نوٽ ڪرڻ جهڙيون ڳالهيون... زرار پيرزادو اها ڪيڏي نه افسوس جي ڳالهه آهي جو هڪڙا لالچي ماڻهو، ڦورو، پوليس اهلڪار، ڪامورا، ڪاروباري توڙي فراڊي ۽ غير جمهوري ماڻهو ٻوڏ متاثرن مان به نٿا مُڙن ۽ انهن جي مجبورين مان به ناجائز فائدو وٺڻ جي ڪوشش ڪري رهيا آهن. اهي جيڪي اڳ ۾ ئي پنهنجو سڀ ڪجهه لُٽائي چُڪا آهن تن کي به نٿو بخشيو وڃي ۽ مختلف شڪلن ۾ کين به ڦريو ۽ لٽيو پيو وڃي. ٻوڏ متاثر جيڪي پنهنجا گھر گھاٽ ڇڏي آيا آهن تن کي به ڦورو، چور ۽ ڌاڙيل نٿا ڇڏين. جيڪي متاثر بندن تي ويٺل ۽ ڪئمپن ۾ ترسيل آهن سي به حيرت انگيز طور تي ڦورن کان محفوظ ناهن. هوڏانهن ٻوڏ متاثرن لاءِ جيڪو امدادي سامان ملي رهيو آهي تنهن امانت ۾ به وڏي پئماني تي خيانت ٿي رهي آهي. رپورٽون آهن ته ڪامورا عادت کان مجبور انهيءَ امداد مان به حصو پتي ڪرڻ کي پنهنجو حق سمجھي رهيا آهن. ڪيترن ئي ڪامورن امدادي سامان کي پنهنجي گھر رکائي ڇڏيو آهي ۽ من پسند ماڻهن ۾ امداد ورهائڻ جا به اطلاع ملي رهيا آهن ته ڪٿي وري مفت ۾ مليل امدادي سامان پئسن تي ورهائڻ جا به اُلميا ڏٺا پيا وڃن. اهي به رپورٽون آهن ته ڪراچي ۾ ڪن فليٽن ۽ پلاٽن تي ٻوڏ متاثرن جي آڙ ۾ قبضا به ٿي رهيا آهن ۽ اهي به اطلاع ملي رهيا آهن ته ڪراچيءَ ۾آيل ٻوڏ متاثرن کان پنجن کان ڏهن هزارن تائين جي رقم وٺي کين پلاٽ وٺي ڏيڻ جا ساڻن فراڊ ٿي رهيا آهن. ٻيو ته ڇڏيو پر هاڻي ٻاهرين ملڪن کان وڏن نوٽن واري ملندڙ امداد کي ڏسندي پنهنجن ” محافظن“ جا وات به پاڻي پاڻي ٿي رهيا آهن ۽ سندن دليون سٽون هڻي رهيون آهن ته جيڪر اها امداد سول حڪومت کي نه پر کين ملي ان ڪري اهڙو ماحول پيدا ڪرڻ جي ڪوشش ٿي رهي آهي جنهن مان اهو تاثر جڙي ته ملڪ ۾ آيل هن خوفناڪ آفت کي منهن ڏيڻ سول حڪومت جي وس جي ڳالهه ناهي ان ڪري سول حڪمرانن تي ڪرپٽ هئڻ جي بهتان بازي واري سياسي مهم هلرائي کين ناقابل اعتبار بڻائي ڪنهن مارشل لا يا نيم مارشل لا جو رستو هموار ڪيو وڃي سو نوٽ ڪرڻ جي ڳالهه اها آهي ته متحده قومي موومينٽ جي الطاف حسين پاران مارشل لا جي آجيان واري ڏنل بيان کي ڪي مبصر ان تناظر ۾ ئي ڏسي رهيا آهن. zarar_pirzado@yahoo.com عوامي آواز جي ٿورن سان
جواب: نوٽ ڪرڻ جهڙيون ڳالهيون... اڙي ادا وساڻ ۔۔۔ زرار صاحب جو ليک ته پنهنجي جاءِ تي آهي پر يار! پاڪستان جي موجوده نظام ۾ انصاف ٿيندو اها ڳالهه ته اڻ ٿيڻي آهي ۔۔۔ پاڪستان جي سياست ۾ چاهي ڪو ولي الله اچي ته به مونکي يقين نه ٿيندو ته هو انصاف ڪري سگهندو ۔۔۔ پورو نظام درهم برهم آهي پٽيوالي کان وٺي وزيرن تائين سڀ جا سڀ چور ۽ بدمعاش ڀرتي ٿيل آهن ۔۔۔ هاڻ ٻٻرن به ڪڏهن ٻير ڏنا آهن ڇا ؟؟؟؟ جيستائين سنڌ آزاد نه ٿيندي ۽ سنڌي، سنڌ جا اڪيلا وارث نه ٿيندا تيستائين منهنجا عزيز دوستو! اهڙيون ۽ انکان به ڀيانڪ حالتون ٿينديون رهنديون ۽ ڏسبيون ۔۔۔ باقي واڳ ڌڻيءَ وس آهي ۔۔۔
جواب: نوٽ ڪرڻ جهڙيون ڳالهيون... بهترين ونڊ آهي ادا۔انهن جو ماڻهن جي ڪابه قوم نه هوندي آهي اُهي صرف پيسي جا پٽ آهن۔
جواب: نوٽ ڪرڻ جهڙيون ڳالهيون... سائين اوهان 100% سهي ٿا چئو.......پاڪستان جو ڪوبه قانون نه آهي. هتي امير امير تو ٿيندو وڃي، ۽ غريب جي حال جي ته اوهان کي خبر آهي.
جواب: نوٽ ڪرڻ جهڙيون ڳالهيون... ڳالهه پاڪستان يا سنڌ جي نه آهي، پر ڳالهه ماڻهن جي آهي، اهي ماڻهو لاشن ۽ جنازن تي ڪاروبار ڪندڙ آهن۔۔۔ سنڌ جيڪڏهن آزاد ٿي به ته ڪهڙا انجنيئر، سائنسدان، حياتدان، ڊاڪٽر يا زرعي ماهر ان جي لاءِ اسان تيار ڪيا آهن۔۔۔؟ باقي ها رڳو ڪامريڊن جي کيپ اسان وٽ لکن جي تعداد ۾ آهي جيڪي گيئرن (وڪڙن واري) ۽ وڏي پاچن واري سلوار پائي ڇوڪرين تي هوڪرا ڪرڻ ۽ استادن کي تنگ ڪرڻجا ماهر آهن۔۔۔ يا وري اهي ماڻهو آهن جيڪي هوٽلن تي ويهي ڪڇ ۾ ڪڪڙ ڪري هڪ ٻئي سان شرطون پيا هڻندا۔۔ ڪم وارا ماڻهو اسان وٽ آڱرين تي ڳڻڻجيترا به نه آهن۔
جواب: نوٽ ڪرڻ جهڙيون ڳالهيون... ادا اوهان جي ڳالھ بلڪل سهي ۽ سچي آهي۔۔۔۔۔۔۔ادا پر 5 آڱرون به ته برابر نه هونديون آهن،
جواب: نوٽ ڪرڻ جهڙيون ڳالهيون... ادا مان اوهان جي ان ڳالهه مان ته متفق آهيان هن وقت ڪنهن به سياستدان جو دامن صاف آهي۔۔ پر نثار صاحب سنڌ کي الڳ ٿيڻ کان پهران اسان کي سنڌي قوم کي هڪ ڪرڻو پوندو۔۔ پر ۔۔ هتي جا حالات ڏسي افسوس ئي ڪري سگهجي ٿو۔۔۔ آزادي جي هڪ ۾ نعرا هڻندڙ اهي قوم پرست جيڪي سڀ گڏ هوندا هئا ته عوام جو ڌيان به آزادي جي ڳالهه ڏانهن مرڪوز هوندو هئو۔ اڄ اهي ساڳيا قوم پرست ڌڙن ۾ ورهائجي ويا آهن۔۔۔۔ جيڪڏهن ڪنهن به رياست جي آزادي کان پهريان انجي انتظام سنڀالڻ جو سنڌرو ٻڌل ماڻهن جي وچ ۾ اختلاف هوندا۔ ته اهي اڳي ڪيئن هلي سگهندا؟؟؟؟؟؟؟؟
جواب: نوٽ ڪرڻ جهڙيون ڳالهيون... ادا بروبر ۔۔۔ صحيح پيا چئو۔۔۔ مثال ايئن اٿوَ ته جيئن گاڏيءَجو هڪڙو ڦيٿو هڪ پاسي هلندو ۽ ٻيو ٻئي پاسي ته گاڏي ڪڏهن به صحيح نموني نه هلي سگهندي۔۔
