هندستان ۾ شوگر جي مريضن لاءِ 2 مهينن تائين اثر ڪندڙ انسولين ايجاد شوگر جي مريضن کي هر مهيني انسولين جا ڊزن کان وڌيڪ ٽڪا هڻائڻ کان نجات ملي وئي آهي ڇاڪاڻ ته هندستاني سائنسدانن انسولين جو اهڙو ٽڪو ايجاد ڪيو آهي جنهن کي هڪ ڀيرو استعمال ڪرڻ سان مريض جي جسم ۾ 2 مهينن تائين شوگر ليون بلڪل ٺيڪ رهندو. عام طور تي شوگر جا مريض هر مهيني ۾ 60 کان 90 ٽڪا هڻائيندا آهن پر هاڻي هندستاني سائنسدانن جي ايجاد سان مريضن کي پريشاني ڪونه ٿيندي. انسولين جي جديد ٽڪي جي خاصيت اِها آهي ته انسولين جي عام ٽڪي جي مقابلي ۾ اِهو ٽڪو استعمال ڪرڻ سان صبح ساجهر شوگر جي مريضن ۾ شوگر ليول گهٽ ڪونه ٿيندو جيڪو ڪيترا ئي ڀيرا مريضن جي موت جو ڪارڻ بڻجي ويندو آهي. نئي دلي جي هڪ کاتي تحت ٿيندڙ ريسرچ تي صرف 20 لک خرچ ٿيا آهن ۽ اِها دوا 3 سالن ۾ ايجاد ڪئي وئي آهي. نئي دلي جي فورٽس اسپتال جي شوگر واري کاتي جي سربراهه انوپ مشرا هن انسولين کي هندستاني سرڪار تحت ريسرچ ليبارٽري جي سڀ کان خاص ايجاد قرار ڏنو آهي.
جواب: هندستان ۾ شوگر جي مريضن لاءِ 2 مهينن تائين اثر ڪندڙ انسولين ايجاد واھ سائين اوهان جي ونڊ سدائين سٺي هوندي آهي۔
جواب: هندستان ۾ شوگر جي مريضن لاءِ 2 مهينن تائين اثر ڪندڙ انسولين ايجاد ادا تمام بهترين۔۔۔۔۔۔ خبر ناهي اسان جي ملڪ ۾ اِها دوا ڪڏهن ٺهندي
جواب: هندستان ۾ شوگر جي مريضن لاءِ 2 مهينن تائين اثر ڪندڙ انسولين ايجاد ادا ممتاز صاحب معلومات ته بهترين آهي پر ڇا اها انجيڪشن اتان گهرائي سگهجي ٿي يا هت پاڪستان ۾ ملي سگهي ٿي هڪ دوست کي ضرورت آهي اگر ان متعلق معلومات هجي ته شيئر ڪندا
