سنڌ سلامت دوستو سلام مان سچل ڳوٺ ڪراچي جو رهواسي آهيان جيڪو ڪراچي جهڙي شهر ۾ سنڌين جو مضبوط ڳڙهه آهي۔ جتي 100 في صد سنڌي آباد آهن۔ منهنجو اصل تعلق ڳوٺ نواب وساڻ تعلقه ڪوٽ ڏجي ضلع خيرپور سان آهي۔ مان سن 1999 ۾ شاهه عبداللطيف يونيورسٽيء مان ايم بي اي فرسٽ ڪلاس فرسٽ پوزيشن سان پاس ڪري 2000ع ۾ سوئي سدرن گيس ڪمپني ۾ نوڪري جي شروعات ڪئي۔ هن وقت مان سوئي سدرن گيس ڪمپني هيڊ آفيس ڪراچي ۾ بطور ڊپٽي چيف مينيجر ڪم ڪري رهيو آهيان. مان سنڌ گريجوئيٽس ايسوسيئيشن سچل ڳوٺ شاخ جو ميمبر آهيان ۽ ان جي ئي پليٽ فارم تان سنڌي ماڻهن جي مدد ڪرڻ ۽ سماجي ڪم ڪرڻ جو حوصلو مليو آهي۔ ادبي حوالي سان منهنجي ڪابه وڏي حيثيت ناهي۔ مان نه ته ڪو شاعر آهيان ۽ نه وري ڪو اديب، بس سنڌي سپوتن ۽ سنڌي سڄڻن جي ڪم کي انٽرنيٽ ۽ سوشل نيٽورڪس تي اپڊيٽ ڪندي ماڻهن سان شيئر ڪندو رهندو آهيان۔ سنڌي شاعرن جي چونڊ شاعري کي ڊزائن ڪري انٽرنيٽ تي عام ڪرڻ منهنجو مشغلو آهي۔ سنڌ سلامت سان ويجهڙائي سائين نثار ابڙي صاحب جن ڪري ٿي آهي۔ سندس ئي چوڻ تي مان ميمبر ٿيس ۽ سندس وطن اچڻ کان اڳ فيسبوڪ تي رابطي کانپوء سندن اسرار تي سنڌ سلامت تي شيئرنگ ڪري رهيو آهيان۔ مان بلڪل نئون آهيان ۽ ڪمپيوٽر بابت گهڻي ڄاڻ به ڪانه اٿم ۽ اها توقع آهي ته سنڌ سلامت جا دوست هر موڙ تي رهبري ڪندا۔ اميد ته سنڌ سلامت تي اوهان سان ساٿ جاري رهندو. منهنجي face book تي ID هن اي ميل تي آهي sulemanwassan@hotmail.com
سليمان وساڻ کي ڀليڪار سنڌ سلامت جا ڀاڳ ڀلا جو اوهانجهڙو محب وطن، سنڌي ٻولي جو سڄڻ ۽ پنهنجي فيس بڪ تي سنڌ ۽ سنڌيت جو پرچارڪ اچي پهتو آهي ۔۔۔ دل جي گهراين سان ڀليڪار ۔۔۔ دوستو! سليمان وساڻ منهنجي دوست هجڻ سان گڏ منهنجو پاڙيسري پڻ آهي، سندس سنڌ دوستي ۽ پاڙي وارن سان دوستي ۽ سچل ڳوٺ ۾ سنڌين کي آباد ڪرڻ ۾ سندس جو ڪردار تعريف جوڳو آهي ۔۔۔ سلام آهي انهن سنڌي نوجوانن کي جيڪي سنڌ سان پيار ڪنٿا ۽ پنهنجي ماتا جي خدمت ڪري پنهنجو فرض نڀائن ٿا ۔۔۔ ادا سليمان منهنجي پاران اوهانکي دل جي گهراين سان ڀليڪار ۔۔۔ اميد ته اوهانکان اسانکي گهڻو ڪجهه سکڻ لا ملندو ۔۔۔ اوهانکي هن اڱڻ بابت ڪا تڪليف يا ڪو سوال هجي ته بي ڌڙڪ ٿي پڇي وٺندا ته پڇڻا نه منهجهڻا ۔۔۔۔ دعائن ۾ گڏ ۔۔۔ سنڌ سلامت ساٿ سلامت ۔۔۔۔
جواب: اسلام عليڪم سڄڻو ادا سليمان۔۔ ڀاءُ توهان کي سنڌ سلامت تي دل جي گهراين سان ڀليڪار چئجي ٿو۔۔۔ ادا۔۔۔ خيرپور جي وساڻ برادري ته ڏاڍي مشهور آهي، خاص ڪري هاڻي جيڪي انهن ۾ پيپلز پارٽيءَ جي طرفان ايم اين اي ۽ ايم پي اي ٿيا آهن۔۔ شايد نواب وساڻ وغيره نالو آهي۔۔۔ خير، انهن جي ڳوٺ واري وساڻن ۽ اسان جي ڳوٺ درٻيلو جي مائٽن وچ ۾ ڀت برادري ۽ اچڻ وڃڻ آهي۔۔
