ريڊيو دوربينن جي ذريعي ڪائنات ۾ ذهين مخلوق جي تلاش جاري سائنس جي ترقي سان گڏوگڏ ڌرتي کان ٻاهرين دنيا کي ڪنٽرول ڪرڻ لاءِ ڪائنات جي متعلق وڌيڪ معلومات حاصل ڪرڻ جي جستجو ۾ ڏينهون ڏينهن اضافو ٿي رهيو آهي. تازو ئي يورپي سائنسدانن ماڊرن ريڊيو دوربينون جديد ٽيلي اسڪوپ) نصب ڪري هڪ وڏو پراجيڪٽ شروع ڪيو آهي. سائنسدانن کي اُميد آهي ته انهن دوربينن جي ذريعي ڪائنات جي شروعات ۽ ٻين سيارن ۾ ڪنهن ذهين مخلوق جي موجودگي جي جاچ ڪرڻ ۾ مدد حاصل ٿي سگهي ٿي. پورٽس مٿ، آڪسفورڊ ۽ سائوٿ همپٽن يونيورسٽيون ان وڏي پراجيڪٽ تي گڏجي ڪم ڪري رهيون آهن. پهرين منزل ۾ ان هفتي هيشمائر جي ويجهو انڊور جي خلائي جاچ ڪندڙ اسٽيشن ۾ گهٽ فريڪونسي واري ريڊيو جا 96 نشرياتي پول نصب ڪيا ويندا.
