سنڌ سلامت واسيو السلام عليڪم، ڪالهه ڪمپيوٽر تي مزي سان ويٺو هوس ته اسان جو محترم سائين رحيم بخش صاحب سهڪندو آيو، اچي فليش ڊرائيو منهنجي سامهون رکي ڪري ڪاوڙ ۾ چيائين ته ادا هن ۾ ڪالهه مون هڪ فولڊر ڪاپي ڪيو هو سو هاڻي نه فولڊر آهي ۽ نه ئي ڪجهه ٻيون فائلون مان ته پريشان ٿيو آهيان. بس مونکي پنهنجون فائلون واپس آڻي ڏي چاهي ڇا به ٿي پوي. مون چيو ته فائل گم ٿي وئي هوندي. اڙي ادا مون وٽ فولڊر آپشن ئي ڪم نه ٿو ڪري هاڻي انهي جو ڇا ڪجي. بس ڪجهه ڪر نه ته فليش ڊرائيو کي ڀِت ۾ ٿو هڻانس. حسبِ روايت مسڪرائيندي چيو مانس ته سائين پريشان ٿيڻ جي ضرورت ئي ناهي. ساٿيو، اسان سان اڪثر ايئن ٿيندو آهي جو، اسان جي فليش ڊرائيو ۾ فائيل ۽ فولڊر موجود هوندي به اسان کي نظر نه ايندا آهن، ۽ اسان کي لڳندو آهي ته اسان جي فائيلون ڊليٽ ٿيل هونديون آهن پر جڏهن فليش ڊرائيو جي پراپرٽيز کي چيڪ ڪندا آهيون ته اُها اسان کي ڀريل نظر ايندي آهي. اهو تڏهن ٿيندو آهي جڏهن اسان فليش ڊرائيو تي ڪو وائرس حملو ڪندو آهي انهي جو حل ونڊوز جي طاقتور ڪمانڊ ٽول (ڊاس) ۾ موجود آهي. 1. سڀ کان پهريان ڊاس ڪمانڊ پرامپٽ کوليو وڌيڪ هي تصوير ڏسو. يا وري اسٽارٽ مينيو تي ڪلڪ ڪري رن ۾ وڃي ڪري cmd لکي ڪري انٽر ڪريو ته توهان جي سامهون هيٺين اسڪرين ظاهر ٿيندي. هاڻي توهان ڪمانڊ پرامپٽ ۾ هيٺين ڪمانڊ لکو ۽ انٽر ڪريو ATTRIB: .ڊاس جي هن پاورفل ڪمانڊ جي ذريعي توهان پنهنجي فائيلن ۽ فولڊرن کي لڪائي ۽ ڏسي سگهو ٿا. Attrib -h -r -s h:\*.* /s /d هتي H: منهنجي فليش ڊرائيو آهي ٿي سگهي ٿو توهان وٽ مختلف هجي، سو انهي ڊرائيو جي نالي کي پنهنجي سسٽم جي حساب سان تبديل ڪندا رهو، نه ته ٻي صورت ۾ ڪمانڊ ڪم نه ڪندي. توهان جي اسڪرين ٿوري دير لاءِ ڪرسر ٽمڪندو (بلنڪ) ڪندو رهندو ۽ اُن کان پوءِ پهرين واري حالت ۾ واپس اچي ويندو
جواب: پنهنجي فليش ڊرائيو ۾ موجود لڪيل فائيل ظاهر ڪريو۔ ڪم جي ڳالهه ڏسي اٿئي ادا وهاب۔۔۔۔۔۔۔۔۔۔۔ ڪجهه ڏينهن اڳ منهنجي دوست پڻ فون تي مون کان اهڙي مسئلي بابت پڇيو هو۔۔۔ مون کيس ڪمانڊ جو صرف پهريون حصو ٻڌايو هو۔۔۔۔ پر پهريون حصو تڏهن ئي ڪم ڪندو جڏهن توهان فليش ڊرائيو جي روٽ تي بيٺا هجو۔۔۔ توهان جي ڪنهن جاندار تحرير کي ڏسڻ لاءِ ڪافي انتظار ڪرڻو پيو۔۔۔ اميد ته پنهنجي قابليت کي اهڙي طرح بار بار پالش ڪندا رهندا۔۔۔
جواب: پنهنجي فليش ڊرائيو ۾ موجود لڪيل فائيل ظاهر ڪريو۔ ادا اصل ٿڪ ئي لاهي ڇڏيئي۔ ائين سمجهو جيئن نه ڪنهن مزور کي انهي جي مزوري ٽائيم تي ملي، ۽ سا به ٻه ٽي روپيا وڌيڪ پوءِ ته اصل واهه واهه، ادا بلڪل هاڻي ائين ئي ڪبو، رڳو توهان جي محبت کپي۔
جواب: پنهنجي فليش ڊرائيو ۾ موجود لڪيل فائيل ظاهر ڪريو۔ ادا عبدو اصل ٿڪ ئي لاهي ڇڏيئي اهڙي قسم جي شيئرنگ پيش ڪري ، اهڙي قسم جي تحريرن کي پڙهڻ لا۽ ئي توهان جي ڪمي کي سنڌ سلامت فورم تي محسوس ڪيو ويو هو توهان جي اهڙي ئي بهترين شيئرنگ پيش ڪرڻ تي توهان جي مهرباني سائين توهان جي اهڙي ئي تحريرن جو انتظار رهندو توهان پنهنجون اهڙيون ڪوششون جاري رکجو سدائين گڏ
جواب: پنهنجي فليش ڊرائيو ۾ موجود لڪيل فائيل ظاهر ڪريو۔ محترم پيارا راجا عبدالوهاب اوهان جي وڏي مهرباني واقعي منهنجو هڪ مسئلو ته حل ٿي ويو آهي ليڪن هڪ مسئلو اڃا آهي اهو مسئلو ٻئي ٿريڊ ۾ شيئر ڪري چڪو آهيان براء مهرباني ان ۾ ڪا هتي ئي امداد ڪندا روز روز اوهان تائين نه ٿو پهچي سگهان جو پنڌ پري آهي. ياد ڪرڻ جي وڏي مهرباني شال جڙيا هجو خوش هجو آباد هجو .رب جي رحمت جي ڇانوَ ۾ هجو .
جواب: پنهنجي فليش ڊرائيو ۾ موجود لڪيل فائيل ظاهر ڪريو۔ سائين منهنجا توهان جو ڪهڙو مسئلوآهي، ٿورو قرب ڪري هن ٿريڊ ۾ اُن لنڪ پوسٽ ڪيو ته انشاءَآلله هي ناچيز ضرو انهي کي حل ڪرڻ جي پوري پوري ڪوششڪندو۔
جواب: پنهنجي فليش ڊرائيو ۾ موجود لڪيل فائيل ظاهر ڪريو۔ سائين مسئلو اوهان تائين پهچي چڪو آهي اوهان جي جواب جي به عنايت ٿي اوهان جا احسان لاهي ته نه سگهبا ليڪن ڳائبا ضرور الله تعالى اوهان جي علم عقل ۾ اضافو فرمائي.
جواب: پنهنجي فليش ڊرائيو ۾ موجود لڪيل فائيل ظاهر ڪريو۔ سائين منهنجا انشاءَالله ضرور حل ٿيندو، ۽ ٻيو ته ان ۾ احسان جي وري ڪهڙي ڳالهه آهي، اِهو ته منهنجو فرض آهي،۔
