ننڊ انسان جي لاءِ هڪ نعمت آهي، ڇو ته سڄي ڏينهن جي مصروفيتن بعد ننڊ جي ذريعي انساني جسم کي آرام جو موقعو ملي ٿو، جنهن سان ٿڪ لهي وڃن ٿا ۽ وري نئين سر ڪم ڪار لاءِ انسان تازو دم ٿي وڃي ٿو۔۔ خاص ڪري رات جي وقت جي ننڊ جو ته ڪو مثل ئي نه آهي، هڪ رات جي ڦٽل ننڊ کي پوري ڪرڻ لاءِ 2 ڏينهن ڏينهن جي وقت ننڊ ڪجي تڏهن به ٿڪ نه لهندو۔۔۔ خير ڳالهه هي آهي ته ننڊ انسان جي لاءِ نعمت آهي، هن ۾ ڪمي يا زيادتي ٻئي انساني صحت تي منفي اثر وجهي ٿي۔ آمريڪا جي هڪ يونيورسٽيءَ ۾ انساني جسم تي ننڊ جي اثرات تي هلندڙ هڪ نئين تحقيق موجب روزانه ست ڪلاڪن جي ننڊ انسان جي ذهني ۽ جسماني صحت تي مثبت يا واڌو اثر وجهي ٿي۔ ماهرن جو چوڻ آهي ته جيڪي ست ڪلاڪن کان گهٽ يا وڌيڪ سمهن ٿا انهن ۾ دل جي دوري جو وڌيڪ خطرو ٿئي ٿو۔۔ ماهرن جي مطابق ننڊ جي گهٽتائي يا زيادتي جسم جي قدرتي نظام کي پڻ متاثر ڪري ٿي۔ ننڊ جي بي قاعدگي يا تسلسل ٽٽڻ جي ڪري جسم ۾ بلڊ پريشر ۽ رت ۾ گلوڪوز جي سطح ناهموار ٿي وڃي ٿي، جيڪا رڳن جي سختي جو باعث بڻجي ٿي۔ ماهرن جو چوڻ آهي ته ست ڪلاڪن جي مڪمل ننڊ نه صرف انسان کي چاق و چوبند (چست) رکي ٿي پر صحت ۽ دماغ تي ٻيا ڪيترائي اثر وجهي ٿي، جيئن دماغ تازو توانو رهي ٿو، فيصلي ڪرڻ جي حس مضبوط ٿئي ٿي۔۔
جواب: ننڊ هجي ته ست ڪلاڪن جي۔۔ ادا مست چڱو ٿيو جو توهان اِها ڳالهه ٻڌائي ٻئي انشاءَ الله سڀاڻي کان وٺي اسان به هن ٽائيم تي فورم تي ڪونه اينداسين، مزي جي ننڊ ڪندا پيا هونداسين۔ پوءِ نه چئجانءِ ته يار ادو الائي ڪيڏانهن هليو ويو۔
جواب: ننڊ هجي ته ست ڪلاڪن جي۔۔ يار منهنجو اهو مطلب ٿوڙئي هو۔۔۔ اونئين به عاشقن جي معشوقن پٺيان ننڊ ڦٽل هوندي آهي، پاڻ به هن سنڌ سلامت جا عاشق آهيون ۽ عاشق ته اونئين مجبور آهه۔۔
جواب: ننڊ هجي ته ست ڪلاڪن جي۔۔ ها ادا۔۔ ڇوڪريون ته پالڻهار بڻايون ئي سهڻيون آهن۔۔۔ هي به انهن مان هڪڙي هوندي۔۔۔
جواب: ننڊ هجي ته ست ڪلاڪن جي۔۔ الحمد الله؛ رب العالمين جي طرفان انسان کي اهڙو ته منظم ٺاهيو ويو آهي جو هو فطري اصولن جي پوئواري ڪري ته آرامده ۽ صحتمند زندگي گذاري ويندو ۔۔۔ موت ته برحق آهي پر صحتمند زندگي ۽ ڪامل زندگي گذارڻ به عبادت آهي ۔۔۔ ننڊ سڀني جانورن لاءِ ضروري هوندي آهي ۔۔۔ عام ماڻهونءَ لاءِ 7 کان 8 ڪلاڪ ننڊ ضروري ۽ اهم آهي ۔۔۔ باقي ٻارن ۽ عورتن جهڙي معصومانه ننڊ جي پاڻکي اچي ته ڇا چئجي!!! ۔۔۔ مرد ويچارو ننڊ ۾ به ٻه ۽ ٻه پنج ڪرڻ جي چڪر ۾ پيو خواب ڏسندو آهي ۔۔۔ ستا ئي سونهن ننڊ عبادت جن جي ۔۔۔
جواب: ننڊ هجي ته ست ڪلاڪن جي۔۔ سٺي معلومات آهي۔ پر ادا هت ڪراچي جي شيڊيول اسان کي مڙوئي ٽائيم ٽيبل کان پري رکي ڇڏيو آهي۔
جواب: ننڊ هجي ته ست ڪلاڪن جي۔۔ ننڊ انسان لا ڀلي آهي پر جيڪڏهن اسان پنهنجي زندگي جو ٽيون حصو ننڊ ۾ گذاريون ته باقي زندگي لا وقت ڇا بچندو ؟ جڏهن ته اسان جون خواهشون مسئلا ۽ الجهنون آهن هزار
جواب: ننڊ هجي ته ست ڪلاڪن جي۔۔ صحيح پيا چئو ادا، پر صحت جا اهي اصول آهن، جن کي نڀائيندو ته ڪڏهن به تڪليف ۾ نه پوندو۔۔
