ديسي ”ڀنگ جا پڪوڙا“ ۽ ولايتي ”ڀنگ چاڪليٽ“ ويچار ڊيسڪ ؛ ويچار۔ڪام تان ورتل ۔۔۔ پاڪستان جي سڀ کان وڏي صوبي پنجاب ۾ ڀنگ جا پڪوڙا مشهور هئا ۽ ڇوڪرا مذاق ڪرڻ لاءِ ٻين کي ڀنگ جا پڪوڙا کارائيندا هئا. پر هاڻي شايد ان مذاق جي ضرورت ناهي ڇاڪاڻ ته هڪ آمريڪي ڪمپني ”ڀنگ چاڪليٽ“ مارڪيٽ ۾ پيش ڪرڻ جو منصوبو تيار ڪيو آهي ۽ هاڻي ٽريڊ مارڪ جي منظوري حاصل ڪرڻ لاءِ جوڙجڪ ڪري رهي آهي. ڪمپني جي ذريعن موجب ڀنگ چاڪليٽ پهريان آمريڪا ۾ وڪرو ٿيندي ۽ بعد ۾ هوران هوريان هندستان تائين پهچي ويندي. ان چاڪليٽ جو نالو هوندو ”ڀنگ: اصلي ڀنگ چاڪليٽ“ جيڪڏهن ٽريڊ مارڪ ملي ويندو ته پوءِ ٻيو ڪو به شخص ڪنهن ٻي چاڪليٽ لاءِ ڀنگ جو نالو استعمال ڪونه ڪري سگهندو. رڪسل نالي جي ڪمپني پهريان ئي هڪ ”ڀنگ چاڪليٽ ڪمپني انڪارپوريشن“ نالي سان ڪمپني تيار ڪئي آهي ۽ چاڪليٽ جي مشهوري لاءِ اِها ڪمپني ٽي شرٽس، بيس بال جي ٽوپين سميت ”ڀنگ چاڪليٽ“ جا لوگو تيار ڪري رهي آهي. رڪسل جو چوڻ آهي ته هو مستقبل ۾ ان چاڪليٽ کي سڄي دنيا ۾ وڪڻڻ چاهي ٿي. رڪسل 2 قسمن جون ڀنگ چاڪليٽون ٺاهڻ چاهي ٿي هڪ اڇي چاڪليٽ جنهن ۾ ڀنگ جا ٻڄ ۽ تيل شامل هوندو ۽ ٻي ڪاري رنگ جي هوندي جنهن ۾ گهانجو ۽ چرس شامل هوندو۔
جواب: ڪاڪي آچار جي موالي دوستن لاءِ خوشخبري ۔۔۔ واھ سائين قائم علي شاھ کي هاڻي ڏنڊو ڪونڍو نه کڻڻو پوندو هاڻي
جواب: ڪاڪي آچار جي موالي دوستن لاءِ خوشخبري ۔۔۔ سائين ڳالهه ته زبردست ڪئي اٿوَ۔۔۔ هاڻي اسان واري دوست رنجيت جو به ڀلو ٿي ويندو ۽ قائم علي شاهه به خوش ٿي ويندو۔۔ اهڙن چاڪليٽن جا ڪارٽن گهرائي موالين ۾مفت ۾ تقسيم ڪندو
جواب: ڪاڪي آچار جي موالي دوستن لاءِ خوشخبري ۔۔۔ جي ادا بلڪل هاڻي اسان جي وڏي وزير کي هاڻي ڪونڊو ن کڻڻو پوندو.
