ذهني دٻاءُ جو حل چانھ جو هڪ ڪوپ

[ممتاز علي وگهيو]

ذهني دٻاءُ جو حل چانھ جو هڪ ڪوپ​

توهان ڏٺو هوندو ته جڏهن ڪو ماڻهو تمام گھڻي پريشاني ۾ هوندو آهي ته ۽ انهي تي ڪا ذهني پريشاني يا دٻاءُ هوندو آهي ته هو چانھ گھرندو آهي. يا پوءِ جيڪڏهن گھر ۾ هوندو آهي ته آواز ڏيندو آهي ته چانھ واري ديڳڙي چلهي تي رکي ڇڏيو. ماهرن جو خيال آهي ته صرف چانھ جي ديڳڙي چلهي تي رکڻ سان ئي توهان جي پريشاني گھٽ ٿي سگھي ٿي.
ٽيلي گراف ۾ ڇپجڻ واري هڪ رپورٽ موجب سٽي يونيورسٽي لندن جي ماهر نفسيات ڊاڪٽر مالم ڪراس ويجھڙائي ۾ هڪ تحقيق کان پوءِ چانھ پيئڻ وارن لکئين ماڻهن جي انهي خيال جي تصديق ڪئي آهي ته جيڪڏهن توهان کي پريشاني هجي يا پوءِ ذهني دٻاءُ هجي ته پوءِ چانھ جو هڪ ڪوپ پيئڻ سان ئي ذهني دٻاءٌ گھٽجي سگھي ٿو.
پوءِ هن تحقيق هيٺ رضاڪارن کي ذهني دٻاءُ جي حالت ۾ رکيو ويو، جنهن کان پوءِ انهن جي هڪ گروپ کي چانھ پياري وئي، جڏهن ته ٻئي گروپ کي چانھ ڪونه ڏني وئي، انهي کان پوءِ انهن جي ذهني دٻاءُ جي سطح جي پيمائش ورتي وئي. جنهن مان ظاهر ٿيو ته جنهن گروپ کي چانھ ناهي پياري وئي هئي انهي ۾ پريشاني واري حالت ۾ چانھ نه پيئارڻ کان پوءِ انهن جي پريشاني 25 سيڪڙو وڌي هئي، جڏهن ته چانھ پيئڻ واري گروپ ۾ پريشاني 4 سيڪڙو گھٽ ٿي هئي.
نفسيات جي ماهر مالم ڪراس جو چوڻ آهي ته تجربن مان هي ثابت ٿيو آهي ته دٻاءُ ۾ ڪمي آڻڻ ۾ چانھ ۾ موجود سڪون وارين شين جو عمل ته هوندو ئي آهي، پر چانھ جي ديڳڙي چلهي تي چڙهڻ سان ئي پريشاني گھٽجڻ شروع ٿي ويندي آهي.

 

[عاشق سولنگي]

جواب: ذهني دٻاءُ جو حل چانھ جو هڪ ڪوپ

ادا اوهان جي شيئرنگ لاجواب آهي۔۔۔۔۔۔۔۔چانھ جا ڪجھ فائدا به آهن ۽ نقصان به۔ماهرن جو چوڻ به سهي آهي بس انسان جو ذهن آهي جاتي سيٽ ٿئي۔ ڳوٺن ۾ ناشتي سان وڏا لسي نه پيئندا آهن ته انهن کي مٿي ۾ سور پوندو آهي۔وري شهرن ۾ ڪامورا ناشتي ۾ چانھ نه پيئندا آهن انهن جي جيڪا حالت هوندي آهي اُهان انهن کي خبر هوندي۔
خير ادا هڪ دفعو ٻيهر مهرباني ونڊڻ جي۔۔۔۔۔۔

 

[عاشق سولنگي]

جواب: ذهني دٻاءُ جو حل چانھ جو هڪ ڪوپ

ادا اوهان جي شيئرنگ لاجواب آهي۔۔۔۔۔۔۔۔چانھ جا ڪجھ فائدا به آهن ۽ نقصان به۔ماهرن جو چوڻ به سهي آهي بس انسان جو ذهن آهي جاتي سيٽ ٿئي۔ ڳوٺن ۾ ناشتي سان وڏا لسي نه پيئندا آهن ته انهن کي مٿي ۾ سور پوندو آهي۔وري شهرن ۾ ڪامورا ناشتي ۾ چانھ نه پيئندا آهن انهن جي جيڪا حالت هوندي آهي اُهان انهن کي خبر هوندي۔
خير ادا هڪ دفعو ٻيهر مهرباني ونڊڻ جي۔۔۔۔۔۔

 

[همانگير سولنگي]

جواب: ذهني دٻاءُ جو حل چانھ جو هڪ ڪوپ

واه سولنگي صاحب جو ناشتو اصل 100 مينهن متاري اٿي عاشق مجبور آهي ڀلي ڪيڏو به بيمار هجي او سوري مست وانگر ڪيڏو به ڪنڌار هجي۔

 

[رياض حسين گلال]

جواب: ذهني دٻاءُ جو حل چانھ جو هڪ ڪوپ

مهرباني ادا.