(شاعر منير سولنگي) ڪي ڪي ماڻهو ويندا آهن، منهن کي موڙي ويندا آهن، مور نه چِت تي چڙهندا آهن، ناتو ٽوڙي ويندا آهن. ڪي ڪي ماڻهو عيسى بڻجي، مُرده دليون روز جيارين، مِهَر محبت وارا خيما، جڳ ۾ کوڙي ويندا آهن. ڪي، ڪي ماڻهو ماکي، مصري، سورج کان وڌ روشن روشن، هر ڪنهن جي دل اندر يارو، جابون جوڙي ويندا آهن. ڪي، ڪي ماڻهو رُڃ جا راهي، سسئيءَ وانگي پنڌ پڇائي، من جي مقصد ماڻڻ خاطر، بَرترَ ووڙي ويندا آهن. ڪي ڪي ماڻهو رڄ وراڪا، سون سريکا، پيار جا پياسا، رانجھو واريءَ رَمز سان سائين زهر نچوڙي ويندا آهن. ڪي ڪي ماڻهو يار ”منير“، ٿيندا آهن ساهه سڌير، سچ مٿان سر گهورڻ خاطر پاڻ پتوڙي ويندا آهن.
جواب: ڪي ڪي ماڻهو ويندا آهن، منهن کي موڙي ويندا آهن، واه عاشق سولنگي صاحب واه توهان اسان سان منير سولنگي صاحب جي شاعري شيئر ڪري اصل قرب ڪري ڇڏيا تمام بهترين شاعري آهي توهان جي اهڙي ئي ٻئي شاعري جو انتظار رهندو سدائينگڏ
جواب: ڪي ڪي ماڻهو ويندا آهن، منهن کي موڙي ويندا آهن، ڀاڙيا ماڻهون ڀاڙي تي جلاد گهرائي ويٺا هن، سورهيه ماڻهون حق جي راهه تي سيس ڪپائي ويٺا هن۔۔۔۔ اهڙي قسم جو هڪڙو گيت ٻڌو هيو، الائجي ڪهڙي شاعر جو هو ۽ الائجي ڪهڙي ڳائڻي ڳايو هو ۔۔۔ پر مون ٻڌو ضرور هو ۔۔۔ ڪنهن دوست کي ياد هجي ته هت ونڊ ڪري ۔۔۔ ادا عاشق ! منير سانگيءَ جي سهڻي شاعريءَ جي ونڊ ڪرڻ جي مهرباني ۔۔۔ تمام پيارن جذبن سان سچ جي تبليغ ٿيل آهي ۔۔۔ ٿورا ناهن ٿورا ۔۔۔
جواب: ڪي ڪي ماڻهو ويندا آهن، منهن کي موڙي ويندا آهن، ادا تمام بهترين شاعري ۽ گڏ دلڪش ڊزائينگ ونڊ ڪرڻ تي اوهان جي مهرباني
جواب: ڪي ڪي ماڻهو ويندا آهن، منهن کي موڙي ويندا آهن، پسند ڪرڻ جي مهرباني سائين نثار ابڙو،فقير ۽ راجه۔ دعا ۾ ياد
جواب: ڪي ڪي ماڻهو ويندا آهن، منهن کي موڙي ويندا آهن، ادا عاشق سولنگي شل جڳ جڳ جيئندو رهين اها شاعري ٻڌائي اصل سڀ ٿڪ ئي لاهي ڇڏيئي مهرباني سائين مولا شل آباد ڪريو
جواب: ڪي ڪي ماڻهو ويندا آهن، منهن کي موڙي ويندا آهن، واهه عاشق سائين واهه۔۔۔ اڄ ته تمام زبردست شاعري ونڊڪئي اٿئي۔۔۔ مطلب ته هاڻي عاشق مجبور ٿي شاعريءَجو شوقين بڻيو آهي۔ اهو ڏينهن ڏور نه آهي جو عاشق پاڻ شاعر بڻبو
جواب: ڪي ڪي ماڻهو ويندا آهن، منهن کي موڙي ويندا آهن، هاهاهاهاها۔۔۔۔۔۔۔ادا مست يقين ڪر مانکي شاعري جو شوق ته ڄائي ڄم کان آهي۔ پر ڪوشش ڏاڍي ڪئي آهي۔ هڪ به شعر ٺاهي نه سگهيو آهيان۔ باقي هاڻي دعا ڏيڻ وارو مست هجي ته دعا ضرور اثر ڪندي
