ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

[رشيد سمون]

هن سونهاري ڌرتي جي سهڻين تاريخ ۾ هن ٻوڏ جيتري تباهي آندي آهي ان جو تاريخ ۾ ڪو ثاني ڪونهي ۔۔۔ نقصان ايترو ٿي چڪو آهي جو انگن اکرن ۾ ان جو ڪاٿو لڳائڻ مشڪل ٿي پيو آهي۔۔۔ اڄ جيجل سنڌڙي ٻوڏ جي پاڻي منجهه لڙهي رهي آهي۔۔۔
ماروئنڙا ۽ ملير ٻڏي رهيا آهن۔۔۔ سُور وڌي رهيا آهن ۔۔۔۔ اکڙيون ڀرجي ويون آهن ۔۔۔ ڳوڙهن جا مينهن وسي رهيا آهن۔۔۔
هوئن ته مان هن عمر ۾ ٻارن جي ڳائڻ طرف لاڙي جو مخالف آهيان ۔۔ پر ٻوڏ جي سٽيل هڪ خاندان جو هي ننڍڙو نينگر جنهن سُر، لئي ۽ تال ۾ احمد مغل جو ڳايل هي گيت ڳائي رهيو آهي اهو اندر ۾ هلچل مچائڻ لاءِ ئي ڪافي آهي۔۔۔ مٿان وري ڪي ٽي اين پس منظر ۾ ٻوڏ جو عڪس ڏيکاري اصل هانءُ ڏاريو آهي۔۔ اچو ته هن ٻوڏ جي آئيني ۾ سنڌ امڙ جو عڪس ڏسون ۔۔۔

شال سنڌڙي تنهنجا ٻچڙا جيئندا رهن۔۔۔

درياء تنهنجي دانهن ۔۔ ڏيندس ڏينهن قيام جو​

 

[مست]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

سائين دل تي اڳ ۾ ئي ان واقعن جو اثر، رهندو توهان اهڙي ڏک ڀريل ڪلامن کي هڪ مظلوم ٻارڙي جي واتان ٻڌرائي... اسان مستن کي هيڪاندو روائي ڇڏيو..

 

[ڦلپوٽو فقير]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

بلڪل صحيح ادا

ڏک ته ايترو ٿو ٿئي جو ڳالهه نه ٿئي ڪري سگهجي اسان ته ان صورتحال مان گذري رهيا آهيون پاڻي هن وقت شڪارپور شهر کان 7 ڪلو ميٽر پري آهي ان صورتحال کي ڏسي ڪري اندازو نه ٿو لڳائي سگهي ته هي حڪمرانن جي ڪئي جي سزا آهي يا اسان جي پنهنجي ئي ڪَئي جي سزا آهي ،
وڏي حيرت ۽ عبرت جو ماحول آهي هر طرف صرف ڏک جو منظر آهي غربت ، بي بسي جو منظر آهي جنهن کي ڏسي ڪري اکيون پاڻي ۾ ڀرجي وڃن ٿيون

مون جي دعا آهي ته الله تعالى اهڙا ڏکيا ڏينهن ڪنهن دشمن کي به نه ڏيکاري

مون جي مالڪ سائين کان اها دعا پڻ آهي ته جيڪي نقصان ٿيو آهي سو ته ٿئي ويو آهي باقي الله پاڪ رهندن ڏي خيئر ڪري

آمين

ثم آمين

توهان جي دعائن جو طلبگار

سدائين گڏ

 

[نثارابڙو]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

ادا رشيد ! اسانجون دليون اڳي ئي ڪمزور آهن، مٿان وري اهڙي معصوم آواز ۾ اهڙو ڏکوئيندڙ گيت ۽ مٿان وري سنڌ کي ٻڏندي ڏسي ۔۔۔ اکيون نڪ عريج ٿي پيو آهي ۔۔۔۔ ڇا ڪجي؟ بس دعا ئي ڪري سگهجي ٿي ۔۔۔ رب سڻائي ڪري ۔۔۔۔ آمين

ها اسان سڀني کي هڪٻئي جي مدد ڪرڻي پوندي ۽ هن خئير جي مهيني ۾ رب کي به راضي ڪرڻ جو موقعو آهي ته قوم جي خدمت ڪرڻ جو به موقعو هٿ لڳو آهي ۔۔۔۔ اچو ته سڀ گڏجي سڏجي ان ڏس ۾ پنهنجا قدم وڌايون ۽ هڪٻئي جو آسرو ٿي هن مشڪل وقت مان پار پئون ۔۔۔ همٿ مردان مدد خدا ۔۔۔

 

[رشيد سمون]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

بلڪل صحيح ادا

ڏک ته ايترو ٿو ٿئي جو ڳالهه نه ٿئي ڪري سگهجي اسان ته ان صورتحال مان گذري رهيا آهيون پاڻي هن وقت شڪارپور شهر کان 7 ڪلو ميٽر پري آهي ان صورتحال کي ڏسي ڪري اندازو نه ٿو لڳائي سگهي ته هي حڪمرانن جي ڪئي جي سزا آهي يا اسان جي پنهنجي ئي ڪَئي جي سزا آهي ،
وڏي حيرت ۽ عبرت جو ماحول آهي هر طرف صرف ڏک جو منظر آهي غربت ، بي بسي جو منظر آهي جنهن کي ڏسي ڪري اکيون پاڻي ۾ ڀرجي وڃن ٿيون

مون جي دعا آهي ته الله تعالى اهڙا ڏکيا ڏينهن ڪنهن دشمن کي به نه ڏيکاري

مون جي مالڪ سائين کان اها دعا پڻ آهي ته جيڪي نقصان ٿيو آهي سو ته ٿئي ويو آهي باقي الله پاڪ رهندن ڏي خيئر ڪري

آمين

ثم آمين

توهان جي دعائن جو طلبگار

سدائين گڏ

ساڳي صورتحال سنڌ جي پڪي جي علائقي ۾ موجود منهنجي ڳوٺ ٽڳا لڳ پيارو اسٽيشن جي آهي۔۔۔ هر اڌ ڪلاڪ کن کان پوءِ افواه پئي اچي ته ادا زاهد سومرو جي شهر پاٽ جيڪو اسان جي ڳوٺ کان 8 ڪلوميٽر پري درياء پاسي آهي ان جي ڀرسان موجود بند ٽٽي چڪو آهي۔۔۔ جنهن کان پوءِ ڳوٺ جي ماڻهن جي پريشاني عروج تي پهچيو وڃي۔۔۔ هڪ موقعي تي جڏهن پاڻي جو پريشر بند تي وڌي ويو ته مالڪ علام مرتضى جتوئي پنهنجي باغن ۽ فصلن جي قرباني ڏيندي پنهنجي علائقي ”ڪيٽي جتوئي“ کي ڪٽ ڏيارڻ جي اجازت ڏني جنهن کان پوءِ خطرو ڪجهه گهٽيو۔۔۔

پر رئيس غلام مرتضى جتوئي جي هي وڏي مالي قرباني به ساڀيا نه ٿي ۔۔۔۔ بند تي پريشر برقرار رهيو ۔۔۔ حالات شايد وڌيڪ بي قابو ٿي وڃي ها پر پوءِ درياء دادو مورو پل وٽان روڊ کي شگاف ڪري وڌو جنهن سان جتي اسان جو پڪي جي علائقي تان خطرو گهٽيو اتي هن شگاف ڪيترائي ڪچي جا ڳوٺ ٻوڙي ڇڏيا۔۔۔

بس هن وقت دعائون ئي آهن جيڪي عام ماڻهون جو سهارو آهن ۔۔۔

 

[رشيد سمون]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

پکي باغ پنهنجو ڇڏيندا وڃن ٿا۔۔۔

 

[رحيم بخش]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

يا الله تون اسان تي پنهنجو رحم فرما اسان جي عيبن گناهن کي معاف فرما اسان کي پنهنجي اطاعت جي توفيق عطا فرما اسان کان اهي ڪم ڪراء جنهن ۾ تون ۽ تنهنجو پيارو حبيب راضي هجي. اي ستار پنهنجي ڪرم واري پرده سان اسان جي عيبن جي پرده پوشي فرما پنهنجي شانِ ڪريمي سان اسان تي ڪرم فرما. اللهم انا نسئلک الخير والعفو والعافية في الدين الدنيا والاخرة اللهم ارحم علينا اللهم ارحم علينا اللهم ارحم علينا وقنا من جميع البليات والافات برحمتک يا ارحم الراحمين

 

[عبدالوهاب]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

منهنجا رب رحم فرماءِ تون ئي غفور رحيم آهين۔۔
هينئر ته اسان جي ڪنڌڪوٽ جي به صورتحال اها آهي جيڪا مٿين وڊيوز ۾ ڏيکاري وئي آهي،

 

[رياض حسين گلال]

جواب: ڏک ڏاڍو ٿيندو آ۔۔۔۔۔۔۔۔۔ خالي خالي پنهنجو گهرڙو ڏسي۔۔۔

يا الله تون اسان تي پنهنجو رحم فرما .............................................................................. آمين