ڇا عنوان ڏيندو هن تصوير کي۔۔؟

[مست]

جڏهن نيٽ گردي ڪندي هڪ اخبار ۾ موجود هن تصوير تي نظر پئي ته دل سڪتي ۾ اچي وئي۔۔۔ اسان ته پاڻ آرام سان ويٺا آهيون پر مختلف علائقن ۾ ٻوڏ ستايلن سان جيڪا حالت آهي، هي ان جي ننڍڙي عڪاسي آهي۔۔ ماڻهو صرف هڪ ويلي جي پيٽ گذر لاءِ ڪيڏو نه پريشان آهن، ان جو اندازو توهان هن تصوير مان لڳائي سگهو ٿا۔ هي شخص به پنهنجي زندگيءَ جو فڪر نه ڪندي بس اهي مانيءَ جا ٻه ڳڀا بچائي پنهنجي ٻچڙن يا مائٽن تائين پهچائڻ چاهي ٿو۔۔۔
ڇا نانءُ‌ ڏيندو اوهان هن تصوير کي۔۔۔

 

[ڦلپوٽو فقير]

جواب: ڇا عنوان ڏيندو هن تصوير کي۔۔؟

الله سائين پنهنجي پناه ۾ رک

سدائين گڏ

 

[عاشق سولنگي]

جواب: ڇا عنوان ڏيندو هن تصوير کي۔۔؟

سائين بس الله رحم ڪري۔۔۔۔۔۔۔۔باقي هن تصوير کي اسان جو ننڍو ذهين ڪو عنوان نه ٿو ڏئي سگهي۔

 

[سليمان وساڻ]

جواب: ڇا عنوان ڏيندو هن تصوير کي۔۔؟

هِنَ پارِ، نه هُنَّ، ويچارِي وَهَ وِچَ ۾!


لطيف سرڪار فرمائي ٿو ؛

هِنَ پارِ، نه هُنَّ، ويچارِي وَهَ وِچَ ۾!
نِيڇُ نِهاري نه گِھڙِي، تنهن ۾ پيس تُنَّ؛
اَلله! ساڻُ اَمُنَّ، آران ڪنهن اُڪارِئين

يا وري ؛

ساهَڙ ڄامَ! سَتارَ! سِگھو رَسجِ سِيرَ ۾.

لطيف سرڪار فرمائي ٿو


دَهشَتَ دَمَّ دَرياهَ ۾، جِتِ سَٽاڻا سيسارَ؛
بيحَدِ باڳُو بَحرَ ۾، هيبَتَناڪِ هَزارَ؛
سارِيان ڪانَ سَرِيرَ ۾، طاقَتَ توهان ڌارَ؛
ساهَڙ ڄامَ! سَتارَ! سِگھو رَسجِ سِيرَ ۾.