ممتاز علي وگهيو
سينيئر رڪن
جهاز حادثو ( اسلام آباد پاڪستان ) وڊيوز
اربعا تي پاڪستان جي گادي واري هنڌ اسلام آباد ۾ ٿيل حادثو پاڪستان ۾ 4 سالن کانپوءِ ڪنهن مسافر جهاز جو حادثو هو. هن حادثي ۾ پاڪستاني زمين تي پهريون ڀيرو ڪنهن پرائيويٽ پاڪستاني ڪمپني جو مسافر جهاز تباهه ٿيو آهي. هن کان پهريان ٿيندڙ سمورن حادثن ۾ سرڪاري ايئر ڪمپني پاڪستان انٽرنيشنل ايئرلائين جا جهاز ئي تباهه ٿيا جن ۾ پاڪستاني زمين تي صرف فوڪر جهاز ئي حادثن جو شڪار ٿيا.
پاڪستان ۾ مسافر جهازن جي تاريخ ۾ گادي واري هنڌ جي حدن ۾ ٿيندڙ ٽيون حادثو هو. ان کان پهريان 10 جولاءِ 2006 ۾ پاڪستان انٽرنيشنل ايئر لائين جو فوڪر جهاز ملتان ايئرپورٽ کان اُڏامي حادثي جو شڪار ٿيو هو جنهن ۾ 45 ڄڻا مري ويا هئا.
ملتان واري حادثي کانپوءِ پاڪستان انٽرنيشنل ايئرلائين فوڪر جهازن کي استعمال ڪرڻ ڇڏي ڏنو هو. فيبروري سال 2003ع ۾ پاڪستان ايئر فورس جي سربراهه مصحف علي مير فوڪر جهاز جي حادثي ۾ 17 آفيسر سميت ڪري ويو هو. 1989ع ۾ گلگت ۾ به هڪ فوڪر جهاز 54 مسافرن سميت گم ٿي ويو هو جنهن جو اڄ ڏينهن تائين نالو نشان ڪونه ملي سگهيو آهي.
1986ع ۾ پشاور ۾ هڪ فوڪر جهاز تباهه ٿيو هو جنهن جي نتيجي ۾ 13 ڄڻا مارجي ويا هئا. پاڪستان ۾ پي آءِ اي جي استعمال ۾ فوڪر جهاز جو پهريون حادثو 1970 ۾ ٿيو هو جنهن ۾ 30 مسافر مري ويا هئا. ٻيو حادثو 1972 ۾ ٿيو ۽ هن ۾ 26 ڄڻا مارجي ويا هئا. اُهي ٻئي حادثا راولپنڊي اسلام آباد ۾ ٿيا.
http://www.youtube.com/watch?v=Zg44LDblYhI
http://www.youtube.com/watch?v=zHYVilxlVSw&NR=1
http://www.youtube.com/watch?v=jSXJimQmIRQ
http://www.youtube.com/watch?v=N-gUJ2PwrEQ
http://www.youtube.com/watch?v=O4uGNR3cSqs
ايڪسپريس ٽي وي نيوز اردو وڊيو
