين سنڌين جي منهن تي هميشه مشڪ قائم رکي ۔۔۔ آمين دوست عبدالوهاب! اوهانجي لکڻين، صلاحن ۽ ٽوٽڪن جو ته اسان وٽ ڪو حساب ئي ناهي پر چونٿا ته 2000 ليک پورا ٿي ويا آهن ۔۔۔ مبارڪ ضرور ڏبي پر ائين نه سمجهجان ته بس 2000 ڪافي آهن ۔۔۔ اسانجي سنگت ۾ حساب جي ڪا ڳالهه ناهي ۔۔۔ ”سورهيه سو چائي جو رڳو ئي رڻ گهري ۔۔۔ جي لائجي ته توڙ نڀائجي ۔۔۔ اوهين هميشه هن ساٿ سان سلهاڙيل رهو ۔۔۔ هميشه پنهنجي ناصحانه ڳالهين سان اسانجي رهبري ڪندا رهو ۔۔۔ رب اوهانکي ڪوسي وا کان بچائي ۔۔۔ ۽ مردن واري زندگي عطا ڪري ۔۔۔آمين دعائن ۾ گڏ
جواب: ادا عبدالوهاب کي کوڙ مبارڪون هجن سندس سان منهنجي پهرين گفتگو اپريل 2009 ۾ ياهو تي ٿي۔۔۔ پاڻ مون کي دوستن ۾ شامل ڪندي لکيو ته ياهو ميل جي نئين سروس تحت جيڪڏهن ڪنهن دوست جي اي ميل پڙهندا هجو ۽ اهو دوست ميسينجر تي آن لائين هجي ته ياهو ميل سرور توهان کي اشارو ڏيندو ته توهان ڏانهن ميل موڪليندڙ ساٿي هيئنر آن لائين آهي۔۔۔ ”سنڌي ڪمپيوٽنگ جي گروپ ميل ڪري مون توهان آن لائين ڏسي ورتو۔۔۔۔ ڪهڙا حال آهن۔۔۔“ هي سندس جو پهريون جملو هو۔۔۔ مون کيس خيريت ٻڌائڻ کان سواءِ اهو به ٻڌايو ته نئون سنڌي فورم کولي رهيو آهيان ته سندس تجسس انتها تي پهچي ويو ۔۔ پنهنجي لاڏ ڪوڏ واري ضدي طبيعت ڪري مون کي مجبور ڪيائين جنهن ڪري مون کان پوءِ محترم عبدالوهاب پهريون ساٿي هو جنهن سنڌ سلامت فورم کي سڀ کان پهريان ۽ ان وقت ڏٺو جڏهن مان سنڌ سلامت جي تفريح واري آخري ڪيٽيگري بڻائي رهيو هيم۔۔۔ بنا ڪنهن دير جي رجسٽريشن ڪري ورتائين ۔۔۔ اهي ڏينهن ۽ اڄ تائين سندس سمورو ساٿ هميشه وانگر لاجواب رهيو۔۔۔ جتي سنڌ سلامت کيس محبت، عزت، چاهت ۽ شهرت ڏني اتي پاڻ به قيمتي وقت، مرڪ، ساٿ، دوستي ۽ سڀ کان اهم پنهنجا ليک سنڌ سلامت کي ڏنا۔۔۔۔ وقت کيس پنهنجي گهريلو ذميدارين ۽ اڳتي وڌڻ جي جستجو ۾ سنڌ سلامت کان هٽائڻ جي ڪوشش ڪئي پر پاڻ وري ٻيهر اچي پنهنجي پراڻي يادگار ۽ جذباتي انداز سان فورم تي هاوي ٿي ويو۔۔۔۔ منهنجي دوست، منهنجي محسن ۽ منهنجي ڀائرن جهڙي ڀاء اڄ جڏهن پنهنجيون 2000 تحريرون مڪمل ڪيون ته ڄڻ مون کي سندن همٿائيندڙ جملا جيڪي هر ڏکئي وقت ۾ مون کي حوصلو ڏيڻ لاءِ هوندا هئا۔۔ واقعي سچ لڳڻ لڳا۔۔ ته ”ادا رشيد ۔۔۔ ! سنڌ سلامت کي پاڻ اوچائي تائين پهچائڻ ۾ ڪا ڪسر نه ڇڏينداسين۔۔۔“ مهرباني دوست توهان پنهنجو حق ادا ڪري ڇڏيو۔۔۔ پر ياد رهي منزل در منزل اڃان باقي آهي ۔۔۔ ان ڪري حوصلو بلڪل نه هارجو۔۔۔ مصروفيتن جي ڊوڙ ۾ جي ٿڪجي پئو ته ساهي ضرور پٽجو پر سست نه ٿجو۔۔۔ جو توهان جي همت ۽ حوصلي ڏيارڻ جي مون کي ۽ سنڌ سلامت کي هر وقت ضرورت رهندي۔۔۔۔
