خبر ناهي ڇو جڏهن به دريائن ۽ لڙڪن جا بند ٽٽندا آهن ته ۔۔۔۔۔۔۔۔۔

Uploaded with ImageShack.us

خبر ناهي ڇو جڏهن به دريائن ۽ لڙڪن جا بند ٽٽندا آهن ته پاڪستان جي اڪثر ماڻهن کي ذوالفقار علي ڀٽو ياد ايندو آهي ........... !!

1972 جي ٻوڏ ۾ مائو ٽوپي پائي هيليڪاپٽرن جي شيشن مان ڏک جي تصوير نظر ايندڙ ڀٽو ، پاڻي ۾ پري پري تائين رات ڏينهن پاڻ لهي ماڻهن جي وچ ۾ بيهي مدد ڪري ٻاهر ڪڍندڙ ڀٽو ئي هيو. ايئن لڳندو هئو ته ڊگهن اڇن وارن وارو هي شخص خواجه خضر آهي جنهن جو ڪم مصيبت ۽ موت مان ماڻهن کي ڪڍڻ آهي. گهٽ ۾ گهٽ 1972 جي وڏي ٻوڏ ۾ ته ڀٽو اهو ئي ڪيو.

اطالوي صحافي اوريانا فلاسي ڀٽو کي ڏسي تڏهن لکيو هو ” مان ڀٽو کي ٻوڏ جي ستايل ماڻهن جي ڏکن تي روئندو ڏٺو “

۽ هاڻي جڏهن پاڪستان ۾ وڏي ٻوڏ آئي آهي جنهن سان 10 لک کان وڌيڪ ماڻهو متاثر ٿيا آهن ۽ سوين ماڻهون وهي ويا آهن. پختون خواه ۾ نوشهره کان بلوچستان ۾ نوشڪي تائين ۽ پنجاب ۾ لوڌران کان سنڌ تائين انساني دهشتگردي جي ستايل ماڻهون هاڻي قدرتي دهشتگردي جو شڪار ٿيا آهن. وستيون واهڻ رانديڪن وانگر ۽ انسان ۽ جانور ڪکن وانگر لڙهي رهيا آهن ته حڪمران سوڙهي گهٽي جي تلاش ۾ آهن.

هو اهو ويٺا سوچن ته اسان ڀٽو ڪيئن بڻجون !! هو پنهنجي چوڌاري حفاظتي بند مضبوط پيا ڪن يا درياه مٿان ؟؟ هاڻي ڀٽو جو نظريو ناهي..... جان بچايو مال ٺاهيو جو اصول پيو هلي...

سنڌ ۾ ته حڪومت ڪچي جي علائقن ۾ ڦاٿل ماڻهن کي ٻاهر ڪڍڻ کان معذرت ڪئي ته ماڻهو پنهنجي مدد پاڻ تحت ٻاهر نڪري اچن. سنڌ جو وزير اعليٰ بچاء بند تي ويو سهي پر “ڪجي نظارو پري پري کان”

هن ملڪ لاء ڇا چئجي جتي زلزلي جي متاثرن لاء ايندڙ ڪمبل “راجه بازار ” ۾ پهريان پهچي وڃن ٿا...

حسن مجتبيٰٰٰ
بي بي سي اردو