دوستو سلام سنڌ هن وقت هڪ ڏکئي دور مان گذري رهي آهي۔ ٻوڏ جي متاثرين جو ڪجه حصو ڪراچي طرف اچي رهيو آهي۔ سچل ڳوٺ جي سڄاڻ دوستن هن مشڪل وقت تي هتي موجود سرڪاري اسڪول جي عمارتن ۾ متاثرين جون ڪئمپون قائم ڪري شروعات ڪئي ۽ هن وقت لڳ ڀڳ 1500 ماڻهون هتي موجود آهن۔ کاڌ خوراڪ جو بندوبست حڪومت طرفان آهي ان کانسوا ء عالمگير ٽرسٽ ۽ ڪجه مخير دوست ڪري رهيا آهن۔ هن وقت سنڌ گريجوئيٽس ايسوسيئيشن (سگا) ، پ پ پ سچل ، سچل ڳوٺ ڊولپمينت ڪميٽي ، سنڌ ترقي پسند پارٽي ، عوامي جمهوري پارٽي ، جيئي سنڌ محاذ ، جيئي سنڌ قومي محاذ ، پ پ پ (شهيد ڀٽو) ۽ جماعت اسلامي (سچل ڳوٺ) گڏجي ڪئمپن جي سار سنڀال ۽ سهولتون مهيا ڪري رهيا آهن۔ اسين اميد ٿا ڪريون ته هي سڀ دوست گڏجي سياسي وابستگين کان هٽي ڪري هڪ سنڌي جي حيثيت سان هن قومي خدمت ۾ پنهنجون خدمتون جاري رکندا۔ سنڌ سلامت جي هن فورم تان مان سڀني دوستن کي اپيل ڪندس ته طبي سهولتن جي حوالي سان اسان جي مدد ڪن ۽ دوائون ۽ ميديڪل ٽيمون موڪلي سگهن ته لک احسان ٿيندا۔ دعا ڪريو ته قوم هن ڏکي امتحان مان پار پوي۔
جواب: سچل ڳوٺ ۾ قائم متاثرين جي ڪئمپ ۾ 1500 ماڻهن جي رجسٽريشن ادي سليمان وساڻ سان گڏ آءُ به پنهنجن سنڌي ڀائرن کي عرض ڪندس ته هو، ان ڪار خئير ۾ وڌي چڙهي حصو وٺي پنهنجي عاقبت سنوارين ۔۔۔ خلق خدا جي خدمت، هزارها عبادتن کان بهتر آهي، اسين سڀ هڪٻئي جي حقن سان جڙيل آهيون، اچو ته پنهنجا حق نڀائيو ۽ رب کي راضي ڪريون ۔۔۔ بيشڪ عبادتون پنهنجي جاءِ تي آهن پر اهي عبادتون جن ۾ يتمين کي کاڌو نه کارائڻ شامل هجي سي عبادتون موٽائي منهن تي هنيون وينديون۔۔۔ ادا وساڻ، افسوس جو آءُ پرديس ۾ آهيان ۽ اوهان سان ڪلهو ڪلهي ۾ ملائي نٿو هلي سگهان پر مون لئه ڪابه خدمت هجي ته پنهنجو ڀاءُ سمجهي حڪم ڪندا ۔۔۔ رب اسانکي خلق خدا جي خدمت ڪرڻ جي توفيق عطا فرمائي ۔۔۔ آمين
جواب: سچل ڳوٺ ۾ قائم متاثرين جي ڪئمپ ۾ 1500 ماڻهن جي رجسٽريشن ثم آمين۔۔۔۔بس سائين منهنجا ڪو ڪو آهي جيڪو خدمت ڪري
جواب: سچل ڳوٺ ۾ قائم متاثرين جي ڪئمپ ۾ 1500 ماڻهن جي رجسٽريشن سائين خالي ثم آمين ته ڪم ڪونه هلندو اٿو وارو ڪيو۔۔۔۔۔۔۔۔۔۔ ڪجهه عملي ڪم به ڏيکاريو ايترو نه ٿا ڪري سگهو ته ڪجهه مدد ته غريبن جي ڪري سگهو ٿا نه۔۔۔۔۔۔۔۔۔۔۔۔۔! ڪنهن ويجهي ڪيمپ تي وڃي ڪري ڪجهه انهن ٻوڏ ستايلن لا کائڻ پيئڻ جون شيون جمع ڪرايو۔۔۔۔۔۔۔۔۔۔
جواب: سچل ڳوٺ ۾ قائم متاثرين جي ڪئمپ ۾ 1500 ماڻهن جي رجسٽريشن اسان وٽ ڄامشورو شهر جي مکيه علائقن ۾ به هزارين ٻوڏ متاثرين تباهه ٿيل علائقن مان اچي رهيا آهن، جن ۾ ٺل، ڳڙهي خيرو، جيڪب آباد وغيره شامل آهن، انهن ٻوڏ متاثرن جي لاءِ ڪجهه سرڪاري اسڪولن ۾ ڪيمپون هنيون ويون آهن ان کان علاوه اهي ڄامشورو جي پهاڙي علائقن ۾ الڳ الڳ جهونپڙيون ٺاهي رهي رهيا آهن، اسڪولن ۽ ڪيمپن ۾ رهڻ وارن جي ڀيٽ ۾ انهن ماروئڙن جي امداد ڏاڍو ڏکيو عمل آهي، هتي به ڪا به اهڙي نالي جوڳي تنظيم فعال نه آهي پر ان هوندي به يونيورسٽين جا شاگرد، ملازم ۽ استاد پنهنجي پنهنجي طور تي گروپن جي صورت ۾ فنڊ گڏ ڪري انهن جي امداد ڪرڻ لاءِ اُپاءِ وٺي رهيا آهن. ڄامشورو جي لمس اسپتال ۾ به هر گهڙي سوين ٻوڏ ستايل ماڻهن جي پيهه رهي ٿي جيڪي گهڻي قدر پيٽ ۽ چمڙي جي بيماريءَ ۾ مبتلا آهن، لمس اسپتال انتظاميه انهن جي سهولت لاءِ هڪ ڊاڪٽر جي جڳهه تي ٻه ٻه ڊاۡڪٽرن جون ڊيوٽيون لڳائي رهي آهي... تنهن هوندي به انهن متاثرين جي سهائتا ۽ بحالي ڏاڍو ڏکيو عمل آهي، ويچارا گهر گهر وڃي پني گذر ڪرڻ تي مجبور ٿي رهيا آهن..
